March 2019 ~ Domin Samun Littattafan Hausa

*T*un kafin ta idar ko bacci ya fara fisganta,da sauri tayi sallama da rarrafe ta haye kan katifan ko addu'anma idanunta a kulle suke kan bacci haka tayi addu'an kwanciya bacci,ko ninke abun sallan bata yiba bare hijab en da ta cillar a k'asa...
Cikakken mintuna uku sun yi mata yawa take bacci mai nauyi ya d'auketa......

《《》》

Zuba masa ta sake yi,shi ko sai dad'a kafa kai yake yana shanyewa a haka har sai da ya sha rabin jug en,sam bai sani ba yana can duniyar tunani,dariyan da ta saka ne ya dawo da shi diniyarsa yana mai binta da kallo,hannunsa ya sake sauke idanunsa har lokacin cup en na mak'ale a hannunsa,d'an murmushi yayi yana shafa kansa...

''YAH me zan sa maka？''
Tambayanta ya katse mishi tunani

''Anything ma sis''

Murmurshi tayi tana jin dad'in yadda yake nuna kulawa kan komai da take yi...
Wani warmer ta bud'e take ko ta zaro faifan sinasir,aiko yana gani ya hau murmushi coz yana sonsa sosai MAMA ce dai da yake ba wani iya girkin gargajiya tayi ba,ko da yake na zamaninma dai da sauk'i,(auu kada ta jiyo ni) ☺.......
Ai ko take ya dakatar da ita ta hanyar fad'in
''Sisnah bar shi haka ai kin gamamin komai tunda kikamin favourite nawa,sauran ki kyauta idan na gama abunda nake''

Sosai ya dage yaci sinasir en da miyan agusi,sukam su ASHNA suna cikin parlor duk abunda ke faruwa tsakanin ZAHRA da YAYAN NASU sun zuba ido ne suga ya zasu k'arke shi da ba cin abincin masu aiki yake ba,sai dai kuma kash abunda suka zata bai faruba,duk kuwa da sun san suna shiri sosai da ZAHRA a kan abuncin masu aiki komai zai iya faruwa hatta kuwa ita kanta ZAHRAN,sosai ya basu mamaki,sai da yaji uwa bazai iya tashiba sannan ya hak'ura tas ya shanye sob'on,fuskansa d'auke da fara'a ya kalli ZAHRA yana fad'in
''Thnks Lil sis''

Murmushin itama ta mayar masa kafin suka koma parlor da yake tsit uwa ba mutane...
Tabbatarwa da sukayi ya gama MAMA da muk'arrabanta suka dira a dinning en,har suna rige² gurin bud'e warmer en sinasir aiko dai² lokacin ya juya ya kallesu a hankali ya furta
''Lil sis maza ki adanamin sinasir ennan,coz da safe shi nake son ci''

''Laaaaa！BB ya maka ne？''

Kai ya kad'a mata

''To ai muna da garin,da safen sai ayi maka sabo''

Bai ce komaiba zuwa wani lokaci kuma ya soma tambayanta
''Lilly a ina kika koyi girki ne？''

''Laaaa！BB bafa ni nayiba,kawai dai ina taimaka mata,kuma ina ganin yadda take yi''

''Kin kyauta sosai da kike koyo kin fi wancan sakarkarun''
Har yayi shiru kuma sai ya tuna maganarta da take cewa ''ba ita tayi ba'',kenan waye yayi？
Yama kansa tambayan,aiko take ya d'ago yana kallonta
''Waye ne yayi lil sis？''

''Uhmmm YAYA wata ce''

''Aiko ta burgeni sosai da ta iya kalolin abunda nake so''

''Da gaske YAH？''
Kai ya sake kad'a mata,aiko sai murna take tace
''Ai kam kama tunamin ta ce zata zo maka sannu da dawowa,amma har yanzun shiru''

Shi dai yana saurarenta sai firan take masa tana ta bashi labarin irin kirkinta sai dai har lokacin bata ambaci sunanta ba,tunda suke bata tab'a masa maganar wani ba sai yau,har ta soma jin bacci,k'arshe kam sallama sukama sauran har bakin k'ofan d'akinta ya rakara ya mata sai da safe,sannan ya wuce nasa room en....

Bai jima da shigaba ko shima yabi lafiyan bed dama gajiyan bawai ya gama sakinsa bane aiko bacci ya d'aukesa babu b'ata lokaci......

《《》》

Duk duniyar a yau kam haushin kowa take ji,haka ta wuni ranan takaici duk ya cika mata zuciya....

Ko da dare yayi,tana shiga d'akinta ta ganshi zaune kan gadonta ita kam ma har tsoro abun ya bata dan kam ta san bata bar kowa ciki ba,taya zata ga mutum kuma zaune yanzun...

Har ta juya zata kwasa da gudu, ya dakatar da ita ta hanyar nuni zuwa k'afafunta,take ko tajita uwa wacce aka d'aure,bakinta har rawa yake gurin magana,sai dai ta kasa furta ko (A)....
Ta kowa yayi har gabanta ganinsa ne yasa jikinta ya dad'a yin sanyi,danko tasan zasu maimaita jiya ne....

Bata gama tunanitanba ya shek'e da wata irin dariya da ta cika d'akin ita kam jikinta duk ya saki,daga nan kuma labari ya chanza salo......

Kamar waccan ranar ba shi ya k'yaleta ba sai gabanin b'illowar alfijr......
Haka ya tafi ya barta duk bak'in ciki ya dabaibayeta,tana tunane tunanenta bacci yayi gaba d ita....

《《》》

Tun da ta farka ta d'auro alwala tana kan abun sallah har aka kira sallah,sannan ta saurara tayi sallan subh,tana zaune tana lazimi,garin ya soma haske ci gaba tayi har gari ya gama yin haske tukun ta mik'e..
Wanka tayi ta shirya cikin dogon riga cikin irin kayan da ZAHRA ke bata,ta zura hijab en sallahnta ta fice....

Karafniyarta a kitchen ZAHRA ta jiyo,aiko itama ta kamo hanya ta fito,after sun gaisa ZAHRA ta kalli KHUBRA ta fad'in

''Shi ne kika cemun zaki zo amma naji ki shiru ko？''

'Dan murmushi tayi ba tare da ta ce komai ba ta ci gaba da aikinta
''Aiko sis ban baki labari ba,wollah jiya BB ya ban mamaki,kin san ba abincin kowa yake ciba,kuma wallahi ciki har da na MAMA,in fad'a miki sob'on da kika had'a fa tas ya shanye bai rage komai ba''

'Yar dariyanta ta sake yi,tana shirin d'ora gyad'anta a wuta dan yau kam kunun gyad'a ta tashi da niyyan yi.....

''Laaaaa！sis ban fad'a miki ba,wallahi BB cewa yayi na ajiye masa sinasir en jiya ni kuma nace mishi ya bari a yi masa wani da safe''
Ta tak'aice maganar tana kallon KHUBRA tana kuma sauraron taji me za tace,dafe kanta KHUBRA tayi kafin ta kalleta
''Kin san kuwa sauran garin kenan jiya mukayi amfani da shi？''

Zaro ido ZAHRA tayi tana dafe kai
''Wayyo Allah na,yanzun gashi na bari sun ciye masa,da na sani na adana masa,amma yanzun mene abunyi sis？''
Fuskanta uwa za tayi kuka take kallon KHUBRA,d'an murmushi tayi na k'arfafa mata guiwa

''Hak'uri za ki bashi,amma kam baki kyauta ba''

''Wallahi sis sam na manta sauran garin kenan,shi yasa na ce za ayi masa wani''

''Shi kenan ki bar damuwa,yanzun kawai muyi FUNKASO in yaso sai ki kai masa shi,ki kumayi masa bayanin abunda ya faru,in ba jaka ba zai d'aukeki a mak'aryaciya idan har kika jira ya fara tambaya''

''To sis na gode sosai''
Jikinta a salub'e haka suka ci gaba da aikinsu''

Juya baya KHUBRA tayi ta ci gaba da aikin kwab'in funkasonta....

Tun da ya tashi wanka kad'ai yayi ya zura jallabiya milk colour,silifas en wanka ya zura ya fito,a hankali yake tafiya ko wata macen baza ta gaya masa tafiya a nutse ba...
K'amshin girkin ya biyo,har kusa da kitchen en,nan ne ya soma jin magana k'asa²,a bakin k'ofan ya tsaya yana kallon yadda suka zage suna aiki,ya dai ga ZAHRA kam da yake tana gefe sai surutu take zubawa...
Ita ko d'ayar sam baya iya hango fuskanta,saboda haka bai wani damu da sanin wace ba...

Juywa yayi zai bar gurin dai² ZAHRA ta d'an waigo ai ko ta ganshi,da suri ta biyo shi parlor tana fad'in
''YAYANAH barka da safiya''

Fuskarsa da y'ar fara'a ya kalleta yana amsata,nan kuma tayi shiru kafin cikin d'an tsoro² ta ce
''YAYANAH idan na fad'a maka wata magana baza kaji haushi ba？''

''No princess bazan ji ba,ai bakya laifi a gurina''

''Ammmm！dama ko YAH garin shinkafan da za muyi maka sinasir ne ya k'are,na manta jiya nace maka akwai,amma dan Allah kayi hak'uri kaji''

''Nooo！Princess kar ki damu,babu komai maza jeki ku ci gaba da aikin''

''To YAYANAH na gode sosai''
Murmushi ya mata kafin da d'an gudunta ta bar gurin ta nufi kitchen en.....

Tana shiga ta tarar da KHUBRA har ta gama kwab'in,tana juya kununta da ta dama,da y'ar murnanta ta juyo ta kalleta
''Wato ko sis ina fad'a miki kin san baimin fad'a ba kuma Allah bai damu ba''

''Ai na fad'a miki dama gara da kika fad'a masa yanzun kafin ya tambayeki,da shi ya riga tambaya Allah sai ya ji haushinki''

''Ai kuwa dai wallahi yanzun dad'i nake ji da na fad'a masa kuma bai nunamin damuwa ba''

Ita kam sai murmushi take tana aikinta,haka har ta k'are komai tana k'ok'arin soma suyan funkason,mutiyar tana gefe zaune kan stool tana mata fira...

Sai da suka gama gyara komai na kitchen en kafin KHUBRA ta zari hijab enta dake kan k'ofa inda ta sak'ale shi

''Yawwa sis muje ku gaisa da BB kinga sai ki masa barka da dawowa tunda jiya baki zo ba''
Tana gama fad'in hakan ta hau jaan hannun KHUBRA,ita kam kanta ta saukar k'asa a haka suka fita cikin parlorn,suna tafiya duk jinta take wani iri uwa wacce aka yiwa duka,sai dad'a sinne kai take yi......

《《》》

Tun bayan fitar 'DAN LADI take nan kwance duk idanunta sun gagara komawa ainihin kalarsu...

Haka ta yini ita kad'ai a cikin gidan sam ta kasa tab'uka komai,tana tsaka da tunanin mafita Ogan d'an ladi ya fad'o gidan
Mad'aurin............. a hannunsa ya shigo d'akin,ko sallama babu ya k'arasa har gaban MA'U dake kwance idanunta rufe,sam ta kasa bud'e idanunta bare ta ga waye ya shigo,dan ba buk'atarta kenan ba....
Jin mutum tayi kawai yana juyata,cikin kasala ta d'an soma bud'e idanuntan a hankali hoton face ensa suka yi arba da k'wayar idanta,take ta maidasu ta rufe,aiko nan take suka fad'a harka wacce bata da tsayayyen lokacin da za su daina sai lokacin da suka yi ra'ayi......

Sam a yanzu MA'U ta manta da babin wata halitta mai kama da KHUBRA wacce iya tsawon watanni hud'u (4) kenan bata sake bi ta kan kud'in aikin KHUBRAN ba,dan ko itama tana kan samun nata na k'ashin kanta,dan ko dama can fatara ce tasa take damuwa da samun su,to yanzun nata k'ofofin samun sun bud'e shi yasa sam ta manta da ita.....

《《》》

A tsakiyar parlorn suka ja burki sai dai babu kowa cikin parlorn,waige² ZAHRA take yi amma tabbas idanunta ba k'arya suke mata ba baya nan..

Har lokacin ko idanun KHUBRA na k'asa bata d'agoba bare tasan halin da ake ciki...
Zaunar da ita ZAHRA tayi tana fad'in
''Sis zauna nan ina dawowa,barin kirashi ku gaisa''
Tana gama fad'a tayi hanyan corridor da zai sada ta da bedroom ensa...

A hankali ta d'ago kanta ta kalli cikin parlorn sai da ta tabbatar ZAHRA tayi nisa sannan ta mik'e cikin sand'a ta fice daga parlorn,ganinta a waje tayiwa Allah godiya,take ko ta kwasa a guje,ba ita ta dakata ba sai da ta tsinci kanta cikin d'akinta sannan ta mai da k'ofan tayi locking nata,ta shiga mai da uwa wacce ta shiga gasar there ta duniya............

*_~

*C*hest enta ta dafe saboda yadda take jin zuciyanta na skipping uwa zai faso ya fito,duk ta gama tsorata kanta,da k'yar ta ja k'afafunta ta zauna bakin katifanta,hijab en dake jikinta ta cire duk ta had'a gumi uwa wacce tayi gudun kilometer's....
Kumatunta ta tallafe tana faman mai da numfashi,a fili ta shiga magana ita d'aya
''Wai Allah ya soni,ai gara da na gudu tun basu zo sun tarar da ni ba''
Can kuma ta sa dariya uwa tab'ab'b'iya,kun san KHUBRA dama gwana ce gurin dariyar mugunta tun bama akan MA'U ba,ita kam haka halinta yake.....

《《》》

Ko da ZUHRA ta bi corridor en direct bedroom en sa ta nufa,handle en k'ofan ta shiga k'ok'arin murd'awa amma a rufe yake,knocking ta shiga yi amma shiru,hakan yasa ta juya ta koma parlor gurin KHUBRA...
Sai dai me tana zuwa taga wayam ba KHUBRA babu dalilinta,kitchen ta koma ta gani ko tana can aiko tana zuwa nan ma fayau bata nan....
Fitowa tayi ta nufi hanyan side enta,sai da ta biya ta guarding coz tasan nan ne gurin zamansu ganin bata nan ta kama hanyan d'akinta zuciyanta fal mamakin KHUBRAN
''Ko mene yasa ta tafi kuma ohooo？''
Ita kad'ai tana tafiya tana surutu har ta k'araso k'ofan d'akin......

A kulle ta ga k'ofan har zata koma,sai kuma ta juyo a bakin k'ofan ta tsaya ta d'ora hannunta akan k'ofan ta shiga knocking....

KHUBRA dake zaune ta tallafe kumatu da hannayenta duka biyu tana faman sana'ar tunani taji ana knocking,da uwa bara ta bud'e ba,sai kuma ta tashi tana bud'ewa sukayi arba da ZUHRA,kallonta kad'ai tayi kafin ta shigo ciki....

Kanta a k'asa ta k'i yarda su had'a ido da ZUHRA,ita kuma ta kasa magana tun da ta shigo sai bin KHUBRAN take da kallo,da k'yar dai ZUHRA tayi k'ok'arin dakatar da shirun nasu...
''To meye na wani guduwa,kina gani ma na je k'ofan nasa anyi locking enta ta ciki''
Cike da jin haushi take yin maganar,sai cuno baki take yi gaba...

Ajiyan heart KHUBRA tayi nan ko ta soma kame²n abunda za tace,ZUHRAN ta katseta da fad'in
''Maybe ko akwai abunda yake amma gaskiya BB baya kulle k'ofa hakanan''

Fira suka soma kamar kowane lokaci sunata dariya abunsu,tuni sukayi fatali da wancan zancen...
Suna tsaka da dariyan ne HANEEF ya fad'o d'akin ba tare da Sallama ba yana haki ya hau fad'in
''YAH ZUHRA wai ki zo inji YAYA''

''Ok！muje gani nan zuwa yanzun''

Ficewa yayi a guje,tun kafin ta juyo KHUBRA tayi tsalle tana nufan hanyan toilet,juyowa tayi tana kallonta
''Ina kuma zaki yanzu,ki zo muje sai mu dawo tare''

''Eyyahhh！sis yi gaba zan biyoki kinga wanka zanyi,Allah yau zafi nake ji''
Duk ta wani marairaice fuska uwa za tayi kuka take maganar

Y'ar dariya ZUHRA tayi kafin ta mik'e tana tafiya
''Ke dai kya fad'i gaskiya dan kam tsaf na harbo jirginki,YAYANAH ne baki son gaisawa da shi,ai shi kenan ba komai dama duniya ta gaji haka''
Tana gama fad'in maganar tata tayi waje da d'an gudunta ta bar gurin...

Kafad'a KHUBRA ta d'age sama,alaman ko a jikina sannan ta shige toilet en.....

Tana shiga parlorn ta tarar da shi ya shirya tsaf cikin wasu k'ananan kaya sun matuk'ar amsar fatarsa,da sauri ta isa kusa da shi ta zauna
''BB nah gani''

''Waye yaje yanamin knocking k'ofa d'azun？''

''Laaaa！ BB nice fa''

''Ok！nayi tunanin ko wad'ancan fitsararrun ne''

''Uhmmm！a'a,dama k'awata na kawo maka ku gaisa,wacce na fad'a maka ennan to ita cefa,kuma ko da baka nan tana yi maka add'uah idan ina bata labarinka''

Murmushi kad'ai ya mata kafin ya furta
''Ok na gode sosai''

''Yawwa BB ga breakfast enka can,amma koh sai ka canki mene mukayi''

''Uhmmm！ZUHRA Allah ya shiryamin ke kin cika shirme,muje ni kam''
Har sun nufi dinning area en wayansa ya fara ring da yake cikin parlor ya barosu,ZUHRA ce ta koma ta d'auko masa,aiko ta mik'o masa dai² time en wayan ya yanke...
Yana shirin dubawa wani kiran ya sake shigowa,d'an murmushi yayi kafin ya dai²ta fuskansa uwa ba shi yayi murmushinba,yana d'aukan kiran....
''Hello！yane da wannan safiyan zaka kirani？''

Banji me aka fad'a daga d'ayan side enba,kawai dai naji ya furta

''Ok！sai ka shigo en''
Tuni yayi hanging kiran sai kace shi ya kira...

'Dan juyawa yayi ya kalli ZUHRA da take tsaye har lokacin tana raba eyes uwa mara gaskiya
''UHUMMM！ke kuma tsaiwan mene kike haka ？''
Murya k'asa² yake maganar kamar baison magana,ko da yake na fuskanci haka d'abi'arsace....

Kujera ta janyo tana daga tsaye ta shiga serving ensa,yana can yana pressing phone baima san me take ba har ta kammala,ta zauna tana k'ok'arin soma cin nata,ya d'ago yana bin plates en da kallo....
Wani arnen smile ya saki lokacin da yayi arba da plate nasa,ko uffan bai ce ba sai da ya tabbatar ya k'oshi,tukun ya kalleta....
''Kai sis gaskiya ko wace ce tayi girkin nan ta burgeni coz ta gama sanin favourite nawa''

''Aaaaaa！BB mun iya dai''

''A'a fa ita dai ke ai aikin surutu kad'ai kike yi,bayan na gani da idona''

''Uhmmm！kawai dai BB santi kake yi,laaaaa！na manta k'awar nan tawace fa da na gama baka labari yanzun''
''Uhmmm！wai kam Sis a ina take ne,da har ta iya baro nasu gidan da safiyar nan tazo taya ki aiki？''

Sai da tayi dariya son ranta sannan ta iya magana
''BB a nan gidanfa take da zama''

Da sauri ya kalleta,coz bai gane inda maganarta ta dosa ba
''Ehh pha！a nan gidan take''
Nan ta kwashe komai na alak'arta da KHUBRAN ta sanar masa...
Ajiyan heart yayi,a ransa ko fad'i yake
''Tabbbb gaskiya tunda nake ban tab'a ganin housemaid kamar ta ba,gaskiya wannan ta daban ce''

''BB barin je gurinta na barota ita kad'ai''
Tun kafin ya bata amsa har ta fice daga parlorn,bayanta yabi da kallo yana jinjina al'amarin a zuciyansa,ko me ya tuna ya d'age kafad'ansa yana fad'in
''To ni mene ma na damuwa,da zan tsaya tunani''.....

