Saude na can baya tana kuka batasan meke faruwa ba, saida tayi mai isarta ta fara jiyo gidan yayi tsit, ta tashi ta koma cikin gidan bayan ta share hawayenta.
Bataga kowa ba kamar anyi shara, babu en biki babu en gidan, babu en biki, duk da su duka babu wanda takeson haɗuwa dashi, anma saida jikinta ya bata ba lafiya ba, ta tambaya ɗaya daga cikin en aikin ta faɗa mata suna can asibiti Yasseer yayi accident.
Komawa ɗaki tayi hannunta akai tana ci gaba da rusa kuka, gaba ɗaya abubuwa sun jagule mata, tama rasa tunanin me zatayi.
Tana zaune tana kuka ta haɗa kai da gwiwa sai dai ta jiyo sallaman Momie a ɗakinta, wani irin kunyarta takeji, cikin muryar data gama cin kuka ta amsa, tayi shiru tana sauraren Momie.
Ta kira sunanta "Saudat", sai da gabanta yayi mummunar faɗuwa, kasa amsawa tayi Momie taci gaba da magana,
"Allah ya gani Saudat, na rik'e ki amana, ban rageki da komai ba tamkar er dana haifa, tun ranar zuwanki kikamun alqawarin zamui zama na amana, na yarda dake, shiyasa ban taɓa tunanin hakan daga gareki ba, tunda nake da Yasseer tun haihuwarshi bai taɓa ɓoyemun wani abu ba sai a kanki"
Yanayin da Momie tayi maganar saida Saude ta ɗago tana kallonta, gabanta sai faɗuwa yake tana jiran hukuncin da zata yanke mata, taci gaba da magana.
"na yarda yayi miki laifi, ya faɗamun duk abunda ya faru, na yarda da laifinshi a matsayina na mace, kuma bawai ina goyon bawanshi bane, anma laifin da kikamun na ɓoyemun ba k'aramun al'amari bane" a rikice Saude ta k'ara ɗagowa tana kallonta.
"tabbas bazan iya ci gaba da zama dake ba, kin wargaza duk wani yarda dana miki, bazan iya haɗa jininah da mak'aryaciyah, munafukah ba, abinda kika mana kanki kika cuta" ta wurga mata takarda a inda take.
Tunda Momie ta fara magana, ko hawayen ma nema tayi ta rasa, saurarenta kawai take mamaki cike da zuciyarta, damk'e takardar tayi da hannuwanta biyu.
"daga yau ki fita daga rayuwar ƴaƴana, don bazan taɓa bari ki rabamun kawunansu ba"
Batasan yanda tayi ba, sai dai kawai ta ganta gaban Momie, wani razanannar kuka na k'ara tunzuro mata, "Don Allah Momie kiyi hak'uri, nasan na muku laifi, don Allah karku yankemun hukunci cikin fushi, wallahi Allah shine shaidata, ko kaɗan ban nufin iyalan gidannan da komai sai alkhairi, wallahi komai ya faru bada son raina bane"
Wani irin kallo Momie ke watsa mata da bata taɓa ganin ko maqiyi ta yima shiba, "ai donma kar in canja tunani nah ya saka ban baro asibitinnn ba saida na tabbatar ya cikashe miki saki uku" wani irin zaro ido tayi tana kallon Momie, "don haka ya rage naki, anma bazaki taɓa lalata mana farin cikin gidannan ba" tana gama faɗar haka ta fice tabar Saude duk'e a wurin.
Lallai yanzu ta ida yarda da ta gama rasa damarta a wurin Momie, tun farkoma meyasa ta mata k'arya? Tana magana kamar ba mace ba, bata ga laifin aurenta da Yasseer yayi ya gudu ya barta ba, ta kirata da munafuka, tama manta da shima Yasseer ɗin munafuntarsu yayi yai aure bada saninsu ba, ita dai haka rayuwanta take, duk lokacin da ta fara farin ciki sai wani k'addarar tazo ta lalatashi. Gani tayi duk tunanin bashi zai fiddata ba, ta tashi ta fara haɗa kayanta.
Cikin mintina da basu wuce talatin ba ta gama tattara komai nata, ta fito Momie na tsaye bakin k'ofa tana ganinta ta kauda kai, a hankali take tafiya ta k'arasa inda take, har k'asa ta duk'a tana k'ok'arin rik'e kukanta.
"Zan tafi Momie, don Allah ku yafemun duk laifin dana muku, Nagode da duk Alkhairan da kukamun, tsakanina daku sai addu'ah, bazan taɓa mantawa daku ba"
Ko kallonta Momie batayi ba, ta mik'e gwiwa a sanye ta fice ko Hafsat bata nema ba, tunda taga Ubanta taci gaba da zaman a hannunshi kawai.
Kuyi haquri da ɗan kaɗan, A gurguje dai.
©Rabiatu sk msh
♡MATATAH CE♡
♡♡♡♡♡♡
74
©Rabiatu sk msh
®NWA
Labari....Ilileee
www.babymsh.blogspot.com
A hankali take tafiya, ko kallon gabanta batayi, harta kusan fita daga layin, tafiya kawai take tana jefa k'afa batasan inda take dosa ba, wayanta na k'ara a handbag anma batasanma tanayi ba, saida wani mai adaidaita sahu ya kusan ture ta sannan ta dawo hayyacinta, yanata faɗa ko kallonshi ma batayi.
Duk inda take tunanin zataje, tunaninta ya gama tsayawa akan komawa k'auye, domin kuwa bata da inda yafi can, bata tsaya wani ɓata lokacin tunani ba ta wuce inda zata shiga motan Katsina, gaba ɗaya zuciyarta taa dake, kukanma nemarshi tayi ta rasa.
Yasseer ne kwance a gadon asibiti yana kallon sama, hawayene kawai ke ratata a idanunshi, ko k'ifta idanu baya iyayi, anya kuwa ya kyautawa Saude da Hafsat? Anya kuwa hakk'in Saude zai barshi? Wannan rashin adalci har ina?
Najib ne ya share mishi hawaye, bayan ya zauna gefenshi, "Meyasa bruz? Meyasa zakayi saurin yanke wannan ɗanyen hukuncin?"