Dafe kai yayi yana fad'in
''Ohh！God na manta ban sanarma Sisnah ba zanyi bak'o''

Dai² lokacin ASHNA ta shigo parlorn taci wasu k'ananan kaya duk sun d'ameta,wani kallo ya mata cike da harara,take ko zuciyarsa ta dad'a tunziro shi aiko ya hauta da fad'a
''Ke don kin raina mutane,uban waye ya sa kike irin wannan shigan a gidan nan,saboda kinga bana nan koh？to wallahi ki maida hankalinki jikinki in ba haka ba ina mai b'allaki,wawuya kawai kina girma kina dad'a cin k'asa,Allah ya sa na k'ara ganinki da irin wad'annan kayan kiga yadda zanyi da ke...........Kin b'ace min anan ko sai jikinki ya gaya miki？''
Yi yayi uwa zai tashi,aiko ba shiri ASHNAR ta kwasa a guje sai bedroom nata,bata sake fitowa ba,ta ci gaba da zama ciki....

FATAHIYYA ce ta fito idonta uwa na aljanu duk ya sha hauka,shi da ya kalletama dariya taso bashi,amma ya doje yak'i yi
''Ke je ki kiramun AUNTYNKI''

''YAYA wacce AUNTYN？''

kanta a k'asa uwa munafuka tayi tambayar,d'agowa yayi ya kalleta
''Wacce kika san ina nufi''

Ya bata amsa a d'an hasale,ba shiri ta fice dan tasan bata cikin gidan kam,d'akin KHUBRA ta nufa direct,sun rashe saman katifa sunata faman dariya ta shigo ,ko kallon arzik'i bata musuba su duka ta furta
''Ki zo inji YAYA''
Daga haka ta juya,ba tare da ta jira amsar ta ba...

"To barin je inji me kuma BB zai ce yanzun,yaukam ina shan kira gurinsa''

Kai KHUBRA ta sunkuyar k'asa dan yanzun kam bata san me zata yiba wanda zai ceceta don ma kada ZUHRA tace ta zo su tafi tare.....
Cikin ikon Allah da sauri ZUHRAN ta fita bata ko neme ta kan su tafi tare ba....
Godiya tayiwa Allah da hakan ta faru,aiko ta d'auko littafinta na da take rubutu cikinsa,nan ta shiga (bahas) kan girkin da za tayi yau.....
ZUHRA ce ta shigo tana tsalle,a hankali ta janye littafin daga kan fuskanta tana kallonta...

''Maza ta so sis,yau akwai aiki a gabanmu,dan BB ya sanarmin zaiyi bak'o yau kam,so yanzun ya kamata musan abun yi''

''Tohh！muje kada mu b'ata lokaci''
Da sauri ta zari hijab enta,ita kuma ZUHRA ta kama hannunta suka fice suna rufe d'akin....

A kitchen suka yada zango,nan kuwa suka kachame a kitchen en sai aiki suke suna hirarsu duk da mafi yawanci surutun na ZUHRA ne....
Misalin k'arfe 1:30 suka jiyo maganansu k'asa²,da yake lokacin sun kusa kammalawa,aiko nan suka dad'a bada himma......

Sun d'an jima da shigowa sannan HAJIYA MURJA da muk'arrabanta suka fito,ASHNA tana ganin bak'on aka chanza tafiya sai kwarkwasa take,aiko FATAHIYYA ma na ganin haka itama ta shiga gyara tafiyarta,ko wajen magana ma sai ta sirance murya tana gaida shi.....

A hankali ya d'ago yana kallonsu,gaye ajin farko a kyau,iya kwaliyya,tsafta,gayu,ya had'e cikin wasu k'ananan kaya sam banyi tunanin yana jin yaren da suka masa ba,take ko ya musu wani kallon k'asan ido yana amsawa da k'yar....
Duk bidirin da ake babu ZUHRA a gurin,suna can suna fama a kitchen....
Sun kammala komai setting teble kad'ai ya rage musu,aiko nan ZUHRA ta hau tsokanar KHUBRA kan sai dai ta fita da kayan,dan ta san da wuya ta fitan,coz ta fuskanci tun da YAYAN nata ya dawo bata tab'a gigin barin sun had'uba,ko mene hakan ke nufi ohhoo???....

Da kyar ZUHRAN ta soma kwasar kayan tana fita da shi dan tasan kam KHUBRAN ba zataba,tun da ta jiyo muryansu ASHNA da MAMA....
Drink en da take had'awa ne kad'ai ya rage basu fita da shiba,jin parlorn shiru yasa KHUBRAN zura hijab enta ta nufi hanyan fita a tunaninta tana ajiyewa sai tayi waje ba tare da sun had'u da kowa ba....

Sam bata yi tsammaniba,kanta a k'asa take tafiya har dinning arean,k'asa² taji magana wanda yasa ta d'ago a d'an tsorace,suna zaune dukansu a gurin wata harara HAJIYAN ta aiko mata da yasa ta dad'a sadda kanta k'asa still tayi a gurin har sai da HAJIYAN tayi magana....
''Me kike jira a nan gurin,kina b'atawa mutane lokaci''

A hankali ta ci gaba da tafiya har dinning en,sai dad'a janyo hijab enta take tana rufe fuskanta....
Ajiyewa tayi zata bar gurin,HAJIYAN ta sake dakatar da ita
''Waye zaiyi servings da kike k'ok'arin barin gurin？''
Dawowa tayi jikinta a sanyaye jikinta sai rawa yake,plate na farko da tayi serving ta mik'a gaban HAJIYAN saboda tafi kusa da HAJIYAN...

Duk su biyun sun tsaya kallonta yanda ta wani k'udundune kanta cikin hijab...

Shi dai BB tab'e baki yayi yana pressing wayansa,shima dai abokin nasa bakin ya tab'e ya koma yana duba wrist watch en sa....

Ta side ensu ta zagayo ta shiga serving nasu,tsaf ta kammala ta janyo cup's ta zuba drink ciki....

Hannu ya mik'a zai d'auka,ita kuma tana k'ok'arin ajiye d'ayan na hannunta,hannunsa ne ya tankwab'e nata aiko take suka zube masa a jiki,cikin sauri ya furta
''Ya salaam！''

Da saurin itama ta soma bashi hak'uri,still hijab enta na a yanda ta sashi,sweetest voice nata shi ya dokesu su biyun suka bita da kallo,ko kafin suyi aune tuni suka tsinkayo muryan HAJIYA MURJA tana fad'a cikin kaushin murya....

''Amma wannan kwoi sha³ kin rufe fuska dama uwa wata munafuka taya zaki san me kike？''

Dukkansu basu ji dad'in abunda tayi ba,hayaniyan da ZUHRA ta jiyo ne yasa ta fito da sauri daga kitchen,lokacin da ta k'araso gurin a lokacin ita kuma KHUBRA ta juya tana kuka ta nufi hanyan fita ko gabanta bata iya gani sosai....

*KHUBRA!!!*
ZUHRA ta shiga kiranta da d'an k'arfi,a tare suka d'ago suna masu bin hanyan da tabi da kallo,basu ga kowa ba lokacin ne kuma ZUHRAN ta bita,hakan ya tabbatar musu da sunan wacce ta fita kenan......
Har suka gama babu wanda ya sake magana,sun d'an jima suna hira kafin ya ta shi tafiya....

BB ne ya kira HAJIYANSU,sallama yayi mata yana fad'in zai tafi sai an kwana biyu kuma.....
''Toh *KHALEEL* ka gaida gida da HAJIYAN ka dan Allah,kace mata zan shigo cikin wani satin''
Amsa mata yayi,suka nufi hanyan fita.....

《《》》

Tun da ta fita bata tsaya ko inaba sai guarding a can taja breke aiko take ZUHRA ta k'araso nan ta rungumeta tana bata hak'uri,har tayi shiru,nan suka ci gaba da firansu....

Dariya KHUBRA take kan labarin da ZUHRA ke bata,aiko me za tayi banda dariya,nan ko ZUHRAN ta shiga tsokanarta "Mai kuka tana dariya........ai mata d'an kwad'on daddawa",guje² suka hau yi cikin guarding en,sam ta kasa kamata haka sukayi ta yi har sai da suka fito waje,kwata² basu kula da fitowan mutum ba sai gudun suke lokacin KHUBRA ta zo giftawa sukayi karo,take gefen hijab enta tayi ta tafi tana shirin fad'uwa.................

*_~

*J*ikinta gaba d'aya banda rawa babu abunda yake,yayin da idanuwanta ke a kulle coz ta gama saddak'arwa sai ta sha k'asa.....
Ita kanta ZUHRA sai da ta tsorata bama kamar kallon da BB yake watso mata,sukam sun k'ame uwa poster,shi bai saketa ba,ita kuma bata yi k'ok'arin kwacewaba,jin abu ya tare ta yasa ta soma bud'e ido a hankali.....
KHALEEL dake gefensa time en sun jero ya juya ya kalli BB dake rik'e da ita.......

Gaba d'aya idanunsa na kanta,coz babu abunda ya b'uyan masa na daga fuskanta,kallonta suke like no other,wanda yanda take bud'e idanun tama ya bada wani style na daban....
Arba da tayi da fuskan mutum shi yasa tayi k'ok'arin mik'ewa daga rik'on da yayi mata,sassauta mata rik'on yayi ta mik'e da kanta....
Tafiya suka ci gaba da yi suna masu waiwayowa dukansu suka sake binta da kallo,kowa da abunda yake sak'awa a ransa....

BB ne ya fara janye eyes ensa daga kanta,zuciyarsa fal tunanin
''Ina Sis ta samo wannan shuwa-arab en？''
Dan kam shi dai ya tabbatar sai an tona kafin a samo mai kyau irin nata,dan shi kam a cewarsa wannan batayi ruwa da nan ba sai dai ko UNITED ARAB.....

Shi ko KHALEEL zuciyarsa taff take da tambayoyi,wanda yake jin ba zai iya barin ya tafi da su ba tare da ya amayarba...
BB ya kallah dake gefensa yana fad'in
*KHALEED!*
''yaushe kukayi bak'uwa,dama kuna da y'an uwa wata k'asar ban tab'ajin ko a labariba？''

Rasa abun cewa *KHALEED* en yayi wato *(BBN ZUHRA)* ,yana can kogin tunani,bai sanma *KHALEEL* na masa magana ba,har sai da ya dafa shi...
''Wannan k'anwace a gurinka ba？''

'Dan murmushi yayi yana nodding kansa.....

Rasa abun fad'a KHALEEL en yayi,kawai sai ya hak'ura yayi shiru,amma a zuciyarsa yana godiya ga Allah da KHUBRAN ta kasance k'anwa a gurinsa kuma y'ar gidan,duk da dai bai san ya alak'arsu take ba....
Haka suka yi sallama ya shige motor ensa ya fice daga gidan suna waving wa junansu....

Tun da ta samu ya saketa,ta sunkuyar da kai k'asa ganin irin kallon da suke mata,bata sake d'agowaba har sai da suka bar wajen tukun,shima tsokanarta ZUHRA take shi ne dalilin da yasa ta d'ago,sai da ta gama k'arewa gurin kallo tukun suka sake d'orawa daga inda suka tsaya.......
''Yarinya kinga kallon da mazaje suke miki kuwa,Allah na fad'a miki kina da kyau kink'i yarda,soon zaki tabbatar''
Tana gama fad'a ta shek'a a guje,nan ko KHUBRAN ta bita (niko cewa nayi baki daddaraba kenan).....

Dan kansu suka zube cikin guarding suna dariya,ba kuma su fasa tsokanar junanba.....

Tun da ya samu KHALEEL ya tafi,ya juyo kallon sides na gidan ya shiga yi ko zai sake arba da fuskanta,amma kamar aljana,haka yaita kalle² a gidan ko mai kama da ita bai gani ta b'illoba bare itan......
Hak'ura yayi ya shige bedroom ensa,kwanciya yayi fuskanta ta shiga yi masa gizo,shi kad'ai sai dai yayi murmushi,haka yaita juyi saman bed (Uhmnmm！BB ayi a hankali kar a fad'o k'asafa inji HUBBEEY☺)......

《《》》

Driving yake amma tunani duk ya dame shi,shi kad'ai yake magana a motern
''Gaskiya zan sanarma UMMI gara ta nemomin mafita,tun kafin wani ya rigani gara tayi magana''
Wannan tunanin da yayi shi ya bashi nutsuwa da murnansa ya isa gida......

Ko bari ya isa perking lot baiba a haraban gidan ya percker,da d'an saurinsa ya fito ya nufi cikin gidan....
Sai da ya gama bulayinsa a parlor zuwa kitchen amma baiga UMMIN nasa ba,d'akinta ya nufa direct,aiko nan ya tarar da ita tana ta duba closet enta kayan ciki duk ta fiddo shi...
Sallama yayi mata,jin maganar KHALEEL en ne yasa ta juyo da murmushi a fuskarta take kallonsa
''A'a SON har ka dawo？''

Kansa ya d'an shafa yana murmushin shima
''Ehh wollah na dawo,duk suna gaishe kima''

''Aiko ina amsawa,ka baro su lafiya？''

''Lafiya k'alau''

Har yayi shiru kuma,can dai ya ga hakan ba zai fishshe shi ba,aiko tuni ya bud'e baki
''Ammmm！UMMI dama wata magana nazo muyi,amma na ga kina aiki''

''Wace magana ce SON？''

Nan kuma ya tsaya kame²,hakan da yake yi ne yasa ta bar abunda take,kusa da shi ta dawo ta zauna tana fuskantarsa
''Ka ce magana kuma kayi shiru,akwai abunda yake damunka ne？''

K'eyansa ya sosa kafin ya bud'e baki,uwa wanda maganarma take masa wahala
''UMMI dama fa''......

Sai kuma yayi shiru,kallonsa ta tsaya yi
''Yau naga ikon Allah,SON yau kuma kunyata kake jine ko me？''

''No UMMI kawai dai ban san mesa na kasa fad'a ba kuma''

''To sai ka ficemin anan tunda ba fad'a za kayi ba''

''A'a UMMI zan fad'a wallahi''

''Oyahh！to ina saurarenka''

Sai da ya sake yin jimmm kafin ya soma magana
''Ammm！UMMI dama fa wata yarinya na gani ne,to kuma''....
Ya sake yin shiru yana d'an sosa k'eyansa....
'Dan murmushi tayi,tana kallonsa
''Uhmm！SON kenan wato kan maganar nan ne kake jin kunyata kuma yau？''
Kwanciya yayi kan cinyanta,yana b'oye fuska
''Ohh！ni FATIMA yau na ga abunda ya isheni mamaki''

''Uhmmm！nifa UMMI so nake kiyi magana da ABBA tun kafin lokaci ya k'ure,kada wani ya''.....

K'eyarsa ta doke,aiko ba shiri ya hantsilo k'asa yana dafe kai,da d'an murmushi ya nufi hanya zai fice
''Kai dawo nan,baka ma fad'amin a inda ka ga yarinyarba''

''UMMI a gidansu KHALEED fa na ganta''

''Jimin ja'iri cikin y'an gidan waye baka sani ba,da zaka bani zance a rufe''

''No UMMI bafa cikin wad'annan fitsararrun bane,wannan daban take,Allah ko UMMI saima kin ganta''
''Idan ba suba to wace kuma take zaune gidan？''

''Ni dai yacemin sister ensu ce itama''

''Ok duk koma mene ne zanji bakin HAJIYA MURJA''

''Yawwa UMMINA na gode irin sosai ennan''
Ya fad'a yana dunk'ule hannu,kallon da ta masa ne yasa ya fice babu shiri yana dariya....
Kai ta girgiza itama tana jinjina al'amarin d'an nata.....

《《》》

Wuni guda yana cikin d'akin sallah kad'ai ke fito da shi,bayan haka ko sai dai ko idan tunani ya dame shi ya fito,haka zai ta zagaye a cikin gidan tun daga kitchen har harabar gidan amma sam ya neme ta ya rasa,shi kad'ai ya soma magana da kansa
''Anya kuwa wannan mutum ce？ to amma da aljana ce ai baran ganta tare da sis ena ba,to wai nikam me yasa ma na damu da son ganinta？''
Shi kad'ai yaita fama da zancensa,sis en nasa ma ya rasa ina ta shige da ya mata tambayoyi kan yarinyar da ya gansu tare....
Hak'uri ya bama kansa ya koma parlor ya zauna,amma sam ya gagara samun sukuni,haka ya koma bedroom ya kwanta....

《《》》

Kamar kullum yauma haka suka yi zamansu cikin guarding en,lokacin da aka kira sallan asr da gudu kamar yara sa'annin HANEEF haka suka shiga tsere zuwa bakin tap en,kafin suyi alwalanma sai da suka yita watsawa juna ruwa,da kyar suka gama suka bar gurin,a d'akinta suka yi sallah,sannan suka fito,ita KHUBRA tana haramar zuwa had'a dinner,ita kuma ZUHRA zata shirya kafin malaminsu ya k'araso,har kitchen ta raka KHUBRAN ko kafin ta tafi sai da ta taimaka mata da wasu ayyukan kafin ta mata sallama ta fice....

Aikinta taci gaba da yi ita d'aya,da yake ma ta saba da aikin,nan da nan ta kusa kammalawa......

《《》》

Wayanta dake kuka ta kalla,duk kuwa da yadda take kusa da wayan sai da ta lek'a kafin ta d'auka daf da zata tsinke,sunan HAJIYA FATEE data gani shi yasa ta d'auka tana dariya,bayan sun gaisa HAJIYA MURJA ke sanar da UMMIN KHALEEL
''HAJIYA ina fatan sak'ona ya iskoki？''

''Sak'o kuma na me？''

''Na ce a sanar miki zuwa wani satin zan shigo in Allah ya kaimu''

''Tohh Allah kuwa ya kawo ki lafiya,ammm！HAJIYA dama d'anki ne ya zo min da wani labari''

''Labari kan me kenan？''
Cikin son jin zancen HAJIYA MURJA tayi maganar
''Ammm！dama cemin yayi ya ga yarinya a gidanki,to shi ne daga zuwansa yake sanarmin kan a nema masa izinin gurinku shi dai yana so''

''Aarrhh！ai abu yayi kyau,amma baki bambancemin wacce daga ciki yake nufi ba ASHNA ko ZUHRA yake nufi？''

''Gaskiya yacemin duk basu bane,amma dai ya tabbatarmin a gidanki yarinyar take''

Take ko zuciyar HAJIYA MURJA ta soma skipping,ranta duk ya b'aci da wannan maganar,daga jin wannan zancen babu alkhairi cikinsa,dan ko bata raba d'ayan biyu wannan shegiyar y'ar mai kama da aljanu yake so...
Zuciyarta ta danne kafin cikin kissa ta furta
''Aiihhhooo！KHUBRA yake nufi ba...........Ai ko tabbas gidana take,sai dai wani hanzari ba guduba,gaskiya HAJIYA kiyi hak'uri da abunda za kiji yanzun..
Ita dai wannan yarinya da ake magana kanta babu wata alak'a tsakaninmu da ita face matsayinta na 'YAR AIKI,inama laifin ya duba cikin k'annen nasa ko Allah zai sa a dace''

Ita dai HAJIYA FATEE shiru tayi tana mamakin lamarin,a zuciyarta ko fad'i take
''Aiko bari SON en ya dawo,sam baza ta sab'uba(wai akace bindiga a ruwa)''........

Haka sukayi sallama,take bata jiraba ta dokawa KHALEEL waya,katsewa yayi ya kirata coz dama al'adarsa ce hakan...
Bata jira tajima me zai ceba ta hau fad'in
''Maza kazo ina son ganinka''
Tana gama fad'in uzurinta ta katse kiran,sai safa da marwa take a parlor ita kad'ai....

Shigowansa parlorn ya tarar da ita a tsaye,hankalinsa har ya soma tashi ganin yanayinta...
''UMMI lafiya naga hankalinki a tashe？''

''Dakata SON'' ta d'aga masa hannu
''Dama yarinyar da ka dameni akanta *HOUSEMAID* ce？''

''UMMI amma fa''...........

''Bana buk'atar jin komai daga bakinka,magana d'aya zan fad'a maka ka shafe babin wannan maganar a rayuwarka,ko dai cikin k'annenka ka duba wata ko kuma ka nemo wata,amma banda wannan''

INNALILLAHI WA'INNA ILAIHI RAJI'UN
Yake maimaitawa,kafin ya kalli mahaifiyar tasa
''UMMI mene laifinta,yanzun ita ba mutum bace da baza a sota ba,kuma tana da iyaye......Ni gaskiya da in auri wannan yarinyar Allah gara na k'are rayuwata babu aure''.........

Kafin ya k'arasa ta wanke shi da mari tana nuna shi da hannu
''Wallahi SON baza ka kunya tani ba ASHNA ce baka so,to ka sa aranka kai da ita anyi an gama sha³''.......

Dafe da kumatunsa yake kallonta,tsawon tasowansa bata tab'a masa fad'a ba,amma yau har da mari,shi kam a ransa a k'udurce shi da ASHNA sai dai kallo,me zaiyi da wannan ballagazar？
Jin kalamanta na k'arshe ya tsorata,take hawaye ya shiga biyo kumatunsa,yasa hannu ya goge kallon UMMIN nasa kawai yayi ya fice....

Hawayen da ta gani a fuskarsa shi ya bata tsoro,da girmansa yake mata kuka,tabbas tasan bai tab'a ce mata ga wata mace da yake soba,lallai ko wannan yarinya duk inda ta fito ta daban ce.....
Tunani duk ya addabeta,haka ta zauna duk kuma sai taji babu dad'i,tasan gaskiya ya fad'a,to wai kam ita ya za tayi ne？？？？

Yana fita daga parlorn direct gidan ya bari dan yasan hakan kad'ai shi ne solution,idan ta nemeshi ta rasa a gidan zata sakko....

Shi kad'ai yayi wani murmushin takaici,lokaci guda kuma wata tsanar ASHNA ta diro masa,aiko nan ya lashi takobin wallahi ko me za ayi bazai tab'a aurenta ba,da haka ya d'auki hanya wanda baima san inda zai nufa ba.....

《《》》

Tsawon kwanaki uku kenan bai sake sata a idonsa ba,duk inda ya so da ya ganta kamar wacce tasha sab'ani haka suke ta bugawa,da zaran ta shigo shi kuma yana d'aki,lokacin kuma da ta fita zai fito....

Yana kwance kamar wanda aka tsikara da allura ya mik'e parlor ya fito ya kwanta babu kowa cikin parlorn...
K'amshin da yake jiyowa daga kitchen shi ya sa ya mik'e fuskarsa ta dad'a kyau saboda yanda tayi fayau uwa wanda yayi jinya,a bakin k'ofan ya tsaya ya jima yana kallonta,sam bata san da mutum a bayanta ba,ya jima a haka hannayensa a hard'e kan k'irjinsa.....

MAMA ce ta fito cikin shirin fita da yake gidan ba kowa duk suna skul,kallon hanyan kitchen en tayi saboda ta ga kamar da mutum a tsaye,mamaki fal zuciyarta yanda ta ganshi yayi a gurin....

''SON zan fita''
Tayi maganar cike da k'ulewa,aiko ya juyo a d'an firgice yana kame² ya dawo cikin parlorn,sam ya rasa wace kalma zaiyi amfani da ita gurin kare kansa,kansa ya d'an kawar gefe

''Allah ya kiyaye hanya''
Ya furta a hankali,da harara ta rakashi ta fice,nan ya kwanta yana d'an murmushi,duk wani shige da ficenta akan idonsa take yinsa,zuciyansa fal far in ciki....

*********

''Tabbbb tun kafin wannan al'amarin ya afku gara nayiwa tufkar hanci''
Fad'in HAJIYA MURJA kenan da suke tafiya cikin motor
''Taya ma za ayi da raina maza biyu su nuna suna son wannan kuchakar yarinyar,ni kuma nawa suna zaune,ai sam haka ba zai tab'a faruwa ba,duk cikin su babu rabonki yarinya''

Wata k'awarta ta tuno take ko ta hau binciken number enta a wayanta...............

*_~

*D*a k'yar ta iya lalubo number matar,wata dariya tayi ita kad'ai tana sak'a abubuwa da dama cikin ranta,bata jira ta b'ata lokaci ba ta danna mata kira....
Ta jima tana ring ba a d'aukaba,haka ta ci gaba da mai²ta kiran kusan sau uku tana kira wayan na katsewa,har wata zuciyar ta bata shawaran kar ta sake kiran ta ji ba zata iya hak'uri ba,kiran ta sake yi,cikin sa'a wannan karon aka d'auka,zuciyarta tayi kar saboda murna,sai dai me tana d'auka taji an ce
''Hello！ wa ke magana,naga an dameni da kira tun d'azun''

Baki ta sake tana mamakin lamarin dama akwai ranar da HAJIYA LAURA zata manta da ita haka,matar da tun k'uruciya suke tare...
Zuciyarta ta danne tana fad'in
''HAJIYA LAURA amma alk'awari baice haka ba,yanzu a kwai ranar da zaki manta da ni k'awarki da muka tashi tun yarinta？''

''Laaaa！HAJIYA MURJA kin san Allah wannan kalaman naki su suka sa nayi saurin ganewa,da yake sim card en nawa ya sha welcome back ne,saboda ana yawan sacemin waya ko na yar,to ke kuma ba gwanar kiran mutum ba bare na samu numbrki''

''Eyyahh！Allah ya maida alkhairi''

''Ameen''...........

Nan suka gaisa,kafin HAJIYA MURJA ta soko mak'asudin kiran da tayiwa ita HAJIYA LAURAN,bata b'oye mata ko da wasali ba kan abunda ke shirin faruwa.....

Dogon numfashi ta sauke,kafin ta cema da HAJIYAN
''Gaskiya HAJIYA yanzun bana so muyi saurin yanke hukunci,amma abunda ya kamata muyi shi KHALEED tunda gida d'aya kuke da shi da kanki zaki sa masa ido kan al'amuransa,tunda kinga har yanzun bamu gane sonta yake ko kuwa,shi kuma wancan KHALEEL kika ce sunan sa ko？''

''Ehh！haka ne''

''Yawwa to abunda za kiyi shi ne duk hanyar da zai ganta idan ya zo gidanki ki tosheta,sam kada ki ba shi wannan damar,idan yaso sai ki dinga tura su ASHNAR ko ita ZUHRA,idan kuma ya tambayi yarinyar kawai kice ai ta koma gidansu aure za su mata,fak'attt magana ta k'are kinga an yiwa tufkar hanci''

Shiru tayi tana sauraren k'awar tata,take ko tayi na'am da shawarar tata,sun jima suna magana kafin suka yi sallama kan sai kuma sun had'u ko ta sake kiranta.....

《《》》

Da ihuu su HANEEF suka shigo kamar kullum,sai dai suna shigowa parlor suka yi d'iff saboda ganin OGA a kwance,babu wanda yayiwa magana suka b'ace kowa yayi hanyan d'akinsa....

Allah sarki ZUHRA ko da ta shigo cikin parlorn waige² tai tayi coz sai da ta biya d'akin KHUBRAN bata ganta ba,hanyan kitchen tayi nan ta hangota ta juya baya,hakan yasa ta lallab'a bata sani ba sai ji tayi an rufe mata ido,y'ar dariya tayi mai sauti,itama ZUHRAN dariyan tayi kafin kuma ta zare hannunta daga fuskan KHUBRA,juyowa tayi ta kalleta
''Har kun dawo？''

''Lallaima wai har,ina fa har,kina gani tun safe fa muka futa bamu dawo ba sai yanzun''

''Ai kuwa dai kam,Allah ya bada sa'a''

''Ameen kam,barin shiga na fito''

''Toh！a fito lafiya''

Ta juya tana tafiya had'e da murmushi,har ta fice ita kuma ta ci gaba da aikinta.....

Dai² ta zo giftawa ta parlor BB dake kwance ya d'an bud'e ido saboda yaji maganarta a kitchen
''My SIS idan kin fito ki zo ina nemanki''

''To BBNAH''
Da sauri tayi ciki,cikin sauri² tayi wanka ta shirya,a parlorn ta tarar da shi,kusa da shi ta nemi guri ta zauna,parlorn daga ita sai shi
''Aaamm！MY SIS kin san me zan tambayeki？''

''A'a YAYANAH''

''Yawwa dama kan wannan k'awar taki ce,me kika sani dangane da ita？''

Yanayin tambayar ya d'an d'aure mata kai,ganin bata gane ba yasa ya mata bayani,y'ar dariya tayi kafin ta sake maimaita masa abunda ta sani game da KHUBRAN kamar lokacin farko da ta tab'a bashi labarinta......

''Ok ba komai jeki na gode''
Yana gama fad'in hakan ta mik'e ta nufi kitchen,kasancewar ZUHRA yarinyace amma akwai basira ta harbo inda maganar BB ta dosa,dan tafi kowa sanin halayyarsa ta rashin shiga abunda babu ruwansa,idan ko har kaga yayi magana kan abu to da walakin (Goro a cikin miya).......

Kitchen en ta koma ta tarar har ta gama abunda take,da murnanta ko ta hau tsokanarta
''Matar YAYA har kin kammala ne,dan nifa da yunwa na dawo''

Da sauri KHUBRA ta kalleta tana mata alamar neman k'arin bayani
''Wane YAYA kuma？''

''Nawa mana ko zan fad'i wani ne ba shiba？''

''Uhmmm！rufamin asiri matsayina bai je nanba''.....

''Tabbb ai wollah har kin wuce nanma,ke wollah da izinin Allah ke rabon YAYANA ce dan ko naga alama''.......

Maganar ce ta mak'ale saboda shigowar ASHNA cikin kitchen,kallon da ta yiwa ZUHRAN da ita kanta KHUBRAN shi ya tabbatar musu ta ji abunda suke magana akai....
Sai da ta gama d'aukan abunda ta zo nema sannan ta kalli ZUHRA
''Ke kam koi banza,ta ina ma zaki had'a YAYA da wannan matsiyaciyar,wacce iyayenta basu damu da sanin inda take ba,sun turota aikatau saboda neman abun duniya,ki rasa da wacce zaki had'a shi sai wannan,to wallahi yafi k'arfinta,banza sha³ kawai''

''Eeehh！an fad'a en naga itama ai mutum ce,ke har kina da bakin magana,wannan en da kike gani kina rainawa naga dai ta fiki duk wani abu da kike tak'ama da shi,k'ark'ari ki nuna mata gidanku suna da wadata, bayan wannan babu abunda zaki gwada mata''......

Bata k'arasa ba ASHNA ta kwasheta da mari da yasa tayi shiru tana binta da kallon mamaki
''Ni kika mara kan na baki amsa？''

''Duk ranar da kika sake min irin wannan maganar wallahi sai nayi miki wanda yafi wannan''

''Tabbbb to wallahi baki isa ba,Allah yau babu abunda zai hanani ramawa''
Nan tayi kan ASHNA suka hau kokawa,ita kam KHUBRA sai hak'uri take basu,duk da maganar da ASHNA tayi kanta ranta ya sosu ganin suna fad'an kuma ta shiga k'ok'arin rabasu amma ina sunk'i rabuwa....

Hayaniyar da ya jiyo daga kitchen en shi yasa ya taso yana zuwa ya tarar dasu suna kokawa,tsawa ya kwad'a musu duka
''Uban me ya had'aku da zaku sa mutane a gaba kuna rigima？''

''YAYA wai fa kan muna maganarmu shi ne daga zuwanta ta sa mana baki,dan nayi mata magana shi ne ta mareni''

''Ai ke dama baki da hankali kullum girma kike kina dad'a cin k'asa,wawiya kawai zo ki b'acemin a nan ko na b'alaki''

Fitowa tayi tana turo baki k'asa² ta hau k'unk'uni,duk abunda take idanunsa na kanta,sai da ya bari ta zo zata gifta ta kusa da shi ya fizgota aiko nan ya shiga knocking kanta
''Ni nake miki magana kikema k'unk'uni ko？''

Ta kasa magana saboda azaba,ta sa hannayenta tana son k'are kanta ganin yak'i barinta ta hau masa ihuuu,k'afa yasa ya ture ta gefe
''Gobe ma idan na miki magana ki sake min irin wannan kiga yadda zanyi da ke sha³''
Da gudu ta bar gurin tayi d'aki sai kwala ihu take uwa wacce akace uwarta ta mutu.....

Kallon ZUHRA yayi ''Ke kuma ki ci gaba da fitsara kinji,da dai ban sanki da wannan halinba,amma yanzun kin sauya hali''
Kanta a k'asa har ya gama abunda zaiyi ya bar gurin,kuka ZUHRA ta sa,matsowa tayi ta kamata ta zaunar da ita tana bata hak'uri itama kamar za tayi kukan
''Kinga kiyi shiru kije ki bashi hak'uri kar yayi fushi da ke,kina ganin dai yanda ya bar nan''

Shiru tayi ta hau goge fuskanta,bin bayansa tayi a parlor ta tarar da shi ya dafe kansa da hannu,a k'asa ta zauna dai² kusa da k'afafunsa
''Pardon please BB''
Shiru tayi tana neman kalmomin da za tayi amfani da su
''Allah YAYA ka yadda ni ba rashin kunya nayi mata ba''

Shiru yayi mata baice komai ba,ita kuma hakan da yayi yak'i mata magana tasa masa kuka....
A hankali ya bud'e fuskansa,tashi yayi ya zauna
''Ya isa haka,amma abunda bana so ki dena biye mata kuna wannan shirmen kinji ko？''

''In Allah ya yarda bazan sake ba''

''Yawwa to goge fuskanki''

Goge fuskanta tayi,kafin ta mik'e
''Na gode YAYANA''
Murmushi ya mata,ita kuma ta juya ta bar gurin........

《《》》

Tun da ya fice bai koma gidan ba sai dare sannan ya shigo gidan,babu kowa a parlor haka ya lallab'a ya shige bed room ensa,yana shiga ya rufe door en ko light en d'akin bai kunna ba haka ya gama abunda zaiyi ya kwanta....

Da safe ko bai bari sun had'u da UMMI ba yayi saurin ficewa....

Yau kwana uku kenan UMMI bata sa KHALEEL a idonta ba,abun duniya duk ya dameta,tun safe ta fito amma tana duba d'akinsan ta tarar har ya fice,kuma ta tabbatar a gidan yake kwana,yau kam ta k'udurce duk tsayin lokacin da zai shafe zata jira don magance matsala....

Tun da ta nemi guri ta zauna bata ko tashiba,duk abun da yayi ya dameta,ko sallah za tayi a nan cikin parlor take yi duk dan kada ya shigo ba ta saniba.....

《《》》

Shigowarta kenan cikin gidan,aiko muryanta kad'ai ASHNA ta jiyo tayo waje tana kuka uwa yanzun ne abun ya faru....
Tana zuwa ta fad'a jikin MAMA tana gunjin kuka,kallonta MAMAN tayi tana fad'in
''Me aka miki？me ya faru？maza sanar da ni''
Kasa yin magana tayi sai kuka take kamar ana zarar ranta,rarrashinta MAMAN tayi har sai da tayi shiru sannan ta hau fad'in k'arya da gaskiya duk ta sanar mata,aiko ranta iyayi million ya b'aci
''Yi shirunki dama abunda nake hasashe kenan amma ba komai yi shiru karki damu kinji y'ar lele''

Dariyar kissa tayi tana fad'in
''MAMA dan Allah ina YAH KHALEEL,yaushe zaki je gidan su？''

''Uhmmm！ASHNATA kenan mene kike tambayarsa？''

''Babu komai MAMA kawai tambaya nayi''

''Fad'amin dai in da wani abu''

Da gudu ta bar gurin tana dariya,ita ko MAMA dariya kawai tayi tana kallonta.......

《《》》

K'arfe 1:00am ya shigo gidan,tafiya ya ci gaba da yi a cikin parlorn,sai da yazo tsakiya yaga haske ya gauraye cikin parlorn,juyowa yayi yana kallon cikin parlorn.Tsaye yaga UMMIN nasa wani kallo da ta yi masa shi yasa shi sunkuyar da kai k'asa
''Yanzu SON abunda kayi ka kyauta kenan？akan wannan maganar za kayi fushi da ni？shi kenan duk abunda kaga ya dace da kai kayi kaji?''
Ji yayi gaba d'aya jikinsa yayi sanyi,sam ya kasa motsawa daga gurin,har tayi ta gama fad'an da zatayi masa,kansa a k'asa ya fara tafiya da k'yar har ya zo gabanta,durk'usawa yayi har k'asa ya rik'e k'afafunta.Gafaranta ya shiga nema da yake ba ta da rik'o ta yafe masa...

''SON maza je ka kwanta gobe in sha Allah zamu je gidan HAJIYA MURJA duk abunda kake so nima ina sonsa matukar bai kaucewa hanya ba,kuma bai sab'awa addini ba''....

''Yawwa UMMINA na gode sosai,shi yasa nake sonki''
Ya bata peck a kumatu ya fice yana mata sai da safe,farin cikin dake kwance kan fuskarsa shi ya bata nutsuwa tayi murmushi,kafin ta bar parlorn ta nufi bed room enta.....

11:45am ya fito cikin shirinsa,k'ananan kaya ne a jikinsa tun daga parlor yake kiran UMMI dai² ta fito daga d'akin take fad'in
''Kai SON ban sankafa da fitsara ba,irin wannan kira haka kamar wanda zai bar garin,saurin me kake yine？''

''Uhmmm！Allah UMMI bana son rana tayi mana ne''

''Za dai ka fad'i gaskiyama''

Dariya yayi yana yin gaba,ba tare da ya furta komaiba,cikin minti goma sha biyar suka iso gidan...
A parlor suka tarar da yaran,nan ko suka shiga gaida su,ASHNA sai kallon KHALEEL take wanda baima san me take yi ba,da sauri HAJIYA MURJA ta fito tana fad'in
''Maraba da zuwa,ina fad'in zanzo ashema zaki rigani zuwa''

''Uhmm！ai kuwa dan ko d'anki ne ya tasoni ba zuwana bane wannan zuwansa ne''

Y'ar dariya ta yi suka shiga d'akinta,sun gaisa a mutunce,kafin HAJIYA FATEE ta sanar mata da dalilin zuwan nasu.A ranta kam sam bata ji dad'in maganar ba,amma a fili sai ta nuna mata babu komai,nan suka ci gaba da fira kamar babu komai a ranta....