A hankali yace cikin zafin ciwo da kuma zafin da zuciyarshi ke mishi, "saboda ban cancanci Saude ba, ban cancanci kasancewa da ita ba, laifukana a wurinta sunfi k'arfin a lissafa, hak'urinta da kawaicinta yayi yawa, bazan iya ci gaba da tauye mata hakk'i ba, shiyasa da sauri na yarda da umurnin da Momie kemun, mezaisa naci gaba da rik'e igiyoyin aurenta bayan abubuwan dana mata a baya? Da bakinta ta faɗamun yanzu ta daina sona, kai take so"
Ɓata rai sosai Najib yayi, "ka dainama faɗar haka bruz, babu sauran soyayya tsakanina da ita, Na tsaneta, tsanar da ba'a taɓa ma wani halitta ba, bazan taɓa bari mace ta haɗani da ɗan uwana ba"
"ka daina faɗar haka, kuskurene tayi da babu wani ɗan Adam da yafi k'arfin yinsa, mutuniyar kirkice, kuma mace ta gari da babu kamar ta a duniyarnan"
Mik'ewa yayi ya fita daga wajen ɗakin da aka kwantar da Yasseer, don maganar Saude ma wani bala'inne yake k'aruwa a cikin zuciyarshi, bazai taɓa iya daina sonta ba, anma abunda ta mishi bazai iya mantawa ba, cikin zafin rai ya fiddo wayanshi ya fara neman layinta, saida ta kusan katsewa ta ɗauka bata ma duba ko waye ba, ta kara a kunne, ba tare da tace komai ba, tama manta data ɗauka wani kira, sai dai ta barshi da sauraren k'aran tafiyan Mota hakan ya tabbatar mishi da har taa tafi.
"Kin gama abunda ya kawoki kin tafi ko? Kin riga kin gama cutar da zuciyatah da soyayyarki, saida akazo wurinda bazan iya rayuwa babu ke ba zaki fitomun da asalin halinki, kin cutar dani Saudat, kin sakani nayi k'azamiyar soyayya da matar aure, kin cutar da farin cikina"
Wani irin numfashi taja cikin sark'ewar kuka, Buɗa baki take anma ta kasa magana, saida ya gama faɗa mata duk abunda yazo bakinshi, sannan ya kashe wayan ya barta da tarin bak'in ciki.
Lokacin data isa gidan dare yayi sosai, gaba ɗaya ta gama galabaita, dak'yar ta iya kai kanta gidan, yasha gyara yayi kyau kaman bashi ba, ta kwantar da kanta jikin k'ofar sannan ta fara k'wank'wasa, ta daɗe a haka kafin azo a buɗe, Kawu da Gwaggo ne sukazo buɗewa, ana buɗe k'ofan ta faɗa da yake jingine take a jiki, da sauri Gwaggo ta rik'ota tana sallallami.
Kamata tayi suka shigar da ita ciki, tambayarta suke meya faru gaba ɗaya hankalinsu ya ɗaga, kasa basu amsa tayi saidai kuka kawai, ga wani irin zazzaɓi daya rufe ta, sai wani irin numfashi mai zafi take fitarwa, su duka babu wanda bai tausaya mata ba, gwaggo ce ta samu zani da ruwa tana sanya mata a jiki, a haka harta samu barci.
Washe garima tana tashi sai kuka, idan tana tuna abubuwan da suka faru da rayuwarta ba k'aramun tausayama kanta take ba, dak'yar ta iya musu bayanin abunda ya faru ganin yanda hankulansu suka tashi.
Su duka suka saki salati, Kawu harda kuka bilhaƙƙi ya tausayawa ma Saude, karo na farko tunda ta taso a hannunshi, cikin kuka yake cewa.
"laifin mune, mu mukaja miki koma menene ya faru dake, bamu rik'e amanarki da kyau ba, kin rik'emu tamkar iyaye, anma muka mayar dake baiwah, muka lalata rayuwanki, mun cuceki Saude mun cutar da kanmu"
Da sauri Saude ta rufe mishi baki, "Don Allah ku daina faɗar haka kawu, kun rik'eni na tashi a hannunku, ku kuka ciyar dani kuka tufatar dani baku taɓa korata daga gareku ba har kuka zaɓamun miji kuka aurar dani, kunmin abunda ya dace, ku daina ɗaurawa kanku laifi"
"kayyah Saude! Tirr da hali irin nawa, dana kasa rik'e ɗiyar yayana, don Allah ki yafe mana Saude"
"don Allah ku daina kawu, ni ban rik'eku da komai ba"
Gwaggo da itama tunda suke magana kuka take, ta bala'in tausayawa rayuwar Saude, "Anma dai mutanennnan tirr da taimako irin nasu, Allah zai saka muki abunda suka miki"
"A'ah gwaggo karki musu Allah ya isa don Allah, mutanen kirki ne, sun rik'eni tamkar jininsu, na ɗauka abunda sukamun a matsayin ajizanci na ɗan adam"
Kawu yace "Naji daɗi da kika baro musu er su a can, domin kuwa babu mu babu su har abada, yanzu ne zasu san kema kina da gatanki"
Duk sai taji kamar an yaye mata kaɗan daga cikin damuwarta, daman tunaninta kawai yanda su kawu zasu amsheta, a ranar ya sanya aka gyara mata ɗaya daga cikin ɗakunan gidan da akayi da kuɗinta, donshi yanzu har sana'a yake da kuɗin data bashi, gatan da bata samu ba tana yarinya yanzu suke nuna mata, ko kaɗan basu son suga ta ɓata rai yanzu su duka zasu damu, wani kulawa sosai suke mata kamar er da suka haifa.
Kwanciyan Yasseer Asibiti, Rabiah da Najib ne ke kula dashi, ko yaushe tana tare dashi duk da bai wani bata fuskar da zata ɓata mishi rai, hakanan ma saiya rufe ido kaman yana barci, anma hakan bai hanata kula dashi ba, don ta samu labarin duk abunda ya faru, wani k'ara sonshi ma take da taji labarin ya saki Saude.
Satinshi biyu aka sallameshi daga asibiti, ya gama warkewa sai dai damuwa da baza'a rasa ba, tare da Rabi'ah suka koma gida Momie, tana k'ara kula dashi anma ko kaɗan bai sakar mata fuska, wani irin haushinta yakeji idan yana tuna da cikinshi da zata zubar, yasan halinta na tsayuwa akan magana ɗaya indai tace zatayi bazata fasa ba.
Ahmad Ya kalla Najib daya gama bashi labarin duk abubuwan da suka faru, domin kuwa shi amininshi ne, bashi da abunda zai iya ɓoye mishi, don tun dawowanshi ya lura yana cikin damuwa, bayan fasa auren da akayi.
"kana nufin yanzu ka daina son Saudat ne?"
Wani harara Najib ya mishi, "duk labarin dana baka tambayar da zakamin kawai kenan? Bazaka faɗamun Saudat bata kyauta ba, kaman ma baka damu da abunda tamun ba"
"indai bata kyauta maka ba, abunda aka mata ma ba'a kyauta ba, ka ɗauka kaine ita wanne irin hali zaka shiga a yanzu? Ka tausaya mata itama mana"
"Babu tausayi tsakanina da macen da taci amanatah, sauran tsakaninsu ne, ko kana so kacemun inci gaba da son matar da yayana ya aura?"
"Yasseer ya riga da yaa saketa, kuma a addinance aurenka da ita ba haramun bane duk kuwa da yana raye, kuna son junanku kai da Saude, ni banga wani laifi ba anan ciki"
"ko babu sauran mace a duniya bazan iya zaman aure da Saudat ba, ballantana akwai mata da yawa a ko ina"
"Yau kuma kaida bakinka? Kar dai kacemun kaa daina son Saudat"
Wani wuri a hannun Ahmad Najib ya nuna, "menene wannan?"