'Ban garen KHALEEL da BB kuwa,a bed room ya tarar da shi yana kwance,shigowansa yasa ya tashi ya nufi hanyan toilet yana shirin shiga wanka,sun gaisa ya juya zai shige KHALEEL ya dakatar da shi ta hanyar fad'in
''Yeahhh！ka fara tayani murna kafin ka wuce mana ko so kake ka barni nan da kad'aici?''

'Dan juyowa yayi ya kalleshi,wucewa yayi zai shige kalaman KHALEEL suka dakatar da shi
''Haba mana YAYANMU ai sai ka''.......
Bai k'arasa ba ya juyo ya kalleshi
''Ai kai kam baka da girma,mene kuma na wani cemin YAYANKU banda iskanci irin naka YAYANKU kai da wa？''

''Ni da abar k'aunata mana''
'Dan dawowa yayi ya zauna kusa da shi
''Ka ce mene,wa ce kuma haka？''

''Wannan k'anwar taka fa nake nufi''
Yayi maganar yana kwanciya da baya saman bed en,yana rufe ido
''Ai kam ban san me kake fad'a ba''

''Da Allah wannan balabiyar nake nufi''

Ido ya fito waje coz ya gane inda maganar tasa ta dosa,mik'ewa yayi baiyi maganaba,ya sake tafiya zai shiga toilet en coz ya d'an fara jin haushin maganar

''Banza ne kai ai idanma baka so to barin sanar da kai tunda ba kai zaka bani ba.....Yauma dalilin da yasa kaga UMMI kan maganar ne''........

Cikin tsawa ya juyo yana fad'in
''What？''

Tambayar ce ta sa KHALEEL d'agowa ya kalleshi yanayin da yagan shi ciki shi ya bashi tsoro,kasa magana yayi kawai ya juya a fusace ya shige toilet en had'e da turo k'ofan da k'arfi,abunda yayi ne ya bawa KHALEEL mamaki ya bi k'ofan da kallo zuciyansa fal tunani...........

*#Huh! Don't imaging coz yanzun aka soma,chakwakiya na gaba....*

*K'*asan shower yayi still ruwa sai sauka yake a jikinsa yana zubewa,sam ya kasa samun nutsuwa,gaba d'aya haushin KHALEEL en yake kan wannan maganar da ya zo masa da ita,shi kam duk da yasan abunda zai faru kenan a zuwansu gidan da yayi fatanma bai ga wannan ranar ba,tunani duk ya dame shi,kusan mintuna ashirin ya d'auka a haka hannayensa dafe jikin wall en toilet en....
Da k'yar yayi wankan,bakinsa yaji kamar yana masa d'aci saboda b'acin rai,zuciyarsa ko uwa za ta fito,haka ya b'ata lokaci cikin toilet en kafin ya fito d'aure da towel,jikinsa kad'ai ya goge ya saka kayansa,car key ensa ya zara kan mirror face ensa a murtuk'e yayi hanyan ficewa daga bed room en ba tare da ya san inda zai nufaba......

Duk abunda yake yi idanun KHALEEL na kansa,sam ya kasa ganema kansa dalilin da yasa ya zuba masa na mujiya kenan,sai da yaga yana shirin fita tukun ya furta
''Ina kuma zaka je kabarni nan？''

A d'an fusace ya juyo ya kalleshi
''Ka aikeni ne da zaka tambayeni？''

''No！Allah ya baka hak'uri,amma banyi da niyyan b'ata maka rai ba''

Juyawa yayi zai fice har ya murd'a handled na door en KHALEEL ya taso ya biyo bayansa
''Man wai me yake faruwa,na ganka ba kamar yadda na sameka ba''

Yana tafiya yake fad'in
''Mene ka gani？''

''Please tsaya muyi magana kafin ka wuce''

''Bani da time yanzun letter ma had'u''
Yana gama maganar ya sa kai ya fice,da mamaki a fuskan KHALEEL ya raka shi da ido,shi dai yasan lafiya k'alau ya tarar da shi amma bai san me ya jawo chanjin da aka samu ba..
Phone ensa ya duba sai dai ya tuna ya barota cikin mota,haka ya zauna cikin parlor yana hasashen laifin da yayiwa KHALEED en da yasa ya canza masa lokaci guda...
Yana zaune ZUHRA suka shigo sai dariya suke da yake basu san ya zoba sai yanzun da suka shigo,a ladabce suka gaisheshi kafin sukayi kitchen..
Kallonsu yayi lokacin suna wucewa,a zuciyarsa ko yana sak'a abubuwa da dama game da KHUBRAN,sai yanzun zuciyarsa tayi sanyi ko dan arba da yayi da ita,duk da bata bari ya k'are mata kallo ba,har suka b'acewa ganinsa,sannan ya juyo....

ASHNA dake zaune duk abunda yake hankalinta na kansa,duk ji tai tana jin haushin ZUHRA da KHUBRAN ko dan kallon da taga KHALEEL en nayi musu,musamman ma KHUBRA da taga yafi tsananta kallonta....
Duk ta gama kumbura uwa zata fashe kan haushin da take ji,kawai dai dan bata da yadda za tayi ne,shi yasa take zaune har yanzun cikin parlorn.....

Zaman gurin duk ya isheshi bama kamar zamansu da wad'annan halittun,da ko kad'an bai son ganinsu kusa da shi,fuskarsa ya dad'a tamkewa yana ta spinning car keys....
Fitowar UMMI ne yasa ya d'anji sauk'i dan kam dama zaman ya isheshi haka,mik'ewa yayi yana jiran k'arasowarta,da zuwanta gurin ko suka yiwa MAMA sallama suka fice....

Wani banzan kallo MAMA ta rakasu da shi,tana fad'in da ni kuke zancen,wallahi bazan tab'a barin wannan al'amarin ya faruba....

《《》》

Suna tafe a motan duk sunyi shiru,shi da abunda yake tunani,ita kuma UMMI shirun da tayi nemo hanyan da zata sanar da SON en nata matsalar da ake ciki take sonyi...

''Ammm！SON kasan me nake so da kai？''

Nodding kansa yayi

''Yawwa abunda nake so da kai,duk abunda za kaji yanzun,ka d'aukeshi a matsayin k'addara kaji ko？nasan ka da hak'uri amma ina so ka k'ara''

Gaba d'aya hankalinsa yana kanta ya rasa dalilin da yasa take masa wannan maganar

''Ka nutsu tukun muje gida zan maka bayanin komai kaji koh''
Kai ya sake kad'awa,yana driving amma hankalinsa sam baya tare da shi,driving en kawai yake haka har suka k'arasa gida....

《《》》

Fitowarsa daga cikin gidan ransa duk a jagule,hakan yasa ya rasa ina zai nufa,rashin sanin madafa shi ya haddasa masa fasa fitan,direct ya nufi guarding duk ji yake garin ya d'aure masa wani zafi yake ji a jikinsa wanda bai san dalilinsa ba,sam ya kasa tunanin komai baya ga tuk'uk'i da yake jin zuciyarsa ke masa babu abunda yake ji,haushin kowa yake ji a yanzun......
Kasa zama yayi take ko ya kwanta saman grasses en da ke wajen,duk da rana da ta bud'e sosai a garin sai dai kuma guarding en bishiyu sun masa rumfa ta hakane kad'ai yasa babu rana cikin gurin....

Addu'ah yake kada Allah ya nuna masa irin wannan ranar mai cike da tarin k'unci,tsawon lokaci yana kwance a gurin bai sanma lokacin da su KHALEEL suka bar gidan ba,idanunsa ya kulle da suka sauya launi zuwa jaa saboda jin kansa da yayi tamkar zai tsage......

《《》》

A parlor suka yada zango,kansa a k'asa duk damuwarsa bai wuce sanin abunda UMMI ke shirin fad'a masa ba,maganarta ce ta dawo da shi cikin duniyarsa...

''SON abunda yasa nace maka ka nutsu maganace da ta fito daga bakin HAJIYA MURJA wanda bana tsammanin akwai k'arya cikinta,kuma ban son b'oye maka,nafi son kasan gaskiyar zancen''

'Dan kallonta yayi jin ta ambaci sunan HANIYAN KHALEED

''A halin da ake ciki kuma a yadda ita HAJIYAN ta sanarmin shi ne,yarinyar da kamin magana akanta ta riga ta koma garinsu,dan ta cemin iyayenta suka nemi ta koma za suyi mata aure cikin wannan satin''........

A tsorace ya kalli UMMIN nasa yana fad'in
''Wallahi UMMI k'arya ne''

Tsawa ta buga masa wadda tasa ya shiga hankalinsa ba shiri yayi shiru
''A gaban idona kake k'aryata ta,ko babu aminci tsakaninmu ya kamata ka fad'i wannan mummunar kalmar a kanta,idan na sake jin ka furta irin wannan maganar sai ranka yayi mummunan b'aci''
Cikin fusata take maganar wanda yasa shi sunkuyar da kai yana fad'in

''Ki gafarce ni UMMINA amma wallahi sam wannan maganar ba haka take ba,dan kuwa da idona na ganta yanzun,kawai dai a kwai wata manufa tata da yasa ta fad'a miki haka''....
Zuciyarsa fal b'acin rai dan shi kam wallahi shi kad'ai yasan me yake ji,taya ma za ace wani za ayi mata aure kuma cikin wannan satin amma kuma tana zaune cikin gidan bata koma nasu ba,tabbas shi kam ya san shiri ne da wata a k'asa...

Kalamai masu taushi UMMI ta shiga fad'a masa tana masa nasiha,har ya samu yaji zuciyarsa tayi masa sauk'i,kafin ya mata sallama ya fice daga gidan......

《《》》

Guri ta samu ta zauna bayan sun b'acewa ganinta,lokacin ne kuma muryan ASHNA ta dawo da ita daga kogin tunanin da ta tsunduma duk kan neman mafita ta wannan al'amarin dake shirin jagule mata.....

Tana shirin magana BB ya shigo da ganin yanayinsa ba sai ka tambaya ba za kasan yana tattare da matsananciyar damuwa....
Kallonsa MAMA tayi a tsorace take binsa da kallo danko ba k'aramin firgita tayiba da ganin yanayin nasa,kiransa tayi babu musu ya nemi guri ya zauna yana dafe kansa dake barazanar fashewa....

''SON me yake damunka,kaga kuwa yanda halittarka ta sauya lokaci k'ank'ani,maza sanarmin me yake faruwa''

''Babu komai''
Ya fata cikin cool voice nasa

''A kwai abunda kake b'oyewa SON''

''Babu fa,kawai ina jin headache ne''

''Eyyahh！Allah ya sawak'a maza ASHNA duba kawo masa magani idan ya sha sai ya kwanta ciwon zai sauka''

A zuciyarsa yake fad'in
''Tabbb！ai duk duniya yanzu kam ciwona baida maganin da ya wuce jin gaskiyar maganar da KHALEEL ya fad'amin''

''Wace magana kenan SON？''
MAMA ta tambaye shi,sai lokacin ya d'ago baki ya sake, kenan a fili yayi maganar ko me？

''Babu komaifa MAMA''

''Toh shi kenan ai kai kam dama haka kake da masifar zurfin ciki ba a tab'a gane kanku kai da ZUHRA sai kuyi tayi wata rana sai ciwo ya hallakaku''
Shi kam kallonta kawai yake ya kasa magana,harara ta cilla masa shi abun na MAMA wani lokacin har dariya yake bashi,sai dai wannan lokacin babu halin yi saboda baya cikin mood en da zai yin......

''Ko ka fad'a ko kada ka fad'a magana KHALEEL ya fad'a maka kan waccan yarinyar nasan dai bazai wuce haka ba,to wannan maganarma ba mai yiwuwa bace,dan ko na fad'a musuma aurenta za ayi a garinsu cikin satin nan''
Maganarta ta k'arshe ce ta dakatar da shi daga nutsuwar da ya fara samu,da sauri ya kalleta da jajayen idanunsa
''Dagaske MAMA？''

Yanayin da ya mata tambayar yasa ta tsaya tana wani nazari a kan fuskarsa,shi kuma ganin ta k'ureshi da ido yasa ya tashi ya bar wajen ba tare da ya sake kallon kowa cikin parlorn ba....

ASHNA ce ta kalli MAMA
''Kin gani ko MAMA dama wallahi na fad'a miki akwai abunda yake nufi da yarinyar can,tun ranar da ya dakeni akan maganar da naji ZUHRA sunayi da ita,Allah MAMA kada ki barima wannan abun kunyar ya faru.....
Numfasawa tayi tana kallon ASHNAR tana kad'a mata kai ba tare da ta furta komaiba ta bar parlorn.....

《《》》

Tun da ya fita ya barta take tunanin maganganunsa....
Wane dalili ne zai sa HAJIYA MURJA tayi mata k'arya kan wannan maganar,tunani iri daban-daban sai bijiro mata suke wanda ta rasa amsar su....

Idan ko abunda KHALEEL ya fad'a mata haka yake tabbas akwai manufar da yasa HAJIYA MURJAN tayi mata haka,sai dai koma mene ne ita ta sani,babu damuwar komai a ranta ta kauda tunanin wannan lamarin tana barin parlorn.....

《《》》

Shigowansa bed room en ya kwanta yana pacing ceiling...
Ta wani b'arin na zuciyarsa yana jin nutsuwa na saukar masa,sai dai kuma ta wani gefen yana jin tsoro wanda ya rasa dalilinsa,yana wannan tunanin bacci ya d'aukesa.....

《《》》

Can ta k'ule a bed room enta,number HAJIYA LAURA ta shiga kira,bugu biyu aka d'auka,a daddafe ta tsaya suka gaisa,aiko nan ta shiga koro mata jawabai na abunda ke shirin faruwa,yanayin da ta ga KHALEED a yanzun,da maganar da UMMIN KHALEEL ta zo mata da shi,bata rage mata komaiba ta sanar da ita......

Dogon ajiyar zuciya ta sauke,tana fad'in
''Ni kam na rasa me yaran nan suka gani jikin k'aramar yarinya da suka rud'e haka,kome take da shi ai muma y'ay'anmu nada''

''Uhmmm！HAJIYA LAURA kenan kawai dai ayi sha'ani(wai akace na birni ya zagi na k'auye),wallahi dan baki ga yarinyar bane,ni kaina yarinyar na bani tsoro duk lokacin dana kalleta,bama kamar yanzun a hakama wollahi bata fita ko ina nasan da na wajenma haka za suyita biyota mukuma namu suna jibge a gida (uwa ragunan layya)''

''Bari ke dai maganinsu za muyi cikin lokaci kad'anma kuwa,amma ki bar komai a hannuna,duk abunda ake ciki zan sanar miki zuwa dare''....

Da haka sukayi sallama,wani murmushin mugunta tayi tana bin wayan da kallo.....

Suna gama wayan ta shiga contact enta wani number tayi dialing,tana yin ring aka d'auka

''Allah ya taimaki HAJJAJU''

''Ammmm！BIGGY ba lokacin wannan wasan yanzun so nake kayi maza ka zo ina son ganinka''

''An gama ranki shi dad'e......
K'it ta datse kiran.......

In less-than fifteen minute's ya k'araso gidan cikin wani k'aton jeep black colour,baka iya hango komai na cikinta,motan na gama tsayuwa aka bud'e back seat na motan,wani zabgegen mutum ne ya fito kakkaura,da ganinshi kaga manyan basawa....

Cikin gidan ya nufa fuskarsa babu annuri a samanta,yana shiga y'ar aikinta dake parlor ya kalla yana fad'in
''HAJIYA fa''

''Tana ciki barin kirata''
Ta mik'e da sauri ta nufi hanyan d'akinta

''HAJIYA kinyi bak'o''

''Ina zuwa''
Ta fad'a ita kuma yarinyar tayi waje,bayan yarinyar ta biyo tana tafiya irinta hamshak'an mata,a tsaye ta tarar da shi ya juya baya
''Yawwa BIGGY aiki ne zan sa ka,amma nasan ba mai wahala bane a irin aikinku,a kwai yarinyar da nake son ku d'auke nisanta nake so kuyi da ita daga garin nan,koma inane ku kaita ba ruwana,wannan shi ne aikin''

Wata mahaukaciyar dariya yayi saboda raina aikin da yayi
''Yo HAJIYA wannan aiko yarana za suyi ba sai niba''

''Nasan da haka BIGGY ai shi yasa bana wasa da lamarinka,zan turo maka address na inda gidan yake''

''An gama,sai na jiki''
Da haka ya sa kai ya fice....

Yana tafiya ko ta tura masa komai,take kuma ta kira HAJIYA MURJA
''Toh na gama nawa sauran aiki yana hannunki,duk yanda za ayi anjima bayan Maghreb ki aiketa,zan miki bayani bayan kinyi hakan''

Tana gama fad'in haka ta kashe wayan,tana wani makirin murmushi........

*7:30pm*
KHUBRA ta shigo parlorn HAJIYA MURJA ita kad'ai ta tarar a parlorn,wani leder bak'i ta mik'o mata k'unshe da wani abu da ni kaina ban san mene a ciki ba,amsa tayi kafin HAJIYA ta soma magana

''Maza karb'i wannan kije waje zaki ga wani a bak'in mota ki kai masa injini''

Cike da ladabi ta amsa,har ta mik'e ZUHRA ta fito daga corridor en bed room nasu,kallon KHUBRAN tayi itama tana kallonta tana d'an murmushi kamar wanda basu saba ganin junaba suka k'urawa juna ido,fitowan BB ta waiga ta kalle shi,rana ta farko kenan da ta k'ure shi da kallo a iya zamanta a gidan,tsananin fad'uwa taji gabanta yanayi,a hankali ta waiwaya za ta fita,haka kawai taji idanunta sun kawo ruwa,da sauri ta sa hannu ta goge...

''SIS tsaya na rakaki''
Bata jira amsanta ba ta biyo bayanta,da sauri ta rik'e hannunta har suka fita daga gidan,KHUBRAN ce ta k'arasa kusa da window en motern tayi knocking,ZUHRA kuma tana jikin get,k'ofan aka zuge....

Gaisheshi tayi duk bashi da kad'ai ne a motanba,amma ita kam shi ta gani ta mik'o masa abunda ke hannunta aiko take ya mik'a hannu kamar zai amsa kawai ya fizgota cikin motan take ya datse k'ofan suka figi motan a 360...............................

*B*akinta da hancinta ya danne da wani handkeey take ko ta sulale uwa matacciya....
Ganin abunda ya faru yasa ZUHRA dake tsaye matsowa da gudu kuma ta hau natsowa kusa da motan...
Cikin wani razanannen murya ZUHRA ta shiga k'wala kiran sunan KHUBRA wadda tuni motarsu har ta b'ace daga line en.....

Faruwar hakan ke da wuya ta dawo da gudu ta shiga gidan babu kowa cikin parlor sai BB dake shirin barin gurin shima,a rud'e ta k'arasa kusa da shi fuskanta duk ya gama yin kacha² da hawaye,chakumoshi tayi tana kuka take fad'in
''Sun tafi da ita dan Allah YAYA karka bari su tafi da ita''

Gaba d'aya kalamanta sun gama rud'ashi,ya rasa ganema inda ta dosa,a hankali ya shiga girgizata dan kam ya gama fuskantar a kwai matsala
''Su waye ne kam,kuma waye suka tafi da ita？''

''YAYA KHUBRA sun tafi da ita,YAYA za su cutar da ita,please karka bari su gudu da ita''

Sunan KHUBRA da ta ambata shi ya masifar d'aga masa hankali,take ko ya sake ta yayi hanyan fita daga gidan,da gudu ta biyo bayanshi,sai dai ko da ya fita babu ko da k'urar motan bare yasa ran ganin ita kanta motan,tsayawa yayi ya dafe kansa baya ga *''INNALILLAHI WA-INNA ILAIHI RAJI'UN,ALLAHUMMA AJIRNIY FIY MUSIBATIY WA-AKLIFNIY KHAIRAN MINHA''* babu abunda yake fitowa daga bakinsa sai wannan,wani sabon yanayi ya tsinci kansa a ciki,sam ya kasa magana fuskarsa lokaci guda har ta sauya kammani....
ZUHRA dake tsaye kusa da shi ko har yanzun banda gunjin kuka babu abunda take,kallonta kad'ai ya iya yi,kusa da ita ya matso yana son tambayanta sai dai kalmomin sun mak'ale a iya mak'oshinsa.....

Matsawa yaga ZUHRA na yi har dai² gurin da motan su BIGGY ta bari,takalman KHUBRA ta d'ebo wanda garin kokawar sata a motan suka watse a kasa,rik'esu tayi k'am ta rungume tana ta faman kuka,gwanin tausayi haka take kukan babu mai rarrashi....

Kusa da ita ya dawo hannayensa yasa akan sholders enta
''Pleasee！ya isa haka sisnah waye ya sa ku fito a daren nan？''

''MAMA ce ta aikomu''

Katseta yayi dan ko sunan kad'ai da ta ambata sai da gabansa yayi mugun fad'uwa,a zuciyarsa ya furta
''Ko me ya sameki tabbas da sa hannun MAMA a ciki,amma me yasa za ta aikata mata haka?",rashin amsa ya sashi dakatar sa tunanin,dan ko ba lokacin tunani bane,gefe suka sake komawa cikin low voice yake mata magana,ammafa hankalinsa baya tare da shi

''SIS abunda nake so dake ki dena kukan nan haka,kuma koda mun koma gida kada ki nuna damuwa kan abunda ya faru,har sai mun gano gaskiyar wanda ya aikata hakan''

''YAYA ai babu wanda ya aikata komai face MAMA''

Duk da ya sani da sauri ya dakatar da ita
''A'a SIS ba a saurin yanke hukunci,mu jira mu gama bincike tukun kin ji ko？''

Kai ta kad'a masa,hannunta ya ja suka kama hanyar komawa cikin gidan suna tafe yana bata baki kan kada ta kuskura ta nuna damuwa ko da anzo ana maganar a ganta....
A hanyan suka rabu shi ya nufi corridor da zai sada shi da bedroom ensa,suna tafe kowa zuciya babu dad'i kamar majinyata haka kowa ya shiga bed room ensa.....
Daren ranar kam a b'angaren ZUHRA da BB babu wanda ya iya cikakken bacci,gani suke kamar an had'e musu darare arba'in dan ko har fatan wayewar gari suke.....

《《》》

Tun bayan barinsu line en basu tsaya ko inaba sai k'auyen ZAKIRAI dake cikin garin kanon dabo,da yake dare ya soma yi sosai kuma suna son komawa dan ko hanya suke shirin d'auka zuwa garin kaduna,dai² kasuwarsu dake gefen hanya suka perker,sai da suka duba suka tabbatar babu kowa da yake ganinsu kafin suka kinkimota daga cikin motan,k'asan wata rumfa suka shimfid'eta tare da sanya mata ledan da ta fito da ita a tsakanin hannayenta,juyawa suka yi da mugun gudu suka bar gurin,yayinda KHUBRA ke baccinta peacefully,ko sanin inda kanta yake bata yi ba.....

Sai da gari ya gama haske mutane nata hada-hadar kasuwanci sannan ta farka,nan ta shiga k'arewa ko ina kallo,can ta kalli kanta sai a lokacin ta iya tuna abunda ya faru da ita a jiya da dare,take ko wasu zafafan hawaye masu k'una suka shiga sakko mata,ta jima tana kuka uwa baza ta dena ba,da k'yar ta mik'e ta nausa cikin kasuwar k'afarta ko takalmi babu,ita dai har yanzun tana rungume da wannan ledar.....
Yunwa ce ta fara damunta take ko ta sake sakin wani sabon kukan,tuna yadda rayuwarta ke garawa bisa doron K'ADDARA,zuciyarta fal addu'ah ta neman agaji daga mahaliccin sammai da k'assai,a hankali ta ware ledan dan duba abunda ke ciki dan kam ita tunanin yasarwa take,kud'i tayi arba da shi y'an one thousand sababbi,take ko tayiwa Allah godiya....
Guda ta zaro ta shiga bulayin neman abunda za ta karya,mai k'osai kad'ai ta samu aiko take ta tsaya sai dai gurin akwai yalwar mutane dake faman bin layi....
Kallo ne ya koma sama (wai akace shaho ya d'auko giwa) duk inda ta gifta sai dai kaga idanun mutane a kanta,bama kamar gurin mai k'osan da take tsaye uwa wacce aka dasa,har lokacin k'afafunta babu takalmi,tana nan tsaye har layi ya zo kanta mik'a kud'in tayi tana jiran a bata ba tare da ta fad'i adadin na yanda za a bata ba,kanta a k'asa ta kasa kallon kowa zuciyarta ko tarin k'unci ne a cikinta bama kamar yadda take fama da tunanin ZUHRA sahibarta,k'awarta,take ko wasu sabbin hawayen suka sake sakko mata....

Mai k'osai tana tambayarta amma sam bata sanma me take yiba,ganin haka yasa kawai ta auna mata,kafin tasa aka tab'ata,a d'an tsorace ta d'ago hannu tasa ta amsa tare da juyawa za ta bar gurin,chanjin da ta juyo da niyyar bata taga har ta yi gaba da sauri tasa wani yaro ya bi bayanta,d'an murmushi ta masa duk da tarin k'uncin dake cunkushe a zuciyarta ta amsa wash hawayen na dad'a sakko mata taci gaba da tafiya....
K'asan wata bishiya ta zauna jama'a nata kallonta amma sam hakan bai wani d'aga mata hankali ba,sai da ta tabbatar ta k'oshi kafin tunanin neman mafita ya fad'o mata....

''Ina ya kamata na dosa ni da ba ko ina na sani ba？''

Babu inda ta sani bare ta ce ga hanyar gidansu,ko da canma ba fita take ba bare daga baya da ta dawo wani gari na daban,tana zaune ta had'a kai da gwuiwa tana tunani,wani mai kuran ruwa ya d'an tsaya a kanta
''Yarinya sannu ko''

Kallonsa kad'ai ta iya ba tare da ta iya magana ba,kamar mai nazarin wani abu take kallon gurin da take zuwa wani lokaci kuma ta sake kallon mutumin ji tayi ta aminta da shi take kuwa ta bud'e baki da niyyar yin magana.......

《《》》

Haka gari ya waye musu babu wanda yayi isashshen bacci idanunsu a soye,kasa fitowa suka yi su duka biyu....

Lokacin break yayi y'ay'an HAJIYA suka fito da niyyan break,sai dai suna zuwa suka tarar da gurin wayam babu komai,kowa sai tura baki yake gaba uwa shantu,suka nufi d'akin MAMA da niyyar yi mata k'orafi....

''MAMA kinga fa ba a had'a break ba har yanzun''
Abunda ya fito daga bakin FATAHIYYA kenan da take kan gaba gurin shiga d'akin

K'wak'walwar MAMA ta tafi yajin aikin ina kuma KHUBRAN ta shiga (ni da nake gefe nace kajimin y'ar cin).........

Ta jima d'age da kai tana tunani,kafin ta soma tunanin me ya faru da ta aiketa jiya？

''Kuyi hak'uri kunji,maza kuje ku sha ko tea ne kafin na fito''
Fita suka yi suna tura mata baki,sai k'unk'uni suke,suka nufi dinning area,flask en suka kinkimo a tunaninsu a kwai wani abu cikinsa nan ko suka tarar da shi wayam shima,kuka kad'ai su HANEEF suka sa,wanda sanadin haka yasa BB fitowa fuskarsa uwa wanda bai tab'a dariya ba,wani kallo ya watso musu wanda yasa suka shiga hankalinsu ba tare da ya furta komai ba...

Cikin parlor ya kwanta idanunsa a rufe jijiyoyin kansa sun gama bayyana a fili,shi kad'ai yasan abunda yake ji a zuciyarsa,yanzun kam ko magana baya jin zai iya yi
''To amma ai bai kamata na ci gaba da zama ba yanzun,,,,,,,,me ya kamata nayi？''
Yayiwa kansa tambayar,saurin mik'ewa yayi ya koma bed room ensa,cikin abunda bai fi mintuna biyar ba ya fice daga gidan gaba d'aya.....

ZUHRA kam kasa fitowa ma tayi tana d'akinta,kuka take sosai tamkar wacce uwarta ta mutu,idanunta duk sun kumbure sun canja launi kan kukan da tayi,sai da ta ji cikinta tamkar babu komai ta fito da k'yar tana tafe tana bin bango har ta shiga kitchen...
Kallonta suka yi ganin yadda take bin bango,da ka suka tambayi juna sai dai babu amsa...

Kitchen ta shiga kallon gurin da KHUBRA ta saba tsaiwa tana aiki ta shiga yi,take wasu hawayen suka k'ara b'alle mata ganin babu KHUBRA cikin gurin da suka saba zama tare,sai da tayi kukan mai isarta da k'yar kuma ta iya dafa indomie a plate ta juye ta d'auka tayi bed room enta.....

Kallonta suka sake yi,coz tun tana cikin kitchen en suke jiyo k'amshi na tashi,gaba d'aya sun rashe suna jiran ta gama ta basu,aiko tana barin gurin suka shiga da sauri suna dubawa...
Wayam babu komai ciki haka suka janyo tsummokaran k'afafunsu suka fito,guiwoyinsu a sake....

《《》》

Fitarsu daga d'akin ta sauke wani gwauron numfashi,wayarta ta janyo ta shiga kiran HAJIYA LAURA...
Bata wani jima tana ringing ba ta d'auka cike da izza da k'asaita kamar d'iyar sarauta....

''Aiki yayi kyau mutuniyata,yanzun kam yaranmu sai yanda mukayi da su''...

''Ban fuskanci me kike nufi ba''
HAJIYA MURJA ta tambaya cike da zak'uwa da son jin labarin...

Take ko ta zayyane mata sawa tayi aka d'auke KHUBRAN daga garin,ta k'arashe zancen da fad'in
''Nasan yanzu kam tayi nisa da mu''
Wata dariya ta saki ta makiran mutane....

Sai lokacin hankalin HAJIYA MURJA ya kwanta tana fad'in
''Mun rabu da alak'ak'ai,jarababbiya aje can a k'arata''....

Tana sakin dariya itama,sun jima suna shirya makircinsu kafin suka yi sallama....

*_~

*G*idansu KHALEEL ya yanke shawarar zuwa danko baya tunanin a yanzun yasan abunda ya kamata ya aikata...
Driving kawai yake ba dan yana da nutsuwar da zai iya kai kansaba,ikon Allah ne kad'ai ya kaishi,idanunsa sun koma jaa yayin da ta tsakiya har wani layi² yayi na coffee....

Shigansa harabar gidan bayan yayi parking ya nufi hanyan parlor,ta balcony ya hangosa zai shiga parlor,da yake KHALEEL ba mutum ne mai rik'o ba,shi kamar UMMIN sa yake,suna da sanyin hali...
''MAN！''.......
Ya fad'a da d'an k'arfi ta yadda BB en yajiyo shi,d'an waiwayawa yayi ya kalli gurin da yaji maganar,inda yake ya nufa fuskarsa babu annuri a tare da ita...
Chairs en da ke gurin ya zauna yana mik'a masa hannu,duk wani motsinsa idanun KHALEEL na kansa,ganin yadda ya chanja ya koma wani silent duk da dama bai da yawan magana...

''MAN lafiya kake kuwa?"
Kallonsa kawai yayi da rinannun idanunsa...
Sam KHALEEL bai kula da yadda idanunsa suke ba,sai yanzun da ya d'ago...
Cikin tashin hankali KHALEEL ke tambayar BB
''MAN dan Allah ka fad'amin abunda ke faruwa,kaga kuwa yadda ka koma wani abun tsoro.......Dan Allah ka sanarmin abunda yake faruwa,ni kaina hankalina ya gaza kwanciya''

Hawayen da suka fara sauka kan fuskar BB masu matuk'ar k'una su suka dad'a sawa hankalin KHALEEL ya kai mak'ura wajen tashi,zuba masa ido kawai KHALEEL yayi,sai dai sam shi kansa hankalinsa baya tare da shi,ga shi BB en ya kasa masa magana bare ya gano dalilin damuwar tasa.....

《《》》

''Dan Allah d'an uwa nan a ina nake？''
Kallonta yayi yadda take magana baiyi tunanin irin yaren da zai fito daga bakinta ba kenan,daurewa yayi ya bata amsa,yayin da yake k'are mata kallo from head to toe,hawaye ne suka sake b'alle mata,nan ko yaci gaba da kallon ikon Allah,shi dai bai san dalilin kukan ba bare ya bata baki tayi shiru,haka ya ci gaba da kallon ikon Allah har sai da tayi mai isarta sannan tayi shiru....
Tsab'an kukan da tayi muryanta har ya shige cike baka jin sautin muryanta idan tana magana har sai ka kalli yadda lips enta ke motsi....

Tunanin inda ya kamata ta nufa yanzun take,nan zuciyoyinta suka shiga fafatawa gurin ganin sun bata shawara...
''Shin gidanmu ya kamata na nufa ko kuwa？''
Take wata zuciyar ta sake bata shawaran
''A'a kawai ki koma gidan BABA MA'U''
Ta yi zurfi cikin tunaninta,har lokacin kuma ta kasa samun matsaya guda d'aya,duka kuma ta kasa yin na'am da shawarwarin da zuciyoyintan ke bata...

Tana zaune tana ta kallon jama'a dake ta faman hada-hadar kasuwancinsu,yayin da yara suka sata gaba da ihun ga balarabiya,wasu suce y'ar india ce,da k'yar wanan mutumin ya kore su suka bar gurin....

''Dan Allah MALAM a ina zan samu motan da zai kaini''......
Sai kuma ta d'an karkatar da kai gefe alamar tunani....

《《》》

''A kwai matsala MAN,ban san ya zan billowa al'amarin ba''
Shiru ya d'an yi ya kasa ci gaba da magana sai iska da yake furzarwa,wacce take fitowa cike da hucin zafi..

''Wace irin matsala ne wannan？ni kam duk ka d'agamin hankali,kai kana cikin damuwa,nima ina cikin damuwa.....Buh...Ka k'i sanarmin abunda yake faruwa''....

''Sun sa...ce......ta''
Abunda ya iya furtawa kenan,ko shima sai da yayi kokawa da kalmomin kafin suka bayyana,ta yadda za a gane....

Ido KHALEEL ya fiddo waje
''Wa aka sace？ ZUHRA？ko wa？？？''

Kai ya shiga kad'awa cike da takaici baya ga k'uncin da yake ziyartarsa,zuciyarsa ta gama yin duhu,a iya wannan lokaci baya gane komai.....

''Uhmm！ita suka sace''
Ya sake maimaitawa,shikam KHALEEL ya kasa fuskantar wa ake nufi
''Dan Allah kamin bayanin da zan gane sosai.....Wace ce aka sace？.......Na tambayeka ZUHRA ka ce a'a,wace to daga cikin y'an gidan''

A tak'aice ya furta
''Wannan YARINYAR''

Fad'in hakan da yayi shi yasa ya fuskanci inda zancen ya dosa,take ko ya mik'e tsaye yana maimaita
''HASBUNALLAHU WA-NI'IMAL WAKEEL！！''

Da k'yar ya iya samun guri ya zauna,sun d'auki tsawon lokaci babu wanda ya iya magana cikinsu......

Ransa a b'ace yake fad'in
''Tabbas duk wanda yayi wannan d'anyan aikin,wallahi imaninsa ragagge ne,sam basu da tausayi bare imani....Laifin me ta aikata musu da zasu aikata mata wannan d'anyen hukuncin.....Baiwar Allah babu ruwanta......Wanda duk yake da hannu kan wannan aikin ya cancanci hukunci mai tsaurii''

BB kam ya kasa magana,har KHALEEL ya gama surutansa baibi ta kansa ba,tunani yake sonyi amma sam k'wak'walwarsa ta k'i karb'an ko wane irin hayaniya...
Kafad'ansa ya kalla jin an dafa shi,hannun KHALEEL yabi da kallo,lokaci guda shi kansa KHALEEL en har ya sauya kamanni...

''MAN tashi muje''

''Ina kuma zamu？''
Da k'yar BB ke tambaya

''MALAM kawai ka tashi muje,wannan lokacin bana tunani bane bare b'atawa''

Ganin BB en yak'i motsi yasa KHALEEL bugun shoulder ensa yana fad'in
''Ka tashi mu wuce''

K'in tashi yayi,wanda hakan da yayi ya k'ara fusata KHALEEL en
''Kada Allah ya sa ka taso en,wannan damuwar da kake nunawa duk na banza ne''...
Bai samu daman k'arasawa ba saboda wani banzan kallo da BB ya wurga masa cikin matsanancin fushi ya mik'e
''Me ka sani game da al'amarina da ita da har za ka fad'i haka？Wannan damuwar da nake nunawa duk na banza ne ko ba haka ka fad'a ba？''
Wani murmushi yayi wanda da gani kasan sam bai dace da lokacin da aka yishiba....
''Yeahhh！ na fad'a idan da ace ka damu ya kamata ka biyoni muje''

''Baza ka tab'a fuskata ba''
BB ya fad'a yana girgiza kansa....

《《》》

'Bangaren MA'U kam zuwa yanzun duniya sabuwa,al'amura sai dad'a ta'azzara suke,neman maza yanzun ya zame mata jinin jikinta,duk inda take suna manne da farkokintan,babu gida babu waje yanzun har ta kai ga takan kulle gidan tayi ficewarta sai ta yini bata gidan....
Idan ta dawo kuma to za a tarar da ita da wani suka dawo bata tab'a iya kwana ita d'aya...

Duk ko ranar da duniyancintan ya motsa ranar ba zaka tarar da ita gidaba gaba d'aya k'arshe a hotel zata kwana,koma ta shafe tsawon kwanaki kamar dai wacce tayi tafiya ganin gida.....

《《》》

''Unguwan Miltara ko Rijiyan lemo......Wanne ne ma a ciki？''
Tama kanta tambayan,tana ta faman son ta tuna,idanunta sun koma ciki,duk kuwa da yanda KHUBRA ke da yalwar idanu...

''HAJIYA na ga kin kasa tunawa,me zai hana muje gidana''
Ya fad'a yana kallonta,yana kuma kallon abunda ke rungume jikinta,d'an kallonsa tayi da jan fuskanta,ita dai haka kawai taji ta aminta da shi,amma kuma taya za ta amince,ta sani ko bashi da aure,haka kawai ya kaita gidansa alhalin bashi da aure...
Shiru tayi bata ce komaiba,shi kuwa sai kallonta yake da k'unshin bak'in ledanta dake rungume jikinta har lokacin...

Kamar ya san abunda take tunani akai aiko ya shiga fad'in
''Ki yarda muje babu abunda zai faru dake yanzun haka y'ay'ana hud'u da mata ta''

Jin haka yasa ta mik'e ba tare da tunanin komaiba tana fad'in
''Muje to na gode sosai Allah ya saka maka da mafificin alkhairi''

Y'ar dariya yayi ba tare da ya amsa ba,ya shiga tura kurar ruwansa ita kuma tana biye da bayansa,suna tafiya babu wanda ya kuma tankawa wani a cikinsu.....