"tabon ciwo mana"
"yaa warke ba?" ya ɗaga mishi kai cikin rashin fahimta.
"kamar haka ciwon son da nake ma Saudat zai warke wata rana"
©Rabiatu sk msh
♡MATATAH CE♡
♡♡♡♡♡♡
75
©Rabiatu sk msh
®NWA
Labari....Ilileee
www.babymsh.blogspot.com
Rabi'ah ce tsaye kan Yasseer, yana kwance idanunshi a rufe anma ba barci yake ba, duk maganan da take hankalinshi ya tafi wurin tunanin halin da Saude take ciki.
Hannu ta sanya ta shafi cikinta, "mu tafi ko? Tunda Abbanka baison ganinmu"
Wani irin zabura yayi, "Abbansa kuma? Kina nufin kin shirya haihuwa yanzu?"
Ɗaga mishi kai tayi tana murmushi, ta kamo hannunshi ta ɗaura saman cikinta, yaron cikin sai motsi yake, shi kuma Yasseer yanata murmushin jin daɗi.
"tayaya zan iya cire gudan jininka daga jikina? Idan nayi haka ai koni da kaina zan iya k'aryata soyayyar da nake maka,"
Wani irin farin ciki yakeji, ya kwantar da kanshi jikin cikinta yanajin wani irin farin ciki marar misaltuwa.
"Don Allah ka yafemun, ka manta da duk wani abu dana taɓa maka, a shirye nake da zama duk irin macen da kakeso"
"kin biyani Rabi'ah, kin gama biyana indai kika haifamun abunda yake cikinki, Na gode sosai"
"naji, anma ai akwai abubuwa da yawa da nake maka wanda bakaso plx ka faɗamun in daina, kana yawan cewa Saude mace ta gari ce, anma baka taɓa cemun ba ni, plz Masoyi nima inason in zama kamarta"
"Allah ya baki iko dear, tabbas ina yima sauran mata addu'an kasancewa na gari kamar Saudat, komai yaa wuce dear"
Murmushi tayi "Ina tausayin Saude, wata rana zamuje neman gafararta"
"Nagode da wannan soyayya Hniee"
A yanzu Rabi'ah na iyakar k'ok'arinta na kauda ma Yasseer damuwa, soyayya take nuna mishi kamar jaririn goye, soyayyar da koda tana Amarya basu yita ba, sai yanzu ne yake tabbatarwa da yayi sa'ar mata, ya yardar ma kanshi kuma Soyayyarshi dai ɗayace, kuma Rabi'ah yake yimawa, tausayin Saude ne kawai mak'ale a ranshi shiyasa ya kasa mantawa da ita. Basu daɗe a gidan Momie ba suka tare a sabon gidansu da aka gama gyara musu, daman gaba ɗaya suka tattaro suka dawo Nigeria.
Najib kam kullum babu barci, babu cin abinci sai tunanin Saude kawai, yaa kasa manta zaman da sukayi da ita, ta bar mishi abubuwan da bazai taɓa iya mantawa da ita ba, duk yabi ya rame soyayyar Saude na wahalar dashi sosai, idan kuma yana tuna abunda ta mishi duk yanda yaso yaji haushinta bazai iya ba.
Momie tana lura dashi, ba k'aramun tausayawa ɗan nata take ba, da taa bashi ɗan lokaci tasan zai manta da Saude ne, anma har kusan 4 month kullum damuwarshi k'aruwa take.
Ita da kanta ta tafi ɗakinshi kai mishi abinci, yana kwance rigingine
baimasan hawaye suke zuba a idanunshi ba, tunaninshi yake da Saude a zamansu, kullum cikin nishaɗi bata yarda ta ɓata mishi rai, ranar daya fara koya mata karatu ya tuna, shi kaɗai ya dunga dariya kamar zararre fuskarta na dawo mishi tana dariya da kyawawan hak'oranta.
Motsin mutum yaji da sauri ya share hawayenshi cikin dubara, ya ɗauko wayanshi yana latse-latse, sai ga Momie ta shigo da sauri ya tashi ya amsa kayan hannunta.
"Momie keda kanki kuma?"
"ai hakan kafiso ko?" Ta zauna saman gefen gadon, ya zame k'asa zai zauna, ta kalleshi "Zaunanan magana zamuyi" ya tashi ya koma gefe ya zauna.
Kallonshi take duk ya rame ya fara fita hayyacinshi, yayi fari sosai duk ya koma sukuku dashi kamar ba Najib ɗinta ba, da alama damuwar take ranshi harta fara fin k'arfinshi.
"Ina lura dakai duk kwanakinnan, akwai abunda kake ɓoyemun, ba halinka bane ka faɗamun ko me yake damunka"
Ya lumshe idanunshu da duk sun faɗa, "Ba komi Momie"
"ka faɗamun nace, har yanzu ka kasa mantawa da Saude ko?"
"Wace Saude kuma? Nina manta da ita da daɗewa Momie, don Allah ki dainama tunamun da ita" ya k'arasa maganar cikin damuwa.
"Naji, indai hakane tun yaushe nake maka magana daka fito da matar aure? Da dai ban sanka da saɓa ma umurnina ba"
Yaja wani wahalallen numfashi, "Momie nifa gaba ɗaya matannan tsoro suke bani, bani da wani zaɓi sai wadda kuka zaɓamun"
"shikenan tunda ka barmun zaɓi, Allah yayi maka albarka ya zaɓa maka ta gari"
"Ameen Momie"
"daga yau banson k'ara ganinka cikin damuwa, in baso kake nima ka ɗauramun damuwa ba"
"Insha Allah momie naa daina"
Tashi tayi ta bashi wuri, itama a ranta duk batajin daɗi, tana mutuk'ar kewar Saude, gidan duk ba daɗi da batanan, tana ɗebe mata kewa, idan tananan komai bata bari tayi da kanta, ga Hafsat kullum cikin neman mamanta take, gidan yayi kamar ba kowa tunda Saude ta tafi duk basujin daɗi.
Najib tun ciwo na cinshi a tsaye harya kwantar dashi, gaba ɗaya ya rame sosai sai an kaishi asibiti, an maido ana tunanin ya samu sauk'i sai ciwo ya dawo sabo, gashi yak'i buɗa baki ya faɗa kome ke damunshi, idan ance mishi Saude yace ba ita ba.
Ranar daya tashi basu tsoro basuyi tunanin zai kwana ba, suma ya ringa yi daya farfaɗo sai kiran sunan Saude, ko kaɗan bai cikin hayyacinshi, Momie har saida ta zubda mishi k'walla tayi mutuk'ar tausaya mishi.
Yasseer ya isketa falo inda tayi tagumi tana tunani, durk'usawa yayi saman gwiwoyinshi, ya langaɓe kai irin yana neman alfarma a wurinta.
"Momie yanzu da kika gano damuwar Najib meyasa bazaki mishi maganinta ba? Don Allah Momie karmu rasashi"
"bansan me zanyi ba, Najib yanason Saudat anma me mutane zasu ce akan ya aura matar da yayanshi ya saki?"
"abunda mutane zasuce zamuyi tunani ko abunda addini ya halarta? Tabbas Saudat MATATAH CE a da, anma yanzu babu wani sauran alak'a tsakaninmu da ita, na rantse da Allah babu sauran wani abu da nakeji a raina game da ita, ina mata kallone a matsayin k'anwatah, indai don nine Momie don Allah karku raba masoyannan guda biyu dake matuk'ar son junansu, tabbas munyi zaman aure da Saude, anma na k'aramin lokacine watanni kawai mukai a tare kuma babu wani shak'uwa a tsakaninmu, su kuma fa da suka yi shekaru suna gina soyayyarsu? Najib shine masoyin Saude na gaske, shi yafi cancanta da ita".
Momie tayi shiru jikinta a sanyaye, "ni jikina duk yayi sanyi da maganganunka, ka tuna da abunda akama Saudat fa, kana tunanin zasu sauraremu?"
"momie kefa kika fi kowa sanin kyawawan halayenta, tana da mutuk'ar kawaici da saurin yafiya, tana kuma girmama buk'atunki, sannan itama nasan har yanzu tana nan da soyayyar Najib, kinga dai dai kenan, taa gama iddarta babu sauran neman aure cikin aure"
"hakane fa duk abunda ka faɗa a kanta, wallahi har kunyar kaina nakeji abunda na mata, yanzu da wanne ido zanje neman alfarma a wurinta?"
"karki damu Momie, insha Allah komai zaizo da sauk'i"
Dak'yar aka samo kan Najib, ya farfaɗo anma dai yana kwance babu k'arfi jikinshi, sai dai k'arfin hali kawai.
Momie dai da taga taa tashi rasa ɗanta, ta tabbatar da indai ba samun Saude yayi ba shima zata iya rasashi, batayi shawara da kowa ba ta shirya tafiya garinsu Saude, daga ita sai driver da kawunnan su Najib guda biyu.
Batasan yanda zasu amsa maganar da zataje da ita ba, tun a hanya take ta addu'ah a ranta Allah ya basu nasara ya sanya komai yazo musu a sauk'i.
©Rabiatu sk msh
♡MATATAH CE♡
♡♡♡♡♡♡
76
```second to the last page```
©Rabiatu sk msh
®NWA
Labari....Ilileee
www.babymsh.blogspot.com
Su Momie sun isa k'auyensu Saude, kai tsaye gidansu suka wuce, Momie da kanta ta shiga gidan tun daga soro ta fara k'wala sallama.
A tsakar gida taci karo da su Saude Gwaggo bilki na sanya mata jan lalle a k'afa, suna ta nishaɗinsu kamar basu ba, duk da Sauden ma tayi rama anma ko kaɗan babu alaman damuwa a tare da ita.
Ita ta amsa ma Momie sallamanta, taji daɗin ganinta don murna kamar taje ta rungumeta takeji don har Abada kallon uwa take mata.
Gwaggo ta gama saka mata laida a k'afan ta mik'e tana mata sannu da zuwa, "ku shigo daga ciki Hajia" ko kaɗan bata canja mata ba akan abunda sukama Saude
"A'ah Gwaggo nanma yaa isa kusa da y'ata,"
"tohh sannunku da zuwa, aikam kunsha hanya"
"aikam dai" saida ta kawo mata ruwa mai sanyi da zoɓon da take siyarwa, sannan ta zauna suka fara gaisawa kamar daa can yanda suka saba.
"kunyi Sa'a kuwa Mallam ɗin yana kasuwa, anma na aika yanzu za'a kirashi"
"to ai ba komi"
Ita da Saude dai sai er kunya, tunda ta gaisheta bata k'ara ɗagowa ba, sai wasa take da lallen hannunta, tanaso ta tambaya Momie Hafsat, anma ta kasa, da yake Gwaggo ta basu wuri sai dai ta tsinkayo muryar Momie.
"Saude kinyi mamaki da ganinmu ko? Mun kasa samun sukuni tun bayan tahowarki, tabbas mun miki laifi, mun sani saboda kullum cikin dana sanin abunda na miki nake, kin tunasar dani akan karna yanke hukunci cikin fushi, anma nai burus nahau dokin zuciyah na miki hukuncin da yafi qarfin laifin da kika aikata, hak'ik'a ke alkhairi ce, kuma Allah kaɗai yasan abinda yake ɓoye na shigowarki rayuwarmu, gani da k'ok'on barana, ina fatan zaki yafe mana abunda muka miki nida yarana Saudat"
"Haba Momie, kefa mahaifiyatah ce, duk abunda kika zartar a kaina dai dai ne, babu uwar da zata nema gafara a wurin er ta, ballantana ni ban taɓa rik'e iyalinnan a raina ba, kunmin abunda bazan taɓa mantawa ba, Alkharin da kukamun babu abunda zan iya saka muku dashi, tsakanina daku sai dai addu'ah"
"nagode Saudat, kyawawan halayenki basu misaltuwa, nayi bak'in ciki da cewar ke ba 'yatah bace, anma bazan iya rasaki a matsayin suruka ba" dammn gabanta ya faɗi, ta buɗa baki tana kallon Momie kamar bata ida yarda da maganarta ta k'arshe ba.
Bata iya cewa komai ba sai ga Kawu Ado ya shigo, da iyayen ledoji a hannunshi, Gwaggo ta tarbeshi ta amsa tana mishi sannu da zuwa, fura ce ya kawo a dama ma su Momie da nono mai yawa, harda gasassun kaji da lemuka, shima bai nuna mata wani sauyi a fuska ba suka gaisa faran-faran, sannan ta nema magana dashi suka shiga ɗaki, a saman kujeru suka zauna sannan aka k'ara gaisawa.
"tohh Malam, gani dai da k'ok'on barana, laifine an riga an yishi, basai anyi tone-tone ba, don Allah ayi hak'uri kuskurene irinna ɗan adam"
"haba Hajia, ai wannan magana tuni taa wuce, Allah ya yafe mana gaba ɗaya"
"Ameen"tayi shiru kuma tana tunanin yanda zata ɓullo da sauran maganar.
"tohm sai kuma idan babu damuwa, nazo ne ina neman alfarmar in koma da Saude a can ɗin dai"
"Can ina Hajia? Saude kam ai tazo gida" kawu ya faɗa ba bayan ya fara rage fara'arshi.
Rok'onshi ta shigayi, kamar ta durk'usa mishi bama kamar data faɗa mishi wai har da wakilan Najib ta taho a ɗaura aure kawai, ai kauda fuska yayi sam baisan da zancen ba. Don bazai manta da wulak'ancin da Yasseer ya musu ba har yanzu, aka tara mutane ya bashi auren Saude anma ya butulce musu a k'arshe.