《《》》

Car keys ensa ya fizga kan mini table dake gurin,sai huci yake yayi gaba,da d'an gudu KHALEEL ya biyo bayansa,yana zuwa saitinsa ya fizge keys en yayi saurin bud'e driver seat yayi starting motan...
Kallon mamaki BB yayi masa kafin ya zagaya ta d'ayan side en yana mai rufewa.....
A 360 suka bar gidan,basu tsaya ko ina ba sai police station,office en DPO aka shigar dasu da yake yasan ABBAN KHALEEL,shi ya bada report en b'atan KHUBRA wani sergent dake gefe yana nad'ar bayanin..
Kasancewar ba komai ya sani game da b'atan nata ba,yasa ya dubi BB dake zaune ya dafe kansa
''Ka masa bayani kasan ba komai na sani game da case enba''

DPO ne ya kallesu su duka biyun ganin irin yanayin fuskokinsu da abunda yake d'auke akansu ya tabbatar suna cikin damuwa da b'atan yarinyar
''Ina ganin da kunzo da photonta da binciken zaifi zuwa da sauk'i''
Ya fad'a cike da alhini...

KHALEEL ne ya bashi amsa da fad'in
''Gaskiya ABBA bana tunanin akwai photonta nan kusa''

''To babu komai duk da haka in sha Allah gano inda take bazai yi wahala ba,Allah ya bayyanata''.........

Kan BB ya juya yana fad'in
''Daurewa za kayi d'ana ka sanar damu abunda ya faru kaji,bayanin kane kad'ai zai taimaka mana ta hanyar gano inda take a halin yanzun''

Da k'yar ya iya tattara bayanan ya sanar da shi DPO yana zaune yana saurarensu har suka gama,sergent en ya fice...
Godiya suka masa had'e da sallama suka fice jiki a sanyaye.....

《《》》

Gefen LADIYO itama ba'a barta a baya ba,zuwa wannan lokaci kam mu'amalarta da bokan nasu abun duk ya isheta kawai dai dan bata da yadda za tayi ne shi yasa ta zuba ido..

Da ta kaiwa TABAWA kukanta ko dariya tasata a gaba tana yi cikin muryan da yake nuna jin dad'i take fad'in
''Ke kam LADIYO ban san lokacin da zaki waye ba,shi MALAM BUBAN kashe miki k'ishirwa yake？ina ganinma kam kafin ki samu kansa ae sai da aka miki taimako......Yawwa kwana biyu babu labari ya ake cikima kuwa baki zomin da labariba''

Kai LADIYO ta yasar gefe tana fad'in
''Kayya dai kam TABAWA abun ba a cewa komai,dan lamura sai dad'a tab'arb'arewa suke,ni kam ina ganin hak'ura zanyi kawai.....Tunda na samu an rabashi da zancen wannan shegiyar y'ar tasa hakama ya isheni kam''

''Aike kam dama wollahi kina da damuwa,banda abunki kin tab'a ganin an hak'ura da neman mafita,matsalarki kenan gidadanci''
（A raina nace duk uwar d'arin ce ae）.......

Hud'uba iri daban-daban haka ta ci gaba da cusawa LADIYON munanan d'abi'u,wanda kafin ta bar gidan sai da ta kwashi kaso mafi yawa cikin abunda TABAWAN ta sanar da ita......

《《》》

Tun da ZUHRA ta shige bedroom enta da plate a hannunta ta kulle k'ofan.Plate en ta tusa a gaba sai juya indomein take ta kasa kai ko da one spoon bakinta,hawaye ne ya ci gaba da saukowa kan face enta,damuwa duk ya mata yawa ga ba mataimaki sai Allah...

Yini tayi a bedroom en ta kasa fitowa da k'yar ta rarrashi kanta ta soma cin abincin nata da yayi sanyi,spoon biyar ta iya ci ta ture plate en gefe,tunani duk ya dameta...

''Me yasa MAMA zata aikata haka？........Sam banyi tunanin da sa hannun MAMA ciki ba....Amma me yasa？''

Haka ta yini cikin d'akin dan kam itama bata jin za ta iya fita bare har ta samu damar hira da wani....

'Bangaren MAMA da y'an fadarta ko damuwarsu bai wuce rashin abincin break da suka saba da cin mai kyau a kowane lokaci ba,sai dai wannan ranar ta zo musu da sauyi,ta yanda sun tashi cikin k'oshin lafiya sai dai babu garar da suka saba da ita kullum rana....

Yinin ranar haka suka wuni cin cornflakes,MAMA kam sam bata da kwanciyar hankali ta b'angaren girki coz ita sam bata jurar yin girki ko da sau d'aya a yini,shi yasa ma ta k'ule a d'aki ta gagara fitowa,su kuma yarantan ba shiga kitchen suke ba bare su iya yi da kansu...
A wani gefen kam tana jin alhini na rasa KHUBRA a matsayin housemaid da tayi sa'a kaf cikin y'an aikin da sukayi a gidan....
（Ni ko nace kad'anma kika gani,ai yanzun aka fara）.........

《《》》

Binsa kawai take suna tafiya yana tura kurar ruwansa sai da sukayi nisa da cikin jama'a dan har sun fara shiga cikin gonaki dake bayan garin....
Da k'yar take tafiyan saboda gajiya da tayi,d'an tsayawa tayi tana hutawa har yayi gaba bai san ta tsayaba,waiwayowa yayi ya ganota can baya,kuran ya bari a gurin ya dawo baya...
''Yi hak'uri kinji mun kusa tarar da gidan''

Murmushi tayi tana kallon gurin,ita kam sam bata hango gidaba a gabanta,gudun kada ta masa wuk'anci a matsayinsa na wanda yake shirin taimakonta yasa ta daure ta ci gaba da binsa...
Ci gaba sukayi da tafiya har suka tarar da inda ya ajiye kuran,suna tafiya yana juyawa baya,ganin babu mutane a gurin ko kad'an ya fakaici idon KHUBRAN d'an sakin kuran yayi ya sunkuya yana dafe cikinsa,a d'an tsorace ta matso gaba kad'an gareshi tana fad'in
''Lafiya k'alau kuwa kake,me yake damunka？''

Damuwa sosai ta bayyana akan fuskanta har tana neman mantawa da nata damuwan....

Sai da ta gama sakewa tukun ya fizge ledan hannunta take ko ya shek'a a guje ya nausa cikin jejin dake gaba kad'an da su..................

~Kuyi hak'uri da jina shiru kwana biyu,bana jin dad'ine dats y baku ga posting ena ba,,,,,,, _1 luv my peps._~

*_~

*T*saye tayi tana kallon yadda yake gudu,k'afafunsa uwa robber band wajen talewa da suke kan tsabar gudun da yake,abunka da mara gaskiya akace ~{ko a ruwa gumi yake}~ .....
Ta rasama me ya kama tayi ita dai sai kallonsa take duk da yayi mata nisa....
''KHUBRA ya kamata kiyi wani abu ko dan ceton rayuwarki''
Wata zuciyar ta kawo mata d'auki da shawara..

''To ni me zan iya yi yanzun？''
Ta tambayi kanta tana mai ci gaba da tsaiwa ba tare da ta iya yanke hukuncin aikata komaiba,a hankali ta sulale ta zauna tsakanin kunya² dake gurin,da hannu biyu ta buga tagumi ta rasa meke damunta...

Tana nan zaune har ya b'acewa ganinta,ajiyan heart ta shiga saki masu matuk'ar k'arfi kan kukan da ta shak'a a yau....

Rana ta dad'a yin zawali,a b'angaren KHUBRA sam zafin ranar bai ko damunta,dan kanta ta mik'e lokacin da ta gaji da zaman gurin baya ga yunwa da ta fara damunta....
Kuran da ya bari gurin shi zuciyarta ta gama bata shawaran ta tura,ta wannan hanyar ne kad'ai zata iya samun abunda za taci,cikin duniyar nan ba kowa ke iya taimakon wani ba.....

Pushing enta ta shiga k'ok'arin yi sai dai ko kad'an kuran bai motsa daga inda yake ba,iya k'arfinta tasa ta shiga dannawa amma ina abun ya gagareta,haka ta zube gurin ta sake sakin wani marayan kuka,wanda baka iya jin sauti sosai cikinsa.....

《《》》

Tunda suka baro police station en babu wanda ya iya kula wani tafiyan kurame suke,babu d'aya da ya tankawa d'ayan....
Dai² gate ensu ya perker,fita yayi sai da ya zo center ensa kafin ya bud'e baki da k'yar
''Sai mun yi waya''
Ya fad'a tare da juyawa ya shige gida...

Tun fitar KHALEEL a motan ya kasa motsi,zama ya ci gaba da yi a motan,sai da ya shafe tsawon wani lokaci,kafin ya matsa zuwa driver seat,dan sam bai jin zai iya fitowa a motan sannan ya koma da k'afarsa.Ko da ya koma enma da k'yar iya starting motan yayi gaba..Yanayin da yake driving en kad'ai ya isa ya bayyana rashin energy a tare da shi,da haka ya lallab'a ya isa gida.....

Shigan KHALEEL gida yana tafiya uwa kazan da k'wai ya fashewa a ciki haka ya shiga parlor...
Kwanciya yayi idanunsa a rufe ya d'ora hannunsa a kan fuskansa,fitowar UMMI daga kitchen ta ganshi nan kwance,yanayin yanda yayi ya tabbatar mata d'an nata ba k'alau yake ba,k'arasowa tayi ta dafa kansa,da sauri kuwa ya bud'e idanunsa yana sakin ajiyan zuciya...
Hakan da yayi ya dad'a tabbatar mata da zarginta
''SON lafiya kuwa kake？
Na sha fad'a maka ka dena sa damuwa a ranka,saboda ba abunda take haifarwa sama da dana sani,baya ga ciwo da zai shigeka ba tare da yayi shawara da kaiba.....
Har kullum ina maka nasiha da ka ci gaba da mik'a lamarinka zuwa ga mahaliccinka,shi ne zai maka maganin damuwarka,damuwa bata tab'a zama magani,sai dai ma ta zama silar k'aruwar matsaloli''

Hannayenta da ta dafa shi dasu ya rik'e sosai,uwa wanda ke tsoron za a rabasu
''Na gode sosai UMMINA da sani a hanya da kike,Allah ya miki sakamako da mafificin alkhairi''

''Ameen MY SON，Allah ya maka albarka,ya karemin kai daga dukkan wata fitina ta zamani''

''Ameen UMMINA''

Su duka sukama juna murmushi,mik'ewa tayi da niyyar barin gurin maganar KHALEEL ta dakatar da ita

''UMMI ki tayamu da addu'ah mu samu a gano inda take''

'Dan waiwayowa tayi tana masa kallon rashin fahimta,tun kafin ta kai ga tambaya ya katse mata kalmomin dake shirin fitowa

''UMMI sun sace ta''
Cike da al-hini yayi maganar yana yada kai gefe...

''Ban fuskanci me kake son fad'a ba SON.........
Wace ce aka sace kuma？''

Damuwa ta dad'a bayyana saman fuskarsa a hankali ya furta
''Wannan yarinyar ta gidansu KHALEED！''

''Innalillahi wa-inna ilaihi raji'un''
Bakinta keta maimaitawa har sai da ta samu nutsuwa kafin wasu tambayoyin suka shiga tseren fitowa daga bakinta
''Yaushe？kuma a ina hakan ta faru？ garin yaya？ita HAJIYA MURJA tana wane sakacin aka d'auke y'ar mutane？ko kuwa bata sani ba？''

Kallon UMMIN nasa ya shiga yi uwa wanda ya fara ganinta yau
''Wallahi UMMI abunda na manta ban tambayi KHALEED ba kenan......
Amma gaskiya UMMI ina zargin da sa hannun HAJIYANSA''

Ta gefe ya d'an kalleta yana mai rik'e bakinsa,tunawa da warning da tayi masa
''Amma kiyi hak'uri UMMI idan na fad'i abunda ba dai² ba''

Kai ta kad'a masa kafin cike da mamaki ta soma magana
''Tabbas ko ni da kaina jin wannan maganar yasamin zargin HAJIYA MURJA....Da gangan akayi......Ko tantama babu wannan aikin shiryashi akayi,akwai sa hannu cikinsa''

Shiru dukansu sukayi suna jinjina lamarin...

''Allah ya kyauta,Allah ka kare baiwarka a duk inda take''
Abunda ya iya fitowa daga bakinta kenan ta sake yin shiru tana jaddada al'amarin a zuciyarta....

《《》》

ZUHRA ce ta fito da kumburarren fuskanta zata kitchen danko k'ishi ke damunta,ta fito da niyyan d'auko ruwa,dai² zata wuce ta k'ofan MAMA ta ji ana magana k'asa²,kunnenta ta d'ora jikin k'ofan take ko kalaman da ta jiyo suka sake firgitata....

''Ehhh！ba damuwa HAJIYA LAURA ai kin gamamin komai da kika samomin mafita''
Dariya ta saki mai k'arfi kafin ta ci gaba
''Wallahi kuwa mun rabu da kaska.....Yo to ta inama za ayi wata Housemaid zata zo tana neman juyamin kai.......maza biyu lokaci guda fa duk sun haukace kanta,shi wancan da yafi kowa haukama harda turomin mahaifiyarsa bayan ga y'an mata nan ina da su bai zab'i kowacce ba sai ita........Uhmm！shi kuma KHALEED......Ai ki barni da su tunda yanzun munyi maganinsu.....Allah kuwa,to ameen...Sai kin jini''

Jin maganganun tayi suna mata yawo akai,kenan zarginta ya zama gaskiya kan MAMA,hawayene suka sake b'alle mata,dafe bakinta tayi tana jiyo maganar MAMA,daga jima ka san da kanta take

''Ya zama dole na raba gidan nan da duk wani abu da zai sake tunamin da ke......
Barima kiga na tashi kaf kayanki dake gidan nan k'onasu zanyi,mun dai rabu da kaska sai aje can a sha jinin wani''

Jin kalamanta na k'arshe yasa ZUHRA saurin mik'ewa hanyan fita daga parlor ta nufa tana tafe tana hard'ewa kamar za ta kifa,har ta fice daga parlorn...

Kansa ya had'e da steering motan ya shiga tunanin da bai san me yake tunawa ba,tsawon mintuna arba'in yana cikin motan ba tare da ya iya fitowa ba,kuma har lokacin ya kasa kashe motan...

Fitowan ZUHRA daga cikin parlor tana waigawa tana kallon hanya tamkar wacce wani abun tsoro ya biyo,shi kuma ya d'ago yana bud'e motan had'e da kashewa ya fice,tafiya yake jikinsa babu k'wari...
Buge juna suka yi da sauri ta d'ago ba tare da iya yin maganaba ta d'aga masa hannunta alamar ban hak'uri,tayi gaba abunta,tana kuma ci gaba da waiwayen hanya....
Kallonta kawai yayi,yanayin da take ciki ya tabbatar masa akwai damuwa,har zai shiga parlor ya fasa a baya ya bi hanyan da ta bi,har k'ofan d'akin..
A ciki ya tsintota tana ta faman binciken kayan dake d'akin,da k'yar ta iya gano keys en d'akin,kayan ta shiga d'iba tana zubawa a closet dake had'e cikin wall en d'akin.....
Yana tsaye bakin d'akin yana kallonta har ta kammala ta fito,da sauri ta maida k'ofan ta rufe had'e da danna mata key.....

Sai da ta juyo zata bar gurin sannan ta ganshi tsaye ya hard'e hannayensa a chest yana kallonta...

《《》》

Sai da ta gama kukan sannan ta mik'e ta karkad'e kayanta da suka b'aci da k'asa,zuciyarta cike da kishin kanta da tausayin rayuwarta ta sake d'ora hannunta a kan marik'in kuran....
Dannawa ta shiga yi,duk k'ok'arinta bai wuce taga ta taimaki kanta ba,addu'ah ta soma duk wacce tazo bakinta yi take kan neman taimako daga mahalicci,cikin ikon Allah tana ta k'ok'arin turawa bakinta kuma bai fasa ambaton Allah ba,tafiya kuran ya soma ta juyo da akalar kuran zuwa garin da suka bari yanzun....
Da k'yar take iya turawa,fuskanta zuwa jikinta duk yayi gumi kan wahalar da tasha na turo kuran,idan ta gaji ta tsaya ta huta haka taita fama har ta fara shigowa cikin garin....

Jama'a sai kallonta suke da mamaki yayin da wasu ke binta,ita kam ko a jikinta,dan ta d'aura aniyar neman halak enta,sana'a babu fashi yanzun ta soma duk abunda mutane za suyi babu ruwanta,za ta toshe kunnenta daga tsaigumin su,haka taita turawa tana wucewa,line ta soma bi d'aya bayan d'aya,wani line en idan ta shiga za ta tarar da shi cike da mutane y'an gulma wad'anda labari ya iske,ba maza ba mata,hatta da k'ananan yara binta suke duk inda tayi,ita ko ko a jikinta....

Ganin wannan sabon al'amari yasa mutane siyan ruwan ga wand'an dama basuyi niyyaba duk dan su shaida labarin da ya iske su,duk gidan da suka siya dai kaga wasu daga cikin y'ay'ansu maza suna saukewa suna shiga da shi,idan sun juye su bata kud'inta da jarkanta,haka zata k'ara gaba su kuma su bita da idanu...
Kafin wani lokaci babu komai cikin kuran nata duka ruwan an siye babu sauran,bakin wata bishiya ta zauna tana lissafa kud'in naira d'ari biyu #200 cif,hamdala tayiwa Allah kafin ta huta abunta,bakin kasuwa ta sake komawa ta nemi mai abinci a gurin,tunani ta tsaya yi to na nawama ya kamata ta siya ne？
Ta d'an jima tana yanke shawara,kan ta bayar duka ko a'a.....
Mik'awa tayi duka ba tare da ta tantance ko yayi yawa ko baiba...
Mai abincin ce ta kalleta da alamar mamaki tana fad'in
''Ke ko y'ar nan me za kiyi da abinci har na d'ari biyu,ai yayi miki yawa,ungo wannan''
Ta mik'o mata d'ari da hamshin,d'an murmushin k'arfin hali tayi ta karb'a tana mata godiya...

''A robber zan zuba miki ko kuwa a leda？na ga kamar bak'uwace ke ko？''

'Dan murmushin ta sake yi tana fad'in
''Eehh！ni bak'uwa ce''

''Allah sarki ai na ga alama tun zuwanki gurin nan''

Bata kuma magana ba ta karb'i abincintan a gefe ta samu guri ta zauna,ko rabi bata iya cinyewa ba ta mik'e tana dawowa matar da robber enta da sauran abincin ciki,kallon mamaki tayi mata kafin ta iya tambayarta
''Me ya faru kika dawo da shi haka？''

''Uhmm！babu komai wollah babata na k'oshi ne''

Kalmominta da ta kira matar da shi wato ''BABATA'' su suka sa matar yin k'wallar farin ciki,kasancewarta bata tab'a haihuwa ba,har Allah ya d'auki ran mijin nata,tun daga nan kuma bata kuma wani auren ba...

Ganin matar na hawaye ya sanyayawa KHUBRA jiki,haka taita kallonta uwa wata doluwa....

''Y'ar nan gidan wa kika zo a garin nan？''
Tambayar ta bawa KHUBRA mamaki,amma sai bata nuna ba
''Ban san kowa ba a garin nan,nima kawoni akayi nan''

Da mamaki matar ke kallon KHUBRAN tana fad'in
''Kawoki akayi kuma？''

Kai ta kad'a mata,mik'ewa tayi tana kad'e jikinta da niyyan barin gurin
''Yanzun ina kika nufa y'ata？''

''Zan wuce ne''

'Dan tunanin matar tayi da sauri kuma ta katse KHUBRA dake haramar barin gurin
''Y'ata idan za ki yarda kuma kin amince ba zan tab'a cutar da ke ba,kuma idan har kin d'aukeni uwa a gareki......
Zaki iya bina gidana mu zauna tare,kin ganni nan tsawon shekaru talatin da biyar da aurena Allah bai tab'a azurtani da d'aba,amma yau na farko kin kirani MAHAIFIYA wannan dalilin yasa naji ina k'aunarki,tabbas zan rik'eki a matsayin y'a,idan har kin amince''....
Ta k'arashe maganar ta tare da goge wani layin hawaye dake kan fuskanta....

'Dan tak'aitaccen murmushin yak'e tayi,kafin zuciyarta ta tuna mata abunda aka mata yanxun da ko awanni biyar ba ayiba....
Da sauri kuma wata zuciyar ta bata amsa da cewa
''Haba KHUBRA duniyar nanfa ba duka aka zama d'ayaba,ya kamata ki tuna yadda rayuwar ki ta faro,wasu na sonki wasu na k'inki,kada kiyi saurin yanke hukunci,kiyi addu'ah dan shi ne gatanki a rayuwa a kuma duniyarki''......

Siririyar ajiyar zuciya tayi,kafin ta furta
''Na amince BABATA amma da sharad'i''

Matar tana murna ta kalleta
''Koma wane irin sharad'ine na yarje miki fad'i kome kike so in sha Allah bazan gazaba''

''Dama ina so ne nace...... Baba don Allah kada ki hanani neman abunda zan rufawa kaina asiri,komai tsafta,k'azanta,k'ask'anci ko samu da sana'ar take d'auke da shi''....

Kallonta kawai matar tayi
''In sha Allah bazan hanaki ba.....
Amma wace irin sana'a ce wannan？''

''Ba wata sana'a bace illa *GARUWA.............''*

A d'an tsorace ta kalli KHUBRAN,ita ko sai murmushi take abunta,da fuskanta da har yanzun tak'i komawa dai²....
Gudun kada tayi magana akan sana'ar ta KHUBRAN tak'i amincewa da buk'atarta,yasa taja baki tayi shiru,tana nai fad'in
''To shi kenan Allah ya wuce mana gaba,yayi miki jagora''

KHUBRA ta amsa da ameen.....

''To yanzun dai da kin bari sai zuwa gobe ko dan mu tafi tare kinga kyaga gidan namu ko？''
Ta fad'a tana d'an murmushi,itama KHUBRAN murmushi tayi ta sake neman guri ta zauna,tana ta kallon mutane da keta zuwa siyan abinci,tana zaune har abincin ya k'are tas,tana kallo matar ta kammala had'a kayan al-majirai suka d'aukan mata kayan nan ta juyo tana kallon KHUBRA
''Taso mu tafi y'ata''

Babu musu ta shiga bin matar a baya suna tafe tana tura kuranta na ruwa har suka isko wani k'aramin gida,nan suka shiga suka nemi guri KHUBRA ta adana kuranta da niyyan gobe da wuri zata fita sana'anta.....

《《》》

Kallonta yayi duk ta wani birkice
''Me yake damunki SISNAH？''

Bata iya bashi amsaba,hannunsa kad'ai ta jaa zuwa guarding suna tafe tana waiwayawa tana kallon hanya,guri suka samu suka zauna sannan a d'an tsorace ta juyo
''YAYANAH wallahi ina jin tsoro kada wani abu ya samu KHUBRA......Duk abunda ya faru BB MAMA ta san komai kuma wollahi da hannuta komai da ya faru,MAMA ce sila......Dan Allah YAYANAH ka nemomin ita pleasee''
Ta k'arasa tana rintse idanunta....

Tashin hankalinsa k'aruwa yayi jin ta ambaci MAMA,amma ya akayi tasan da sa hannun MAMAN a ciki？Yama kansa tambayan.....

''Me yasa kikace da sa hannun MAMA？''
Ya mata tambaya yana mai jin fad'uwar gaba,dan bai san wane amsane zai fito daga bakintaba
''YAYA Allah ina jin tsoro sosai.....YAYA yanzun na fito naji tana waya,amma bansan da wa suke magananba....Wallahi YAYA ita tasa aka sace KHUBRA''

Shiru yayi ya kasa magana kansa sai dad'a sarawa yake kan ciwon da yake masa vains en kansa duk sun gama bayyana a fili....

''Kuma YAYA ko ta ce sai ta k'ona duk wani abu da ya shafi KHUBRA shi yasa na rufe d'akintan......YAYA ansa key en ka adana ni kasan MAMA zata iya buguna amma dan Allah kada ka bari ta sani kaji BB nah''
Ta fad'a tana d'ora masa key en a hannunsa,da sauri ta mik'e ta bar gurin tana had'awa da gudu,har ta shige bed room enta basu had'u da kowaba,da sauri ta maida k'ofan ta rufe.....

A hankali ya mik'e yana tafiya,har bakin k'ofan bedroom en,key en ya sanya ya bud'e yana shiga ya maida k'ofan ya rufe yana mai locking enta ta ciki.....
Kan katifanta ya kwanta yana sauke ajiyan zuciya,yanayin d'akin kad'ai ya bashi nutsuwa ko ba komai k'amshinta da yayi remaiming ciki ya kwantar masa da hankali,yana haka wani bacci mai dad'i wanda ta jima rabon da yayi shi ya d'auke shi.....

《《》》

Cikin d'aki matar ta mata iso tana mata shimfid'a,a hankali ta shiga ta zauna tana ta kallon ko ina na d'akin,zama matar tayi tana fad'in
''Ohhhh！niko ko sunanki ban tambaya ba,ina can d'okin tahowa da ke''
A hankali ta furta ''Suna na KHUBRA''

''Allah sarki ni kinga suna na ZUWAIRA''
'Dan murmushi kawai KHUBRAN tayi sai dai tambayan matar ya sa fuskarta saurin rikid'ewa zuwa tsantsar tashin hankalii..........

*~#

*"O* ohh! Ni ko na miki wata tambaya d'azun sai dai amsan da kika bani ya tsayamin a rai,na kasa fuskantar abunda kike nufi
"...
'Dan d'agowa tayi tana kallon matar saboda rashin fuskantar maganar ta new mother en nata..
Gane hakan da tayi shi yasa tayi d'an murmushin yak'e kafin ta furta
"A d'azun na miki tambaya kan gurin wa kika zo a garin nan,sai dai amsan da kika bani yasa nake son sanin me yasa aka sato ki kuma wane azzalumi ne ya aikata miki haka？"
Fuskanta cike da tashin hankali haka ta sunkuyar da kai k'asa,dan kam ta tabbata mai afkuwa na shirin faruwa,tunda matar ta soma tambayanta lallaine a k'arshe matar ta koretama gaba d'aya,wannan tunanin shi yasa ta dad'a sunkuyar da kanta k'asa gudun kada matar ta gane k'aryan da take shirin yankowa bata iya d'agowa ba,idanuntan nan sun dad'a fitowa kan tsoro da ya cika zuciyanta,duk da dai tasan ba wai laifinta ne yasa aka aikata mata hakanba...
Tana nan zaune tayi shiru amsa tambayan ya gagareta tana ta taradaddin sanar da BABA ZUWAIRA,ta tsinkayo muryanta tana fad'in
"Niko KHUBRA idan babu damuwa zan so sanin daga wane gari kika fito da kuma asalinki？"

Jin wannan tambayan yasa ta sauke ajiyan zuciya a tunaninta ta tsira daga wancan tambayan,shi yasama cikin k'warin gwuiwa ta bata amsan
"Daga KANO nake,BABATA dan Allah nan wane gari ne？ ban san ina ne nan ba" KHUBRA ta fad'a yayin da wasu hawaye masu d'umi suka fara sakko mata,gefen hijab na jikinta ta kama tana gogewa,duk wani motsinta idon matar na kanta tana binta da kallon tausayi...

"Allah sarki nanma duk cikin kano kike ae sai dai nan muna daf da jihar jigawa,sunan wannan garin ZAKIRAI,amma cikin kano wani gari kike？"

Raba ido ta hau yi tana son tuno sunan unguwan da suke,tunani take ko zata iya tuno sunan unguwan da suke,amma ta kasa.....

Katseta BABA ZUWAIRA tayi da wata tambayan
"Ke kuwa mene ne ya faru dake da har wasu suka satoki daga gidanku kuma hannun iyayeki zuwa wannan gari,kuma me kika aikata musu da zafi har haka？"

Kukanta tayi k'ok'arin had'iyewa,kafin cikin nutsuwarta ta soma da fad'in
"Dan Allah MAMA kiyi hak'uri kuma ki yarda da ni,ko da na fad'a miki gaskiya baza ki koreni ba"...
'Dan tsagaitawa tayi ta d'ago kanta tana kallon new mother enta BABA ZUWAIRA..
Kai ta soma kad'a mata kafin ta bud'e baki cikn sanyin jiki ta furta "In sha Allah babu abunda zai faru,ke dai ina son ki fad'amin gaskiyarki,dan da ganinki bana tsammanin k'arya daga gareki,ina fatan kuma zaki d'aukeni matsayin mahaifiya ki sanar da ni komai"..
"In sha Allah" KHUBRA ta fad'a a zahiri,yayin da can k'asan zuciyarta take fad'in "kiyimin afuwa amma kam tabbas bazan iya sanar dake *SIRRIN RAYUWATA* ba",in sha Allah dana fad'a dama sai Allah ya baka iko,kuma k'arya wajen kare kai ta halatta,tana kaiwa nan ta datse tunanin had'e da sauke wata nannauyar ajiyar zuciya...

"Kamar yadda na sanar miki ni sunana KHADIJA amma mahaifina na kirana da KHUBRA,saboda kasancewar sunan mahaifiyarsa gare ni wannan dalilin yasa mutanema ke kirana da KHUBRA kamar yadda mahaifina ke kirana,mahaifiyata Allah yayi mata rasuwa tun ina jaririya"
Daga nan ta shiga bata labarin irin zamanta a gidansu ZUHRA,sai dai ta b'oye alak'arta da gidan da kuma irin zaman da take,hakama alak'arta da MA'U,LADIYO da ma k'auyensu,abunda ta iya sanar mata kad'ai kishiyar mamanta ce take son ta auri k'aninta ita kuma bata so,kan wannan dalilin ta d'ora mata karan tsana,tun daga ranar take zuga mahaifinta,ganin yak'i amincewa ne yasa tasa aka satota daga gidan wanda k'arshe suka yasar da ita a bakin kasuwar garin nan.....

Shiru tayi tana jan numfashi a hankali,kanta har lokacin yana k'asa saboda tunaninta tana d'agowa suka had'a ido matar zata gane k'arya ta mata..

"Allah sarki y'ata,in sha Allah da sannu duk mai hannu a ciki sai ya ga sakamako,amma mai zai hana na d'oraki a hanya ki koma gida,saboda kinga baki san halin da mahaifinki yake ciki ba".....
Cikin sauri KHUBRA ta katseta da muryar tausayi, "dan Allah BABATA kiyi hak'uri kada kuma ki ce nak'i bin shawararki,wallahi ina son sanin halin da mahaifina yake ciki,amma ina tsoron zuwa gida saboda ban san me zan je na tarar ba,ki kyale ni na zauna tare da ke har zuwa wani d'an lokaci,in sha Allah da kaina zan miki maganar tafiyata idan lokaci yayi" ta k'arasa tana goge fuskarta da hijab enta...
Yanayin yadda tayi maganar shi ya sanyayawa matar jiki,tausayin KHUBRAN duk ya lullub'e mata zuciya haka take ta bin KHUBRAN da kallon tausayi..
"Shi kenan babu komai KHUBRATA in Allah ya yarda zaki ci gaba da zama a nan,Allah yasa hakan ya zama alkhairi a garemu baki d'aya"
Tako amsa da ameen,wani sashe na zuciyanta yana farin ciki da amincewar da matar tayi....

《《》》

Daf da za a shiga masallaci ya farka har an idar da kiran sallan maghreb,da sauri ya mik'e ganin garin yayi duhu,agogon dake d'akin ya kalla,da mamaki a kan fuskansa cikin rashin gasgatawa ya nufi window yana mai d'aga cottains en aiko take ya gasgata abunda ya gani danko rana ta jima da fad'uwa,da sauri ya juya ya shige toilet en d'akin....
Cikin sauri ya idar da alwalan lokacin har an tayar da sallah a nan saman carfet ya kabbara sallah da yake yana iya jiyo masallacin kuma gudun kada ya rasa jam'i kafin ya fita...
After ya idar yayi nafila,nan ya zauna yana addu'ah..
Ko da ya idarma kasa fita yayi ya kishingid'a jikin katifan yana tunanin baccin da yayi cikin d'akin,yayi nisa cikin tunani ya jiyo ana jijjiga k'ofan a d'an zafafe ya mik'e saboda yadda ake bugun k'ofan kamar za a karyata,shifa yanzun baya son damuwa kamar yadda yake jin haushin kowa a gidan idan aka d'auke ZUHRA da damuwarsu take kusan iri d'aya...
Key en yasa ya bud'e k'ofan kamar an cillota ta shiga k'ok'ari fad'owa kansa cikin sauri ya kauce ta hanyar ja baya kad'an a kan hanyan,Allah ya taimaketa ta rik'e k'ofan bata kai ga fad'uwa k'asa ba,ganin tana k'ok'arin shigowa yasa ya tare hanyan,ta hanyar tsaiwa tsakiya...

'Dagowa tayi cikin fushi ta furta "KHALEED yaushe na fara wasa da kai da zaka tsayamin a hanya？.........Ammm！mene ma ya kawoka d'akin nan tukuna kana neman wani abune ciki？"

Kamar an dasa gini haka ya mata ko "A" bai furta mata ba,kuma yak'i barin gurin...
Hannunsa ta kamo da niyyar janyeshi daga gurin saboda a tunaninta zata iya,sai dai ko gizau baiba,ganin ta kasa yasa shi sakin wani murmushin yak'e mai sauti da yasata kallonsa....

Had'e fuska tayi alaman babu wasa..
"KHALEED kaa matsa a nan ko kuwa sai ranka ya b'aci dan yanzun zan baka mamaki？"

"Uhhhmmm！MAMA ai an gama bani mamaki duk duniya,abunda kika aikatama kad'ai ya isa ya gama bani mamaki,amma MAMA ki tuna idan kin aikata haka akan y'ar wani shin bakya tunanin naki y'ay'an？ idan Allah ya tashi kamaki me zaki fad'a masa lokacin da kika tsinci kanki a gabansa a lokacin da kowacce gab'a ta jikinki sai ta bada shaida akan abunda ta aikata,MAMA ki tuna da lahirarki sannan ki tuna irin tanadin da kika yi mata''.......

"Kaiiiiiiiiii！ dakata ni sa'arka ce da zakamin wa'azi？kada ka manta ni na haifeka ba kai ka haifeniba da zaka tsaya kana fad'an maganar da ranka yaso,kuma yanzun maza ka kauce ka bani hanya".....
Cikin tsawa da fusata take magana tana jifansa da wasu mugayen harara....

'Dan murmushi ya sake yi mai ciwo yana kallonta,shi kam yau yaga ikon Allah,gaskiyan ne bata so a fad'a mata kenan？.......
"Shi kenan MAMA duk abunda kikayi dai² ne,amma ki sani nasan duk wani shirinki akan KHUBRA da kika sa aka d'auke,sai dai hanzari ba guduba duk wani yunk'uri da za kiyi idanun jami'an tsaro na kanki,saboda haka babu laifi kiyi duk abunda kike ganin ya kamata"......
Mari ta d'aukeshi da shi da yayi saurin sashi yin shiru yana dafe da gefen fuskansa da ido ya bita,lokacin ita kuma ta juya ta bar gurin cikin sauri.....

Wani murmushin ya sake yi,kafin ya juya ya kulle k'ofan yana mai barin gurin shima,zuciyansa duk ta cushe da tunani....

《《》》

"Amma kuwa wollahi za muyita dan wollahi sai anji kanmu da MA'U a yau kam,dan ta raina ni ta kama hanya ta bar garin nan da yarinya lokaci mai tsayi amma ko kobo bata tab'a kawomin ba,tabbas kam sai nayi maganinta".....
Ita kad'ai zaune sai surutai take kamar wacce ta zautu,duk ta dad'a ramewa ga wani tsufa da ta dad'a yi kamaninta sun d'an jirkita....

Sallama akayi k'asa² daga bakin k'ofar shigowa gidan,hannunsa d'auke da robber 25 litres guda biyu dattijon ya shigo haka ya wuce ya juye ruwan cikin randunan dake jikin dangar kara ta gidan...

"Wai tun d'azu daka fita sai yanzu ka dawo gaskiya anyi malalaci a nan"
Ko juya ya kalleta baiba bare ya tanka mata,yana gama juye ruwan ya shige d'akinsa baiko bi ta kantaba.....

"Bari dai kiga na mik'e ni inama zan samu aron tarho na kira wannan y'ar banzar na jita shiru,ga shi ni kuma ban san inda take ba a garin na kano"
Tayi maganar lokacin da take k'ok'arin yafa mayafin hannunta da ya cukuikuye saboda daud'a da rashin guga,nan ta bazama tayi waje......

《《》》

Shigansa bed room ya kwanta yana tunanin abunda ya kamata ya aikata,sam baya son a sake jefata wani halin duk da dai yanzunma bai san a wane yanayi take ba....
"Ya zama dole na nemo ki duk inda kika shiga a fad'in duniya.........Tabbas MAMA kin aikata kuskure mafi muni a rayuwa amma da sannu zaki girbi abunda kika shuka.....
Wani tunani ne ya bijiro masa take ya mik'e yana laluban phone ensa,kaf d'akin ya duba bai gansuba,d'an tsayawa yayi yana tunani da sauri kuma ya fice daga room en,cikin sauri² ya kama hanyan fita..
A mota ya gano su,inda ya tarar da tarin miss-calls duk daga KHALEEL,kira yabi line en nasa da shi....

"Dallah MALAM ina ka shiga kasa sai nemanka nake tun d'azun？"

"Sorry BRO na manta phone a mota.....Ammm a kwai maganar da nake so muyi,idan kana gida yanzun zan k'araso"

"Ok ba damuwa sai ka k'araso"

Sukayi sallama,motan ya bud'e cikin y'an mintuna ya bar gidan.....
Bai wani b'ata lokaciba ya isa gidan,inda ya tarar da KHALEEL en a parlor,nan suka gaisa da UMMI tana zaune suna kallon AL-JAZEERA....
Ta saba duk lokacin da yazo zata tambayeshi mutanen gida amma yau kam suna gaisawa tayi shiru ta juya taci gaba da kallonta....

KHALEEL ya kalla yana fad'in "MAN muje ko？"

Mik'ewa sukayi suka fice,yayin da UMMI ta rakasu da kallon tausayi....

A haraban gidan suka nemi guri suka zauna,nan kowa yayi shiru...
KHALEEL ya kalleshi da mamaki "ya dai ka ce da magana kuma kayi shiru"

"Wallahi ina jinjina maganar da zan fad'a ne kawai"

"To Allah ya kyauta"

"Ammmm！abu na farko dai da nake son sanar da kai yanzun,ina son mu koma gurin D.P.O da kai gobe,saboda ina son a bamu y'an sanda da zasu dinga kulamin da al'amuran MAMA"

"MAMA kuma kan wane dalili？"
KHALEEL yayi tambayan cikin hanzari...

"EHHH！MAMA....."