Cikin damuwa take faɗa mishi halin da Najib ɗin ya shiga, tana faɗa mishi duk tausayi ya cika mishi zuciyah, ya share zufa yana fita da hular dake saman kanshi, ba haka yaso ba anma Hajia duk taa karyar mishi da gwiwa, bazaiso ya k'ara bada Saude inda za'a wulak'antata ba, don yanzu ji yake da ita kamar tsoka ɗaya a cikin miya.
"Shikenan Hajia, ni yanzu bani da ta cewa, sai abunda yarinya ta zaɓa, anma ni bazan tilastata akan abunda bataso ba"
Murmushin jin daɗi Momie tayi, "Nagode Mallam Allah yabar zumunci, ni zanyi magana da Sauden"
Tana daga waje, ba laɓe take musu ba, anma tana jiyo maganganunda suke, saida ta zubda k'walla data ji halin da Najib ya shiga, tabbas itama rayuwa bata mata daɗi da babushi, ita kaɗai zata kulle kanta a ɗaki tayi ta kuka idan ta tuna shikenan yanzu sun rabu, ba k'aramin daɗi taji ba da maganar da Momie tazo da ita ba, anma ta kanne kawai.
A gabansu Kawu Momie ke neman amincewar Saude, kanta a k'asa bata ɗago ba cikin kunya tace "bani da wani zaɓi sai abunda Kawu yace, koma miye zanyi biyayya a kanshi"
"karki damu Saude, banda burin k'ara tauye miki hak'k'i, don Haka zaɓinki shine nawa" inji kawu.
Momie tace "kada ki k'wari kanki, ki fito fili ki faɗa mana abunda ke ranki, wallahi bazan taɓa ganin laifinki ba Saudat" ita duk sun ɗaureta da maganganunsu, ta jawo hijab ta lulluɓe fuskarta, Murmushi sukai su duka sun Fahimceta.
Washe gari su Momie da wuri suka dawo aka ɗaura aure, don cewa tayi bazata tafi ko ina ba saida ɗiyarta, taron jama'a akai sosai wanda tunda ake ɗaurin aure ba'a taɓayin kamarsa ba a k'auyen, Kawu ya kashe kuɗi sosai akaci aka k'oshi harda masuyin guzuri, da wuri Momie ta ɗauka amarya suka wuce Abuja, tun kafin subar k'auyen ta fara kuka, yanzu son zama take sosai da su Kawu ko kaɗan batason rabuwa dasu. Don dai kawu yace bazai iya barin k'auyen ba, saboda shi ya saba tun kakanni anan ya tashi.
Kai tsaye Momie gidan da Najib da Saude zasu zauna da ta wuce da ita, daman taa saka an gama gyarashi, suna zuwa mai gyara Saude na jira aka shiga gyarata, cikin ɗan lokaci ta fito tsaf Amaryarta, kafin a gama gyarata daman Momie taa wuce gida lokacin har Magriba ta kusa.
Najib na zaune falo ya fara samun sauk'i, shida Ahmad ne yaazo dubashi suna zaune shima duk ya damu da halin daya ganshi ciki.
Su duka suka gaisheda Momie, sannan Najib yace "Momie ina kikaje harda kwana baki faɗamun ba?"
"neman aurenka naje, Alhmdlh dana dawo na iske ka fara samun sauk'i"
Ya kalleta da mamaki "aurena kuma?" ta ɗaga mishi kai cikin tabbatarwa. "koka manta kaa bani zaɓine?" yayi shiru.
Sannan ta kalla Ahmad "yauwah daman ko ban iskeka ba zan nemo ka ne, kazo ciki inason magana dakai"
"tohh Momie" tana shiga ya mik'e yabi bayanta.
Najib dai binsu yayi da kallo kawai, maganar Momie ma dariya ta bashi, a hakan za'a mishi aure dare ɗaya kawai?
Bai tashi shan mamaki ba saida yaga Ahmad yazo mishi da sabbin ɗinki, ya tsareshi saida yayi wanka, ya shirya shidai dariya ma suke bashi.
"wai kai wanne irin wasa ne wannan? Binku nake fa kawai inga inda zaku tsaya"
"tohm ai daman ango lallaɓashi ake"
Saude na zaune tsakiyan makeken gadonta, tana lulluɓe cikin mayafi ko ina k'amshi ne a jikinta, dare ya fara nisa duk a tsorace take, ta jiyo k'aran motoci, sannan ta saki ajiyar zuciyah.
Tananan Zaune taji an buɗe k'ofa, Najib dai tafiya yake kawai, duk da maganganun da sukai da Momie kafin ya tafo bai k'arasa yarda wai da gaske aure aka mishi ba.
Yana buɗe ɗakin dai-dai lokacin Saude ta yaye mayafin kanta saboda zafin da ake, ai suna haɗa ido yayo baya da gudu Ahmad na niyyar fita ya rik'oshi.
"Saudat ce, da gaske aure akamun?"
I m Apologising wanda auren Najib Da Saude bai musu daɗi ba, anma har idan Saude bata aura Najib ba sak'on da nakeson isarwa bazai kammaluba, bincike nayi sosai kuma dai duk maganar ɗayace, Auren Saude da Najib bai haramta ba koda kuwa Yasseer yana raye, harda hakan yasa ban kashe Yasseer ba kaman yanda wasu sukaso😄 inda a gaske abun ya faru fa? Don dai karin maganar nan ta hausawa (ana barin halak don kunya) anma ba wani haramcin zama a cikin auren Saude da Yasseer, Nagode sosai gareku Masoyana. Masu cewa zasu daina karantawa! Daman page ɗaya ya rage, ko babu wanda ya karanta Alhmdlh fatana dai Allah ya bani ikon kammalawa lafiya.😄
Inata yinshi a gurguje, kudai ci gaba da hak'uri dani plz, zan fara hidima ne, bazan samu lokacin typing ba shiyasa.
©Rabiatu sk msh
♡MATATAH CE♡
♡♡♡♡♡♡
77-100
K'arshe✔
©Rabiatu sk msh
®NWA
Labari....Ilileee
www.babymsh.blogspot.com
Ahmad ya turashi, "Miye haka zaka wani faɗomun? Kaa damu mutane da Saudat! Saudat!! Saudat!!! Yanzu kuma ta zama taka da ganinta kaa wani rugo?"
"tohh aini naa kasa yarda ne, da gaske Saudat MATATAH CE?"
"gaka gatanan dai, sai ka tambayeta" Najib sai murna yake yama rasa inda zai saka ranshi don farin ciki, Ahmad ya k'ara zai fita yasha gabanshi,
"ka faɗamun gaskia da gaske nayita kiran sunan Saudat?"
"gaban Momie da Yasseer ma kuwa"
Hannu ya saka ya toshe bakinshi, "ashe ina sonta har haka?"
"Gashi kuwa da ganinta a gidanka harka warke"
"hakane fa" ya faɗa bakinshi har kusa da kunne don daɗi ma ya kasa rufuwa, sai kuma ya juya ɗakin Saude da sauri ya koma don gani yake kamar zai koma ya iske batanan.