"K'wak'walwarka ta tab'u ne da zaka sa ayi mata haka ko kuwa ta aikata wani laifi ne？"

"Uhhmmm！ni dai abunda nake so ayi kenan idan zaka to".....

"Kaga MALAM babu inda zani,ta inama zan biye maka mu aikata wannan shirmen"

Cikin fushi KHALEED ya mik'e yana fad'in
"Kada Allah yasa kayi en,dan ka nunamin haka bazan damuba saboda baka san dad'i ko ciwon k'anwa ba idan wani abu ya sameta saboda kai kad'ai ne,amma ka sani akan KHUBRA zan iya aikata komai......
MAMAN da kake maganar ba zaka bada goyon baya akanta ba,itace silar faruwar komai".....

"Meeeeee？kana nufin ita tasa aka sace KHUBRA ko me,ta yaya ka tabbatar da hakan？"

"Ban saniba,idan ka d'auka wasa nake to ka daina,tabbaci nake baka kan MAMA tasan komai kuma ITA CE SILA"......

《《》》

Washe gari da wuri KHUBRA ta shirya ta fita don yau kam sai ta dangana da rafi zata d'ebo ruwa,shi yasa tun kafin rana ta gama haske garin ta fice,inda tayi sallama da BABA ZUWAIRA sunama juna fatan sa'a....

Lokacin da BABA ZUWAIRA taga fitar KHUBRA binta tayi da kallon tausayi idanunta duk sun ciko da hawaye,fatan samun nasara tayi mata,tana jinjina al'amarin yarinyar,yarinya kyakyawa amma ana neman nakasta mata rayuwa,tabbas dan dai kada tayi magana ne kan wannan sana'ar ta KHUBRAN ta janyo abunda zaisa ta gudu daga hannunta amma kam tabbas da sai ta hanata dan sana'ar ba ta y'a mace bace,ko shi kansa d'a namijinma wannan sana'ar tayi wahala gareshi,sai dai dan kawai neman halak.....
Cike da alhini ta kammala shirinta ta fice zuwa bakin kasuwa.....

《《》》

Tun bayan da MAMA tabar gurin da BB yake zuciyarta ta kasa samun nutsuwa jin ya ambaci police..
"Aiko ko ba don Allah ba na saurara hakanan tun kafin a kamani a gark'ama a jail"

Tana gama maganar ta afka d'akin tana mai rufewa da key......

Niko nace
*"

*Z* ama yayi kamar wanda aka dangwarar abun da yaji daga bakin KHALEED en duk ya d'aure masa kai,kallonsa ya sake yi yana son sake tabbatarwa dan kada suzo suyi abu da ka shi yasa a wannan lokacin da ya sake kallonsa ya furta
"Da dai ka nemi guri ka zauna,dan ni har ga Allah ina buk'atar kamin k'arin bayani kada muzo muyi abunda zaisa muyi DANA SANI"

Wani banzan kallo BB ya bishi da shi had'e da sakin tsaki,ba tare da ya zauna ba kamar yadda KHALEEL en ya buk'ata ya fara magana
"Kafi kowa sanin halina kamar yadda kasan ba zan yi maka k'arya ba"

"Hakane amma kasan shi al'amari irin wannan ba a masa gaggawa,da ka dakata munyi bincike tukuna"

"Heeyy！MALAM har wani BINCIKE kake neman muyi bayan wanda nayi,ko an fad'a maka nima ina cikin mutanen da suke yanke hukunci cikin gaggawa？
Idan mafarki kake to maza ka farka dan wannan kwana² da kakemin bazai hanani abunda nayi niyyaba"...

"To Allah ya kyauta,kai matsalarka kana da shegen taurin kai,baza ka tsaya kayima mutane bayaniba sai dai ka bada magana a dunk'ule"

"Kai kuma gaka mai kullallen kai da baka iya fuskanta ko？"

"Mtssssss！Allah ya shirye ka,amma zauna muyi shawaran hanyan da ya kamata mubi kafin muje wajen D.P.O"

Jin da yayi ya ambaci D.P.O shi ya bashi damar zama
"To yanzun mene abun yi ne kam？" BB ya tambayi KHALEEL

"Ummmm！ina ganin mu bari zuwa gobe sai muje mu sanar masa duk halin da ake ciki,ina tunanin haka ya kamata muyi"

"Toh！hakanma yayi Allah ya kaimu.....Muje nama UMMI sallama zan wuce gida dare na dad'a yi"
"Ok ba matsala muje"

Mik'ewa sukayi suna masu nufan cikin gidan....
A parlor suka tarar da ita har time en tana kallo,sallama ya mata,ta bishi da fatan isa gida lafiya..
Har bakin motor KHALEEL ya rakashi sukayi sallama tare da musabiha,yayima motor en key........

《《》》

'Daya bayan d'aya take bin robber's en nata tana zuba musu ruwa yayinda cikin k'arfin hali da k'arfin zuciya take d'auka tana jerasu cikin kuran nata,haka taita fama har ta gama jerasu..
Hannu ta mik'a saman pore head enta tana goge sweat da ya tsatsafo mata,sai da ta d'an huta tukun kafin ta kama hanyan shiga cikin gari,kamar jiya haka tayi ta zagaye cikin garin,kafin wucewar awa d'aya babu komai cikin kuran nata,kasancewar garin sun d'anyi nisa da gurin da ake d'ebo ruwan,shi yasa wasu daga cikin mutanen garin basa son zuwa d'iban ruwan,yayinda wasu kuma suka fi son *"Y'AN GARUWA"* su kawo su saya....

Ta bakin kasuwa ta biyo zata koma,a dai² lokacin BABA ZUWAIRA na kan ciniki itama,ta hango KHUBRA lokacin kuma rana har ta bud'e sosai,da murmushi a fuskanta ta k'araso...

"Y'ata ta kaina da ganin wannan murmushin da kike akwai alamun nasara"
BABA ZUWAIRA ta fad'a itama tana murmushin

"Wollahi kuwa BABATA anyi nasara"

"Aaa！masha Allah,maza zo kici abinci kafin ki tafi"

"Laaa！BABA nafa ci abinci d'azu kuma ni bana jin yunwa yanzun"

"To shi kenan maza zo ki huta kafin ki tafi ko"

"A'a gara dai na koma bakin sana'a anjima sai na huta"

"To shi kenan Allah ya bada sa'a"

KHUBRA ta amsa da "ameen" sannan ta kama hanyan komawa rafi,kamar wancan lokacin haka ta kammala ta sake biyo hanyan jejin zuwa cikin gari......

《《》》

"Haba HAJIYA LAURA nafa fad'a miki yanda al'amarin nan ya kasance,wallahi yaran nan yana neman ya jagulamin lissafi,gaba d'aya ya gama sanin duk wani abu dana aikata kan wannan matsiyaciyar yarinyar...
'Dazufa da yanamin magana kamar shi ya haifeni,har da yimin wani wa'azi"

"Kai HAJIYA MURJA kina d'aukan komai da zafi,banda abunki dan yayi miki wannan maganar shi ne zai sa ki tashi hankali akan wannan maganar"

"To me kike so ayi kina ganin yadda yake maganar police kinga kuwa shirinmu yana neman rushewa"......

"Ni kam dan Allah HAJIYA MURJA ki kwantar da hankalinki,zan san yadda zanyi na ganin babu abunda ya faru"

"Uhmmm！HAJIYA LAURA kenan lallai baki san halin KHALEED ba,ko ni da nake matsayin mahaifiyarsa ina shayin shiga al'amuransa,saboda halinsa kaf irin na maifinsa ne,idan sukayi magana basa tab'a canzawa,suna da matuk'ar taurin kai,shi yasa nake jin tsoron su furta wata magana dan ina da tabbacin ba janyewa zai yiba"....

"To ai shi kenan amma dai duk yanda ake cikima zan sanar miki"

Ko sallama HAJIYA MURJA bata iya yiwa HAJIYA LAURA ba ta datse kiran,saboda hankalinta tashe yake da abunda yake shirin faruwa tsakaninta da KHALEED da yake neman tada mata K'AYAR BAYA...
Kaiwa da kawowa ta shiga yi cikin d'akin,sam ta kasa tunani hankalinta sam ya kasa kwanciya.....

《《》》

"Ke dallah kefa nake jira kin wani kwanta kamar kayan wanki,bayan kin san ke nake jira,bana son wannan rainin wayon,kawai hajiya ki tashi ina son jina a sama cikin hazo ina yawo"

Da kyar MA'U ta d'ago tana kallonsa "Haba mana kayi hak'uri zuwa anjima,ina jin bacci yanzun kome kake buk'ata idan na tashi kayi,amma yanzun ka kyaleni"

"Ke ai kinji matsalarki da an tab'aki ki ambaci gajiya ko bacci"

"To me kake so nayi maka idan ban hutaba so kake na mutu a tsaye ko da yaushe kana aiki a kaina sai kace wata engine"

"Kai baki fahimceni bane,amma ai ba haka nake nufi ba,kin gane so nake ko da one round ne na k'ara kin gane ai"
Cike da duniyanci yayi maganar yana mata winking...

"Uhmmm！baka da dama idan kaso abu kamar d'a yaso fitowa daga cikin mahaifiyarsa,idan ban amince bama bazaka barni nayi bacci cikin kwanciyar hankali ba ya zanyi da kai"

Dariya suka saka duka kafin su lula duniyar masha'a kamar yadda suka saba....

《《》》

"Yawwa y'ata ta kaina gara da kika dawo kinga yamma tayi sosai dama kuma ke nake jiran ganin dawowarki maza yanzu mu wuce gida"

"To BABA barin sa kayan a can"

"Su kuma robobin ki kaisu ina？"

"Laaaa！bari kiga yadda zanyi zasu shiga gaba d'aya"

Da saurinta ta k'arasa bakin kuran robber's en ta hau d'ora wata kan wata a kwance,sannan ta shiga d'ora coolers a gurin data samar tana gamawa suka kama hanyar komawa gida,suna tafe kowa da tunanin da yake a zuciyarsa.....

Duk inda suka gifta kaga mutane na k'usk'us akan neman sanin alak'ar dake tsakaninsu sai dai duk gulmar tasu babu wanda yasan gaskiyar al'amarin......

"Kai KHUBRA aikin nan yayi miki yawa ki bari muyi tare"

"A'a wallahi BABA ki bari zanyi,yanzu zaki ga har na gama fa"

"Kawai dai dan babu yadda zanyi shi yasa zan bar miki aikin nan,Allah yayi miki albarka"

"Ameen ya Allah....Laaa！na manta BABA ban baki cinikin da nayi d'azuba"

'Dan murmushi BABA ZUWAIRA tayi bata ce komaiba,ta zauna cikin rumfa tana gyara kayan miyan da zatayi na abincin gobe..

Har ta gama wanke cooler's en ta kawo su cikin rumfa ta kife su duk dan ruwan ya fita daga ciki..
Kud'in ta fito da ta kawo shi gaban BABA ZUWAIRA ta ajiye,a hankali BABA ta d'ebi kud'in tana lissafawa,da murmushi a fuskanta ta kalli KHUBRA
"Masha Allah,gaskiya kinyi ciniki sosai Allah ya k'ara bud'awa"
Suka amsa da ameen...

"Yawwa KHUBRA abunda nake so dake gobe idan Allah ya kaimu zan siyo miki banki na k'asa da zan na sa miki kud'in a ciki kema"

Bata iya,magana ba sai murmushi da tayi,ita kam tana son matar ganin yadda ta d'auketa kamar ita ta haifeta,tana son matar saboda bata da hayaniya kamar sauran mutane........

《《》》

Tun da sanyin safiya ya gama shirinsa cikin k'ananan kaya,fuskansa yayi wani fresh sai dai rashin fara'a kamar kowane lokaci ya fito,har ya kai bakin k'ofa akayi magana da yasa shi juyawa

"YAYANAH barka da safiya"
Fuskanta da fara'a take maganar a hankali ya d'anyi murmushi ta gefe a hankali cikin nutsuwa ya amsa mata...

"YAYANAH fita za kayi da safen nan？"
Da kai ya amsa mata yana juyawa yaci gaba da tafiya
"Ammmm！BB da ka bari kaci wani abun kafin ka fita,na kammala dama yanzun nake shirin zuwa na kiraka muyi break"

Tsayawa yayi a inda yake,kome ya tuna kuma ya dawo,d'an murmushi sukayi suka nufi dinning tare...
"Woww！delicious CWEETY yaushe kika iya girki ne kam,nasan baku iya komai ba,ko dai wani yayi ba keba？"

"Laaaa！BB Allah ni kam na iya babu wanda ya taimakamin da kaina nayi...
Tun kafin kaci har ka fara santii"

"A'a fa CWEETY ni kam babu wani santii da nake,kawai dai na fad'a ne"

"Uhmm！to ai shi kenan idan ka ci sai kunnenka ya fice kan dad'i"

"Aaaa！ai kuwa na fasa kada ina ci kunnena ya fice kiyiwa mai ni asara,maza kici abunki ke d'aya"

Dariya sosai sukayi kamar ba sune suke cikin damuwa ba,sun maida damuwansu nasu su kad'ai yayinda akan fuskokinsu babu wani abu da ya wuce annuri duk dan kada kowa ya gane halin da suke ciki...

Da kyar ta dawo dashi saboda mik'ewa yayi zai tafi,dariya suka sa dukansu,haka suke break da annashuwa..

"Amm！BB kace wani abu d'azun d'an dad'a maimaitawa naji"

Kallonta yayi yana murmushi "Me na fad'a da kika manta"

"Ba kace baza kaciba ko dan kada ko ayiwa wa asara？"

Dariya sosai yayi saboda ya tuna me take nufin ya fad'a
"Nak'i wayon na fad'a miki kiji ki dinga fad'awa saura......."

"Laaaaaa！wallahi BB a'a nawa nakema da zan fara kula samari"

"Yawwa CWEETY gara ki tsaya kiyi karatunki dama na fad'i hakane dan na tsokaneki"

"To YAYANAH d'an fad'amin kaji"
Ta marairaice fuska kamar za tayi kuka...

Mik'ewa yayi ya soma tafiya,tana kallonsa har ya kai bakin k'ofan fita daga parlor sannan ya juyo yana murmushi
"Mai ni nace"
Yana fad'a ya fice da sauri har da dariya,nan ko ZUHRA ta zauna tana ta kwasar dariya,sai da tayi iya yinta sannan ta tsaigaita
"BB nah kenan wai mai shi"

Tana ta faman dariya ta ji maganar ASHNA "Ke kuma lafiyarki kike faman dariya kamar wata tab'ab'b'iya"

"Ke dallah dakata,kuma daga yau duk ranar da kika sake cemin tab'ab'b'iya wallahi saina nuna miki tab'in hankali,banza kawai"

"Dan uwarki dawa kike？"
ASHNA ta tambaya tana nufo inda ZUHRA take

"Dake nake sai me？"

Kamata ASHNA tayi da kokawa nan ko ZUHRA ta shammaceta ta timata da k'asa ta shiga jibgarta baji bare gani,sai da taji dukan ya isheta gashi ta kasa ture ZUHRA daga kantane yasa ta fasa ihu wanda ya janyo hankalin MAMA da sauri ta fito tana fad'in
"Me ya faru ne ASHNA kike mana ihu cikin gida da wannan safiyar？".......
Maganar ce ta mak'ale ganin ZUHRA a kan ASHNA tana jibga

"Ke baki da hankali kike mata irin wannan dukan？bazaki d'aga taba sai na zo kanki？"
Har ta k'araso gurin ZUHRA bata san me take cewa ba,fizgota tayi ta kifa mata mari wanda yasata sakin k'ara wadda tafi ta ASHNA....

Cikin sauri ya fad'o parlorn kamar an harbo shi yana raba eyes,ganin ZUHRA na kuka ya nufi inda take
"Me ya sameki CWEETY？waye ya tab'aki？"

"Ba MAMA bace ta mare ni akan waccan dak'ik'iyar"
Wani mugun kallo ya jefesu da shi,kafin ya kama hannunta
"Yi shiru kinji maza je d'auko vail enki mu tafi"
Da gudunta ta bar parlorn,cikin sakanni ta dawo ya rik'e hannunta suka fice,MAMA da yar lelenta suka rakasu da harara....

A mota BB yake tambayan ZUHRA me ya had'asu da ASHNA,nan ta kwashe komai ta sanar masa dariya yayi yana fad'in
"Kinyimin dai² amma abunda ke so dake duk abunda za tayi miki ki daina biye mata kinji ko"

"To BB in sha Allah hakan bazai sake faruwaba"

"Yawwa CWEETY"

Motan shiru suka d'auki hanya.......

《《》》

"Aikin banza aikin wofi tarho d'inma tsabar tsiya irin ta y'an garin nan an rasa wanda zai taimaka ya kiramin MA'U naji halin da ake ciki..
Gashi ta barni da bashi fal kaina,gashi har yau ta gagara zuwa garin nan,kuma babu wani aike da tayimin,ba danma boka na saman dutse yana taimakona ba da yanzun mutanen dake bina bashi duk an mantar da su ba da sun zo sunmin rashin mutunci"
Ita kad'ai sai surutai take kamar wacce k'wak'walwarta ta kwance

"Amma babu komai,ai duk inda take dole wata rana zata kawo kanta zata ci gidansu a hannuna,ita da cin moriya wato ni kuma da wahala"

Sai k'wafa take saki ita kad'ai talauci duk ya isheta,MALAM en kuma da take ta faman bankawa asiri babu wata mafuta da ta samu daga gurinsa,abunda take so babu dan kuwa bai samu ba dan kuwa so take ta dinga juyashi amma yak'i juyuwa,nasara d'aya da tayi kansa an rabashi da y'arsa abar k'aunarsa,ya manta da ita wanda yanzun ko maganarta bayayi....

Wannan kenan.......

《《》》

A gidan su KHALEEL kuwa tun da KHALEED yace masa ga shinan ya fito,daga yanzun zai taho yake ta faman jiran ganin zuwansa amma shiru,hakan ne yasa shi kiran line ensa...

"MAN ina ka tsaya ne kam,kasa sai jiranka nake tun d'azun kace kana hanya fa"

"Idan ka gama min fad'an sai ka ajiye waya muna bakin gate fito mu wuce"
Daga haka ya ajiye wayan ba tare da ya kashe ba,saima hand's free da yasa ta...

"Amma kai kam koi bak'in mugu maimakon ka kashe shi ne zaka sani a hand's free？"

Dariya yayi mai sauti,KHALEEL na jin haka yayi saurin kashewa dan ya san KHALEED ba kashewa zaiba...
Yana fitowa ya tarar dasu cikin motor en...

"Aaaaaa！kace tare kuke da Momcynah"

Sukayi murmushi dukkansu kafin suka shiga gaisawa..

"Ammm！nace ba"

KHALEED ya kalleshi yayin da ita kuma ZUHRA ta sunkuyar da kanta k'asa tana murza hannunta...

"Mu shiga ku gaisa da UMMI sai mu bar ZUHRA a nan muje mu dawo"

"Noo! kada ka damu tare zamu je da ita,idan mun dawo sai mu shiga,ai ina jin nan zamu yini yau"

"Wow！ kace UMMI tana da manyan bak'i"

"Ka jika da wata magana mune bak'in？"

"Noo! sub'ucewa bakina yayi ya fad'i haka" sukayi dariya gaba d'aya su uku...

Seat en baya ZUHRA ta koma daga nan motansu ta cilla kan titi sai police station..........

Saturday, March 30, 2019

'YAR GARUWA Part 21 to 30

Share this

Popular Posts

Categories

Social Plugin

Domin Samun Littattafan Hausa

Search This Blog

Blog Archive

Social Plugin

Report Abuse

Contributors

Total Pageviews