Tananan a inda ya barta, yayi sallama, da zazzak'ar muryarta ta amsa. Ita ɗince kuwa, ya faɗa a ranshi, ta wani k'ara yi mishi kyau sosai a ido, ya kasa daina kallonta ga wani irin soyayyarta da ke fizgarshi, a hankali yayima kanshi mazauni a bakin gadon.
"Saudat!!" ya kira sunanta, har saida tayi murmushi kyawawan hak'oranta suka fito, yaushe rabon da taji ya kira sunanta? Tayi kewar ganinshi sosai, ga tausayinshi da takeji ganin ya rame.
"Da gaske ke ɗince kuwa? Da gaske ke MATATAH CE? don Allah karki faɗamun mafarki nake, idanma mafarki nake ki faɗa musu kar a tasheni, don ko a mafarki nake tare dake, bazanso in tashi ba har abada"
Ganin yanda ya ruɗe saboda farin ciki, itama sai murmushin jin daɗi take, gangarawa tayi inda yake, ta ɗaura hannuwanta biyu saman k'irjinshi sannan ta kwantar da kanta, tanajin bugun zuciyarshi.
Ajiyar zuciyah ya saki, ita ɗince kuwa, ya sak'alo hannunshi ya ida mak'ale ta a jikinshi kamar wani zai k'wace mishi.
Ya tafi duniyar jin daɗi, yau Saudat ta zama tashi, kuma sai tunanin Yasseer ya faɗo mishi, anya kuwa yasan da aurennan? Wanne irin kallo zai mishi idan yaji yaa aura matar daya saki? Bazai iya yin abunda zai taɓa ran yayanshi ba gaskia! Zare hannunshi yayi daga jikinta. Ta ɗago kai tana kallonshi lokaci ɗaya taga yanayinshi ya canja.
Ya mik'e zumbur, yayi hanyar fita, "ki kwanta, ina zuwa" ta kalleshi cikin rashin fahimta, yaɗan dawo ya durk'usa a gabanta shima baiji daɗin yanda ya mata ba.
"Abunda na miki kin yafemun?"
Hararanshi tayi da wasa, "idan kaci gaba da tuno abunda ya wuce bazan hak'ura ba"
Murmushi yayi ya ware hannunshi, "naa daina, Meyasa ma nake mantawa da Najib baya laifi wurin Saudat?"
Murmushi, yanzu hankalinshi ya kwanta da bata cikin damuwa, ya juya ta tafi ɗakinshi, shidai yasan suna matuk'ar son junansu shida Saudat, anma tayaya zai iya rayuwar aure da matar da yayanshi ya saki?. Ɗakin da yake a matsayin nashi ya koma, anan ya kwanta ya kwana tunani.
Tun tana zaman jiranshi taji shiru, kaɗan kaɗan taa duba lokaci, sai taayi kaman ta kirashi a waya saita fasa, duk ta damu tana tunanin ina ya tafi, zuciyarta ce ke zugata ta k'yaleshi kawai duk inda ya tafi dai yasan yaa barta tana jiranshi ai, tana kishingiɗawa barci ya kwashe ko kaya bata canja ba.
Da wuri ta farka duk da bata samuyin barci da wuri ba ga gajiyan tafiyan da sukasha kuma, bata nema komawa ba ta shiga kitchen da niyyar ɗaura musu girki.
Muryanshi ta jiyo, "badai girki zaki ɗaura ba? Momie tace zata aiko dashi"
Ta jiyo har yayi wanka yana cikin shirinshi, anan ya kwana ko gidan Momie? Bazata iya tambayanshi ba, sai dai ta gaisheshi kawai.
"lafiya lau ya kika tashi? Ya gidan?"
"Alhamdulillahi" sai kuma sukai shiru, shi bai tafi ba, kuma bai bata hanya ba.
"kin jirani a jiya?" ta ɗaga mishi kai, ya wani zaro ido.
"kindaiyi barci ko?" ta k'ara ɗaga mishi kai tana murmushi yanda ya zaro ido.
A tare sukayi breakfast, suna gamawa yayi kamar ya fice, ya shige ɗakinshi kawai, banson yana yawaita zama kusa da ita saboda yanda soyayyarta ke fizgarshi, gashi baison fita, gani yake kamar insun haɗu da Yasseer zaice mishi bai kyauta ba.
Haka zaman nasu yake, sai tayi da gaske, zata ganshi sau ɗaya a rana, duk yanda zata tsareshi da fira bazai zauna ba sai yayi dubara yabar inda take, kuma bai wani nuna mata a fuska, tun abun bai damunta harya fara, gashi ita ba wata k'awah ba da zata nema shawararta. Kullum Momie zata kirata taji ya suke, koda abunda take buk'ata, wani lokacin har ta haɗata da Hafsat a waya suyi fira.
Suna wata ɗaya da aure Husna ta mata waya Rabi'ah ta haihu, ita kaɗai ta ringa tsallen murna, yanzu zata fita ta huta da zaman kaɗaici a gida.
Saiga Najib ya fito daga ɗakinshi, yana ganinta yasan tana cikin farin ciki, "Rabi'ah ta haihu" yace mata
"Yaushe zamuje mu gano Baby?"
"Bazaki je ba"
"Ganin Babyn Rabiah fa nake nufi, ina son inje plz zamuje yanzu?"
Cikin kakkausar murya Asalin Najib ɗin data sani tunda yace "bazakije ba nace"
Jikinta duk yayi sanyi tace "tohm" sai kuma duk baiji daɗi ba, ya ɗan rage murya anma dai cikin faɗa faɗa, "Duka yaushe akai auren da zaki fara fita? Ko so kike kowa sai yasan kin dawo?" ya ida magana duk don son ta tanka, baiji daɗin tohh ɗin data ce ba tunda ya ɓata mata rai, shiyasa yake so ya gyarota.
"A'ah" kawai ta k'ara cewa a tak'aice, saima ta tashi ta barshi kawai, don batason ganinshi cikin ɓacin rai.
Har daren suna, bataje ganin jaririn Rabiah ba, sai dai Husna ta tura mata da hotanshi, ko maganar ma taa daina mishi, suna zaune Husna ta k'ara mata waya.
"Gaskia Auntie Saudat da alama gobenma Ya Najib bazai barki zuwa ba, wannan irin kulle haka?"
"Zanzo Insha Allah Auntie, Baby dai kar yayi fushi da Auntienshi plz"
"Mamanshi dai tace har yayi, don wannan Autien tashi bata damu dashi ba"
"A'ah auntie Rabiah kartace haka mana, Allah inanan ina fama da hotanshi, kamar inyi tsuntsuwa inzo, ɗan kyakkyawan Babyn mu kamar bab...."
Sai kuma tayi shiru maganar ta mak'ale mata, ganin Najib ya tsura mata indo tunda take magana yake kallonta, "Sai nazo dai Auntienah" ta katse wayan.
"Rabiah ma tasan kina gidannan?"
"ya bazasu sani ba? Muna waya dasu sosai" shiru yayi yana tunani, anma ya akai insun haɗu da Yasseer bai taɓa nuna mishi ba?
"ki shirya muje siyayyan Babyn"
"Da gaske zamu fita?"
"da wasa nake" ta ɗan ɓata rai duk murnarta ta koma ciki.
"idan kina ɓata ɗai bazamuje ba" tayi dariya, da murnarta ta shirya suka fita.
Siyayya sosai suka masa, sannan suka wuce gidan Momie, murna sosai tayi da ganinsu, bama kamar da taga Hankalin Najib a kwance, ba k'aramin murna tayi ba, saiji take dasu gaba ɗayansu.
Hafsat ma tunda ta mak'alema Saudat tak'i barin jikinta, sai labari take mata duk wanda yazo bakinta, ita dai amsa mata kawai take saboda kunyar Momie gata er fari, Najib ya mik'a hannu zai kamota, "ni bakiyi kewata ba sai mamanki ko?"
"kaima naayi taka, anma nafi daɗewa banga Mamanah ba"
"ai tare zamu tafi ko? Kiyita kallon mamanki kullum bazaki k'ara kewanta ba" sai kuma ta mak'ale kafaɗa, "idanna tafi kuma chohuwarnan zatayi kewata"
"laah! Waye chohuwan?" yace mata
Momie dai dariya take musu, "ai bama zan barki tafiya ba, su Rabi'ah ma sunyi naci sun bari, Hafsat tananan wurin tsohuwa"
"anma dai za'ana bamu aronta ko?"
"saina duba dai"
Hafsat tace "Mamana wai menene soyayyan gaskia?"
Kamar ta buge bakinta saboda kunyar data sakata, gashi Momie na wurin don ma Allah ya taimaketa kaman bataji ba, "ke ina kika taɓajin wannan maganar?"
Yasseer dake shigowa yace "nizan baki baki amsar wannan tambayar! Soyayyar gaskia itace kaso mutum tsakaninka da Allah ba don wani abu nashi ba, ka zama mai rik'e amanarshi, duk laifin daya maka zuciyarka bazata taɓa ɗaukan laifinshi ba, kullum kuna cikin fahimtar juna, Masoyin gaskia shine wanda zai kasance dakai a kowanne hali, shine wanda bazaka iya jurar rashinshi ba na kowane lokaci, Soyayyar gaskia shine kaso mutum a duk yanda yake"
Hannu ta ɗaga tana tafa mishi, su Saudat kam sai dai dariya kawai, "ya isheki hakanan ko kinason na baki misalin masoya na gaskia?"
"yayanmu ashe kana kusa?"
Saude ta katse musu firan, Najib ya kalleta da mamaki,
"yanzu na iso, ashe rabon in gaisa da Amaryarmu,"
"Ina wuni"
"lafiya lau fatan duk kuna lafiya"
"Alhmdlh, ya baby?"
"Rabi'ah bata faɗa muku yana fushi ba?"
"yau dai zamu goge laifi, don wannan tafiyar tashi ce shi kaɗai, ko yaya?" ta kalla Najib ya ɗaga mata kai, sannan Yasser ya mik'a mishi hannu suka gaisa, firansu sukaci gaba dayi.
Ba Momie kaɗai ba, har Najib sunji daɗin yanda Yasseer da Saudat suka manta da baya, suka manta da komai suka rungumi k'addara.
A gidan Rabi'ah kowa sai ji yake da Amaryan Najib, bama kamar danginshi sun hana bakinta shiru, wasu ta sansu tun wurin biki wasu kuma sai suna sukazo, cikin sakin fuska take gaisawa da kowa, kamar en uwanta, sai faɗi suke gaskia Amaryan Najib nada kirki.
Rabi'ah taa yaba sosai da kayan da Saudat ta kawo, sai ɗaga kayan ake ana tayasu Godia, Yasseer har kamar yayima Najib faɗa, wai miye sai sunyi wani hidima, sai dare sosai suka koma gida, washe gari da wuri ta saka ya maidota suna, haka sukaita hidima har bayan suna.
A gajiye ta dawo, suna shiga falon tayi hanyar ɗakinta, hutu kawai takeso, saida ta kusan shiga yace "inajin yunwa fa"
"Me zakaci?"
"komai ma indai daga gareki ne"
Jikka kawai ta ajje, ko kaya bata tsaya ragewa ba, ta shiga kitchen, mai sauk'i ta girka mishi, fried couscous, ta haɗo mishi da cocunut juice, yana falo ya baje yau kallo yakeji, ta ajje gabanshi ta fara zubawa.
Ya zuba mata ido, "Momie fa ta hanamu Hafsat, Haka zamu zauna ba yara a gidannan?"
A ranta tace 'A'ah satosu zamuyi, ko kuma insha a ruwa tunda kaa nema hak'k'inka naa hana'
A zahiri kuma tace "ai tace zatana bamu aro ai"
"abun aro kam an taɓa ado dashi? Kamata yayi fa muma da namu"
"hakane" ta tak'aita zancen, tana gama zuba mishi ta wuce ɗakinta.
Da mamakinta yana gamawa ɗakin nata ya shiga, sai da ya tadata sukayi sallahn godia ga ubangiji, suna gamawa suka kwanta, ga mamakinta ko kaɗan bai nemeta ba, ita abun nashima yanzu yaa wuce bata mamaki, har hak'urinta ya fara k'arewa.
Hakan zaman nasu ya koma, zasu kwana a ɗaki ɗaya, anma ya bata baya kawai, da rana ma indai yana gida suna tare da juna, yana k'ok'arin sakata nishaɗi a koda yaushe, anma babu wani bayani.
Ta gaji da zamansu a haka, da taga da gaske yake dai, ta k'udura lallai yau zata kawo k'arshen komai.
Wata fitinanniyar rigar barcinta ta gyarama zama, yana fara kallonshi ta rigashi tafiya kamar kullum, tun wurin wanka saida ta ɓata lokaci sosai sannan ta fito, ananma ta daɗe gaban mirrow tana shafa mayuka, turarukan da Husna ta bata kusan duka ta juye ma jikinta, duka ɗakin ya ɗauka k'amshi, maganunguna kam ta ɗuresu ingantattu wanda Husna ta haɗa da kanta ta san mata, data zura doguwan rigan ita da kanta tasan taayi kyau, milk ce mai santsi, shara-shara gata er qarama ko gwiwa bata kai ba, ta kwanshe gashinta data nannaɗe, ya zubo har wurin k'ugunta, shima yasha gyara ta ko ina k'amshi take, kashe wutan ɗakin tayi ta koma ta kwanta.
Tana kwanciya ya shigo shima da shirin barcinshi, ya kunna wutan ɗakin, gaba ɗaya daddaɗan k'amshin dake tashi yaa cika mishi hanci, ai da sauri ya maida ya kashe yana hangota, ga wani irin kwanciya da tayi mai jan hankali.
Ya k'ara kunna fitilan yana k'are mata kallo, anya kuwa zai iya kwana a ɗakinnan? Gaba ɗaya ganinta ya gama birkicewa, k'afafunshi dak'yar suka kaishi inda zai kwanta, duk k'amshinta ya cika mishi hanci, sai juyawa yake yana satar kallonta, anma dai k'ok'arin lallasar zuciyarshi yake, shifa ba abunda yakeso ba kenan, Sauden dai yakeso.
Tsawon lokaci ta jishi shiru? Anya kuwa Najib lafiya yake? Yau zata gane ma dai, wani irin juyawa tayi ta k'amk'ameshi ta baya, jikinshi har kyarma yake, ba k'aramun ruɗewa yayi da jinta a jikinshi ba, ya saka hannu ya fara janyeta, cikin wata rikitacciyar murya, a hankali cikin raɗa tace "mafarkin tsoro nayi, tsoro nakeji plz karka sakeni" tuni ta k'arasa kashe mishi jiki, baija da tsawo ba, nan take labarin ya canja.
Tun daga ranar wani son juna ya k'ara shiga tsakanin Najib da Saude, koda yaushe yana manne da ita, kullum k'ara sonta yake, koda na rabin second baison ya ganta nesa dashi, ko ina ta saka k'afarta suna a tare.
Sanda ta fara laulayi kusan a tare sukayi, idan tana wahala kamar ya mata kuka, ganin yanda yake damuwane take k'arfin hali indai suna a tare.
Gashi Cikin daya tashi girma sai yayi k'ato, dak'yar take tashi, hutu musanman ya ɗauka don ya ringa kula da ita, don hana Momie ma yayi a koma da ita gida.
Sanda ta tashi haihuwa ma ba k'aramin wahala tasha ba, kwana biyu suna asibiti tana aikin nak'uda, har saida aka kawoma Najib takarda ya saka hannu za'a mata C.S, yak'i ya saka, shi babu mai yanka mishi mata, ana cikin rigima dashi nurse ta rugo tana faɗa ma likita ai kan jaririn ya fara fitowa.
Lafiyayyun yaranta uku ta haifo, maza biyu mace ɗaya, ita ɗinma tana cikin k'oshin lafiya, a ranar ma aka sallamesu, duka iyalan suna cikin k'oshin lafiya.
Najib sai murna yake, gashi tsakiyar yaranshi har uku, sai dai ya ɗauka wannan, ya aje ya ɗauka wannan, ya rungumo Saude a k'irjinshi, "bansan dame zan biyaki ba akan wannan kyautar da kikamun ba, Allah yayi miki albarka, Allah ya biyaki da Aljannah MATATAH"
"Ameen"
"wanne suna kikeso mu saka musu?
"banda wani zaɓin daya wuce naka, sai yanda kace"
"Muna da mai sunan Momie dai(Hafsat), su bruz sun mana wayau sunyi Daddy, tunda Maza biyu ne, sai mu saka mishi sunan su Mama da baba, Allah yaji k'ansu shi kuma ɗayan mu saka sunan bruhh"
K'ara k'ank'ameshi tayi, tana k'ara jin soyayyar Mijinta, "Kaa biyani, wallahi ka biyani Mijina, Allah ya qara mana Soyayyar juna, mu zamu miji da mata har k'arshen rayuwarmu"
"Ameen, Insha Allah ke MATATAH CE, har a Aljannah"
Waih😃 TAMMAT BIHAMDULILLAH.
Anan na kawo k'arshen wannan littafinnan nawa, godia ga Allah (S.W.T) daya bani ikon kammalashi, kuskuren dake ciki Allah ya yafe mun.
Jinjina mai yawa gareka,
Abdul'azeez ililee,
A thank you is never enough Especially for you, you have done end number of things to me, I don't know how I would be able to repay back. But, still thanks a lot for everything, you are the best.
RAZ, tsayawa faɗar matsayinku a gareni badai a wannan ɗan guntun littafinnan nawa, komai zan faɗa bazaiyi dai dai da irin matsayinku a wurina ba, hakik'ah ni Rabi'ah banda kamarku, sisinah AMRAH A. MSH da MY ZAHRA BB, Allah ya qara haɗe kanmu Ameen.
Dole kuna da fili a cikin littafinnan.
My waliyya wally
Kishiyatah Sadeey S Adam
Sis beely badaru
Aunty jegal
Pharty bb
Miemee bie
Kwaiseh maryama
Sistonah Zahra bukar
Autar hajia
Aneelurv
Aunty sis
Momienah didi Aneesa
Shafa'atu
Baby Amrah
Basma er lele
Basma mai sanyita
Chohuwa Candy
Kazar layyatah
Maman Adnan
Meesha lurv
Mrs Umar
My stylish
Ummiee Agos
Miss xoxo
Zeey Alk'aseem
S.A Azeez
My Inlaw Mjay
Kdeey
Maman Haneep
Ayusha
Jiddah
Munayshat
Fiddausi sodangi
Biebie Isah
Ummul fadeela
Ashnur.
Aunty Maijidda musa
Aunty bilki Maman Sarki (Shaheed)
Aunty Asma'u musa Barah.
Ummu Zainabu (Haneesa).
Harma da wanda ban faɗa ba, bawai na manta daku bane, har kullum kuna raina.
```Fertymerh zahra``` tawa, kullum tunaninah dai INA ZANGA PHERTY? Dolene nazo ganin pherty don bazan gaji da gode miki ba, Allah ya qara basira.
My Abdul jega
Raheem jege
Abdul'azeez AAJ
Abba Gana
Gaisuwa mai yawa gareku👍🏻
En uwanah banda kamarku.
Hauwa'u sk msh
Fiddausi sk msh
Aysha sk msh
Masoyah na: Hak'ikah kune silar yin murmushina, ina ma ace zan iya lissafoku gaba ɗayanku? Tabbas banda kamarku masoyanah.
Na gaisheku en group ɗin da nake ciki, dama duk inda littafina yake zuwa, nagode sosai masoya.
RAZ NOVELLA 1&2, ku masoyane na hak'ika, nagode da wannan soyayya taku.
IYAYENA
Allah yaji k'anshi mahaifinmu da rahma ya gafarta mishi, Allah ya k'ara tsawon kwana momienah, Allah ya saka miki da gidan Aljannah, hak'ik'a Uwah ce ta gari, ina sonta fiye da rayuwatah!
NAGARTA WRITERS ASSOCIATION
Ina Alfahri daku, Allah ya k'ara ɗaukaka, ya k'ara mana haɗin kai, gaisuwa ta musanman ga dukkan members na wannan k'ungiya mai Albarka.
Masu neman wannan littafin dama sauran littafaina, zasu iya ziyartar blog ɗina.
www.babymsh.blogspot.com.
08032133670 whatsapp and imochat plz comment kawai, banda Maza👏🏻 follow me @instagram, Rerbee'art_sk, Snapchat Rerbee'at_sk
Nice dai taku Babynmashi😊
©Rabiatu sk msh
